Têx fêv nênhs tưz zôngv cxuô faz tsưr ziv chia fuô kria, tso tơưv ntâu zav ntâuz ntơưr chia fuô kria, cxâuz nziak pêx xênhv uô têx zav tsik jông, nzênhr Đảng, Têz qơưk cêr chai trâu têx nênhs tâu pêx xênhv njênhs hâur hair nênhs tsơưs, li fuô kria đhâu cxuô mạng xã hội ntơưv Việt Tân, thoibao.de... đros trâu njiaz lul “Xar nziak nênhs tâu pêx xênhv njênhs chia uô hâux lưv trâu Đảng”, lol sik “nziak đas têx nênhs lâuk”…

Lar haik, tso tơưv têx ntâuz ntơưr đhâu têx xor tôngx chuô fuô lul hair nênhs tsơưs (xor tôngx chuô FEBC, xor tôngx Cêr uô nênhx…) đros têx lul hâuz nziak, li: Nênhs lâuk, tsưr jol hâur têx pêx xênhv hair nênhs tsơưs tsuôk zos mas nziak, tsik tâu têz qơưk paz, tsik tâu paz, muôz saiz kaix njuôk li đuô lưv hair nênhs txơưr. Iz chas ntơư, tsênhv nzaz nzơưv pêx xênhv hair nênhs tsơưs pâuz ntâuz ntơưr tsik siz txis chia fuô kria, hâuz nziak, nzênhr Đảng, têz qơưk txox chai tsik jông, li ntơư pêx xênhv tsik muôx cêr njênhs.

Zos pêx xênhv hair nênhs tsơưs thiaz nhoz tox siaz, li ntơư têx nênhs fêv tưz nzaz nzơưv hâuz nziak têx nênhs lâuk, tsưr jol, nênhs muôx côngz nto bê tâu pêx xênhv njênhs hâur cưr tix Hmôngz nhoz thax tsav tỉnh Sơn La. Iz cxia pêx xênhv zos hair Hmôngz tưz mas têx nênhs fêv nziak đas, xar tsa têx paz pơưs zos hair nênhs Hmôngz chia lês hâux lưv “tsa huôz taik”, “tok huôz taik”, chia ruôr Đảng, Têz qơưk txox chai. Lar haik, thax tsav tỉnh Sơn La tưz yưv têx txuz cik txos hâux lưv fuô kria tsa “Têz qơưk Hmôngz”.

Txix ntơư, hâur shông 2015 tiv zos muôx têx nênhs fêv fuô lol sâuv tsa“Têz qơưk Hmôngz” li ntơư tưz muôx iz cxia Hmôngz nhoz thax tsav huyện Phù Yên, Bắc Yên tưz hla đriv têz mul trâu saz têz qơưk Lok Tsuôk côngv uô têx zav hâux lưv chia tsa “Têz qơưk Hmôngz”. Muôx iz cxia pêx xênhv tưz mas têx nênhs muôx vax huôv têz qơưk Lok Tsuôk cxov, tưz cxov tâu iz cxia, tuô por tsês, iz cxia tưz khiar gâuv trâu xuz tsuôs har jôngr txov nhêv njuôr cux tsik chuôz car lol tsêr.

Hâur ntơư, muôx tus luz bê hu V.A.L tưz iz ntu uô tsưr jol, uô chi hội trưởng chi hội tuz kôngz hâur jol ntơưv xã Suối Tọ, huyện Phù Yên, tiv zos mas nziak, cxâuz mal tưz yênhx tus nênhs tuôr uô thơưx tuôr hâur nhoz trâu paz nênhs lês hâux lưv fuô kria lol sâuv tsa “Têz qơưk Hmôngz”, nhiv no tsênhv taz tov gâuv trâu saz têz qơưk Lok Tsuôk. Ho tus nênhs bê hu uô M.A.S nhoz xã Suối Tọ, huyện Phù Yên, mas Tòa án pêx xênhv tỉnh Sơn La tu, trâu txiv nhoz 4 shông 6 luz hli tux viv zos “Khiar mul trâu oz chas têz qơưk chia phav têz phav qơư, nov hâu thiaz pêx xênhv”.

Đảng, Têz qơưk lol six moz siaz txos, saiz hloz têx cêr chai paz trâu nênhs muôx côngz nto bê tâu pêx xênhv njênhs hâur thax tsav pêx xênhv hair nênhs tsơưs, chia cxơưz paz trâu têx nênhs tâu pêx xênhv njênhs lês zuk hâux lưv, zuk qơư sơưr hâur luz nênhx. Thủ tướng Chính phủ tưz tso tơưv Quyết định số 12/2018/QĐ-TTg, hnuz 6/3/2018 fuô lês têx cêr chai paz trâu nênhs tâu pêx xênhv hâur thax tsav pêx xênhv hair nênhs tsơưs. Kror no tưz zos Thủ tướng Chính phủ cxiv tsa Tiểu dự án 1 hâur Dự án 10 ntơưv Têz qơưk Luôs hâux lưv lol sâuv huôv tsar nhiax txiax puôk tsar zav thax tsav pêx xênhv hair nênhs tsơưs thiaz tox siaz ntu 2021-2030 trơưk Quyết định số 1719/QĐ-TTg, hnuz 14/10/2021 ntơưv Thủ tướng Chính phủ.

Trơưk li ntâuz ntơưr sâu tâu ntơưv Ban Dân tộc tỉnh, hur si têx nênhs tâu pêx xênhv njênhs hâur pêx xênhv hair nênhs tsơưs thax tsav tỉnh Sơn La (tso chai shông 2022) mal 2.066 lênhx, hâur ntơư muôx yax 1.000 lênhx zos cưr tix Hmôngz. Yênhx shông, cxuô cấp, cxuô ngành tưz moz siaz paz txos, mul shuôk, puz huv ndax trâu luz tsiaz pêx xênhv hair nênhs tsơưs thiaz thâuv têx nênhs no muôx moz; kriz têx jias njiz njêx muôs, taz têx nênhs tâu pêx xênhv njênhs chia fuô, kria Đảng, Têz qơưk têx cêr chai paz trâu pêx xênhv hair nênhs tsơưs; đros ntơư kria têx nênhs fêv tsưr ziv nzaz nzơưv pêx xênhv chia nziak đas li uz li no… chia ruôr pêx xênhv cêr uô nênhx thôngx siaz. Kriz têx jias kria nzir tsưr ziv, mul shuôk, cơưv shâuv tsưr ziv; muôz puz têx ntơưr fuô kria thiaz têx ntâuz ntơưr fuô trâu nênhs tâu pêx xênhv njênhs hâur hur si tỉnh…

Têx nênhs fêv thiaz nênhs phav têz phav qơư oz chas uô têx tsưr xar ruôr pêx xênhv hair nênhs tsơưs luz nênhx thâuv ntêx txos nhiv no cux tsik hlôngr, tsuôk zos hlôngr tsưr ziv nziak đas. Têx nênhs fêv nzaz nzơưv trâu têx nênhs tâu pêx xênhv hair nênhs tsơưs njênhs, yax hlo mal cxâuz, nzênhr lul lol sâuv têz qơưk têx cêr chai, uô trâu iz cxia cán bộ cơưv ntơưr kik lol sik nênhs tâu pêx xênhv njênhs, tsưr jol, txir ndâux txir lul tsuôs siaz, tsik muôx cêr njênhs trâu têz qơưk têx cêr chai…

Viv li cxuô cấp, cxuô ngành tsuv zôngs ntov Đảng, têz qơưk têx cêr chai, yax hlo mal Quyết định số 12/2018/QĐ-TTg, hnuz 6/3/2018 lol sâuv xair tsov, công nhận nênhs tâu pêx xênhv njênhs thiaz têx cêr chai paz têx nênhs tâu pêx xênhv njênhs hâur pêx xênhv hair nênhs tsơưs. Uô jông côngz xưv kria nzir tsưr ziv, siaz xav thiaz kria lol sâuv Đảng thiaz têz qơưk têx cêr chai paz txos pêx xênhv, kria trâu pêx xênhv pâuz têx nênhs fêv tsưr ziv nziak đas, cxoz txưv ruôr têz qơưk, ruôr pêx xênhv cêr thôngx siaz.

Viv li têx nênhs tâu pêx xênhv njênhs zuôr tsuv pâuz, tsuv chinhz phax, truôx siaz bo tir tar têx nênhs fêv ndâux lul nziak đas, tsuv ruôr yêv têx fêv nênhs tsưr ziv xar hâuz nziak têx nênhs tâu pêx xênhv njênhs chia ruôr pêz têz qơưk. Yênhx cán bộ, đảng viên thiaz pêx xênhv tsuv chinhz phax, tsik mnôngs, tsik njênhs têx nênhs fêv ndâux lul nziak đas, nzênhr lul. Thâuv tưs pov têx nênhs fêv, nênhs phav têz phav qơư nzênhr lul, hâuz nziak pêx xênhv, nzaz nzơưv nênhs tâu pêx xênhv njênhs chia ruôr pêx xênhv cêr uô nênhx thôngx siaz mal tsuv kria cias trâu nov hâu ntơưv zuk qơư nhoz chia zênhx max tir tar./.