Ntơưv jias cơưv, têx đại biểu tưz mnôngs têx paz nênhs lês hâux lưv piar mênhx têx hâux lưv bax chia cxơưz paz fuô kria cêr nuôv zax thiaz fuô Bộ Trưởng Bộ Txux chi, Thể thao thiaz Nuôv zax têx ntơưr côngk nhav Têz qơưk thax qơư nuôv zax Mộc Châu. Txos nhiv no, côngz xưv bax cxuô zav tưz lês tiar. Nhiax txiax, hâux lưv tok, taz kruô; chơư đại biểu; côngz xưv fuô kria, vax tsê cxuô tsar zav taz tov tâu uô jông bax trơưk li tuôr xav.

Ntơưv jias cơưv, đồng chí Hoàng Quốc Khánh cxiz têx paz nênhs lês hâux lưv trơưk phênhv shuôv tâu zok; uô jông bax cxix vax tsê so, chuôz zênhx, por hưv cêr nhaz xênhz, tsik tuôr xuôv; bax têx hâux lưv jông fiv huv, piar kria mênhx têx zav muôx txơưv chia huôv tsar nuôv zax, lar haik mak muôx ntâu txux jông; uô jông côngz xưv fuô chai uô ntêx cux li hâur jias côngk nhav thiaz uô kaz tâu công nhav; kruôk têx paz nênhs, tus khênhx tưz côngv đas jos cxiv tsa Têz qơưk thax qơư nuôv zax Mộc Châu tâu côngk nhav yênhx Thax qơư nuôv zax têz qơưk. Đros ntơư, siz chos njuôk tsov hâux lưv ntơưv têx ban paz hâux lưv, chia zênhx max đơưk têx cêr phiv liv hâur ntu lês hâux lưv.