Côngv jias chos luk, saz tỉnh Sơn La muôx têx đồng chí: Nguyễn Đình Việt, Phó Bí thư Tỉnh ủy, Chủ tịch UBPX tỉnh; Hà Trung Chiến, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; hlôngr njêx muôs têx sở, ban, ngành ntơưv tỉnh thiaz têx tsêr luôv cik txos.

Saz Tổng Công ty Bưu điện Việt Nam muôx têx đồng chí: Nguyễn Trường Giang, Chủ tịch Hội đồng thành viên Tổng Công ty Bưu điện Việt Nam; Nguyễn Quang Hải, Phó Tổng Giám đốc Tổng Công ty Bưu điện Việt Nam.

Oz tos tưz saz lax chos luk hâur huôv tsar hạ tầng bưu chính, hlôngr pâur số, muôs hax huv điện tử, thêv nhiax trâu têx nênhs tâu chai paz thiaz hlôngr uô ntâuz ntơưr têz qơưk hâur thax tsav tỉnh Sơn La ntu 2026 - 2030. Cêr siz khov muôx 5 grê quy định mênhx pêv lok sâuv cêr tuôr xav, cêr chai, tsưr ziv thiaz njiaz luk siz khov thiaz têx điều khoản fuô lês hâux lưv. Hâux lưv siz khov chia fuô lês hâux lưv hlôngr yiaz tsưr ziv uô ntâuz ntơưr, fuô mông, siz khov muôs têx kôngz txir nox thiaz hax huv OCOP ntơưv thax tsav thiaz huôv tsar saz bưu chính.

Hâux lưv moz siaz siz khov txix li UBPX tỉnh thiaz Tổng Công ty Bưu điện Việt Nam chia sir zôngv tâu jông têx zav muôx txơưv ntơưv thax tsav chia paz max huôv tsar nhiax txiax - xã hội ntơưv tỉnh Sơn La; moz siaz sir zôngv têx tsưr ziv yiaz, hlôngr pâur số chia lês hâux lưv, paz cxiv tsa nov hâu số, nhiax txiax số thiaz xã hội số. Đros ntơư, cxơưz paz muôs tâu jông têx hax huv OCOP, kôngz txir nox ntơưv thax tsav, yax hlo zos paz trâu têx hax huv ntơưv thax tsav tox siaz, đêz đrôngs đriv têz muôs tâu jông, txix ntơư paz lês nuv tâu jông trâu pêx xênhv thiaz tsêr luôv.

Muôx luk jias no, đồng chí Nguyễn Trường Giang, Chủ tịch Hội đồng thành viên Tổng Công ty Bưu điện Việt Nam haik tiak zuôr gruô hu hur si tiz nênhs, sir zôngv tâu jông têx tsưr ziv chia đros tỉnh Sơn La lês hâux lưv hâur ntu nênhx hlôngr pâur số; fuô lês têx qơư fiv huv trâu thax tsav tox siaz, paz trâu cxuô lênhx pêx xênhv puôr lênhx tâu sir zôngv, txix ntơư paz trâu têx hax huv muôs tâu jông thiaz chuôz jos zov chênhr chia huôv tsar thax tsav truôx njês.

Muôx luk hâur Jias chos luk, đồng chí Nguyễn Đình Việt, Phó Bí thư Tỉnh ủy, Chủ tịch UBPX tỉnh haik mênhx, hâux lưv chos luk lês hâux lưv zuôr paz sir zôngv tâu jông têx zav lês tâu jông hâur cxuô faz thiaz paz muôx nzir đas jos yiaz hâur saz hlôngr pâur số thiaz paz max lês hâux lưv trâu pêx xênhv thiaz tsêr luôv hâur thax tsav tỉnh. Đồng chí cxiz cov Tổng Công ty Bưu điện Việt Nam đros têx sở, ngành, thax tsav ntơưv tỉnh zênhx max lês mênhx pêv têx njiaz luk yênhx têx cxênhx cxênhv lês hâux lưv, cêr tuôr xav fuô lês hâur cxuô ntu, moz siaz siz khov, zênhx max đơưk têx cêr phiv liv, tsi njênhk cov têx njiaz luk siz khov tâu fuô lês cxix cxuô; paz lês tâu hâux lưv jông, paz huôv tsar nhiax txiax-xã hội ntơưv tỉnh.

Hâur jias no, UBPX tỉnh Sơn La thiaz Tổng Công ty Bưu điện Việt Nam tưz chos luk lês hâux lưv hâur ntu 2026-2030; chos luk siz khov txix li Bưu điện tỉnh Sơn La thiaz Công ty Cổ phần Phúc Sinh Sơn La chia muôz hax huv cà phê muôs trâu sâuv mạng điện tử ntơưv bưu điện.