Txix shông 2001 txos nhiv no, Yar cơưv Cao đẳng Sơn La tưz kria luk Choz tsiz thiaz choz kria nênhs uô hâux lưv trâu 9 tỉnh têz qơưk Lok Tsuôk, hâu ntơư muôx shuv xênhz ntơưv tỉnh Luông Pha Bang thiaz U Đôm Xay. Yar cơưv tưz kria 22 khóa kria luk Choz tsiz trâu têx shuv xênhz lok tsuôk thiaz 13 khóa kria luk Choz tsiz trâu têx cán bộ ntơưv 9 tỉnh têz qơưk Lok Tsuôk, hur si muôx 3.625 lênhx shuv xênhz.

Shông cơưv 2023-2024, yar cơưv muôx 269 lênhx shuv xênhz Lok Tsuôk, hâu ntơư muôx 33 lênhx shuv xênhz ntơưv tỉnh Luông Pha Bang thiaz 29 lênhx shuv xênhz nhoz ntơưv tỉnh U Đôm Xay. Haik txos têx shuv xênhz cơưv luk Choz tsiz uô ntêx zuôr cơưv chuyên ngành, phênhv ntâu puôr lênhx tâu muôz chứng chỉ luk Choz tsiz hov 4 tror sâur, pâuz nhênhv, pâuz sâu, mnôngs, haik tâu luk Choz tsiz fiv huv hâux lưv thâuv tror muk trâu têz qơưk chia uô côngz xưv.

Haik txos têx shuv xênhz tâu cơưv trung cấp, cao đẳng puôr lênhx txâuk chai cơưv tiar, muôx pênhr xưv sir zôngv tâu jông luk Choz tsiz. Côngz xưv saiz car thiaz paz têx shuv xênhz Lok Tsuôk tror tâu yar cơưv moz siaz txos, fuô lês ntâu tsưr ziv cơưv shâuv cov choz kria tâu jông.

Nhiv no, Yar cơưv Cao đẳng Sơn La thiaz Yar cơưv Cao đẳng Kỹ thuật nghề tổng hợp tỉnh U Đôm Xay, Yar cơưv Cao đẳng Nông Lâm Kâuv têz Lok Tsuôk taz tov kria tsưr ziv lês hâux lưv ntơưv 2 kror qơư “Chos txir kiar đuz trơưk faz hữu cơ hâur tsêr vak”, “Chos thiaz tu blêx blâuv tan Ngọc Chiến”, paz zuz thiaz iz cxia chuôz zênhx zov chênhr chia lês hâux lưv. Paz 150 cir hmôngr yuôx thiaz kria tsưr ziv vâuv qir, vâuv ndêz.  

Shông cơưv 2024-2025, Têx yar cơưv zuôr tror lês jông côngz xưv xair shuv xênhz Lok Tsuôk. Siz chos saz lax têx hâux lưv thôngz iz trôngx lul ntơưv oz tos chia fuô lês. Muôz têx baix kria điện tử chia têx yar cơưv tâu saiz chia cơưv. Kriz têx jias saz lax khoa học siz chos cơưv shâuv tsưr ziv hâur côngz xưv saiz car thiaz kriz choz kria, saz lax “Hlôngr pâur số” siz khov kria nzir tsưr ziv lok sâuv uô kôngz lông.