Txuv jâus cơưv muôx đồng chí Nguyễn Minh Tiến, Phó Chủ tịch UBPX tỉnh; thơưx car têx sở, ban, ngành cik txos, đơn vị xav uô, tsov njuôk dự án. Jâus cơưv tâu tso yưv ti vi txos têx xã, phường cik txos thax tsav tỉnh.

Dự án cxiv tsa uô cêr yêz muk chênhr Mộc Châu - Sơn La - Điện Biên (CT.03), thax tsav tỉnh Sơn La tâu tsov xav cxiv tsa trơưk tuôr xav 4 sênhv cêr yêz, plơưr cêr đar 22 thiar, tuôr xav yêz muk chênhr 80 km/h. Txox cêr yêz muk chênhr xav hur si ntêr li 179,5 caik, muk đhâu thax tsav 18 xã, phường; tos hâu ntơưv Caik 85+300 yưv cêr têz qơưk 43, phường Vân Sơn, txuôk trâu kaz Dự án cxiv tsa txox cêr yêz muk chênhr Hòa Bình - Mộc Châu, ntu thax tsav tỉnh Sơn La; qơư xâuk ntơưv Caik 264+800 ntơưv thax tsav chiav xã Mường Bám, tỉnh Sơn La thiaz xã Mường Lạn, tỉnh Điện Biên, kror txuôk trâu Dự án cxiv tsa uô txox cêr yêz muk chênhr Sơn La - Điện Biên - Trôngx lôngs đriv têz Tây Trang, thax tsav tỉnh Điện Biên. Dự án xav cxiv tsa muôx 63.120 tiv nhiax, hâur ntơư muôz nhiax thêv qơư, paz nzir, txar pêx xênhv nhoz qơư yiaz 8.622 tiv đaiv.

Trơưk Fuô tsov xav uô tâu txox cêr đhâu thax tsav 18 xã, phường, xav têx ar zuôr sâu tror kaz 2.230 ha thiaz hiav 1.045 ziv nênhs; hâur ntơư muôx li 920 ziv/13 xã, phường tsuv tuôr xav txar qơư nhoz uô cê. Txos nhiv no, têx thax tsav tưz xav tâu 28 kror qơư txar pêx xênhv nhoz ntơưv 13 xã, phường; têx xã Đoàn Kết, Chiềng Mung, Mường É, Mường Bám thiaz phường Chiềng Cơi tuôr nhoz siz shơư lok sik ntơưv qơư.

Ntơưv jâus uô nuv, têx đại biểu tưz saz lax txos tsưr ziv yêv qơư txox cêr yêz muk chênhr CT.03; faz thiaz qơư lês côngz xưv thêv, paz nhiax, txar pêx xênhv nhoz đuô qơư thiaz thêv nhiax ar uô txox cêr yêz muk chênhr CT.03; tuôr xav pênhr cov fiv huv cêr lês, paz nhiax, txar pêx xênhv nhoz đuô qơư ntơưv dự án; tuôr xav têx thax tsav, qơư txar pêx xênhv nhoz; đơưk cêr chor nhov thiaz têx zav muôx nzir thâuv lês côngz xưv yêv qơư đo…

Câuk luk jâus uô nuv, đồng chí Nguyễn Đình Việt, Phó Bí thư Tỉnh ủy, Chủ tịch UBPX tỉnh, haik tiak: Dự án cêr yêz CT.03 zos dự án cêr yêz tsênhv chênhz, chuôz jos huôv tsar trâu tỉnh Sơn La. Côngz xưv yêv qơư zos hâux lưv chính trị lok sik tsênhv chênhz taix khov kror paz max ntơưv hur si ndêx ntus chính trị. Đồng chí cxiz cov têx thax tsav zênhx max cxiv tsa cêr xav mênhx pêv trơưk yênhx ntu cêr yêz, thax tsav thiaz six hơưv mênhx pêv; Đros ntơư tsa tơưv têx paz côngz xưv lar haik mak zos thơưx car UBPX cấp xã car chia chox lês côngz xưv yêv qơư, thav ndâux luk thiaz đơưk cêr chor nhov cias ntơưv xã, jok. Têx sở, ngành tsik so côngv đros đơưk cov tas têx chor nhov cik txos đêx ar, yêv qơư, txar pêx xênhv nhoz đuô jok, hlôngr cêr sir zôngv ar, tar têx qơư jông thiaz saiz car ntov đêx ar, qơư cxiv puôz sâuv ar yêv qơư, tsik chia tâu nhiax tsav liv txis têx chai paz. Ban Saiz car dự án cxiv tsa puôz têx cêr yêz đros ntov nti têx thax tsav chia bax cxix cxuô ntâuz ntơưr, ntu yêv qơư, têx nhiax thêv cxuô zav; fuô trâu UBPX tỉnh têx txơưr viv yax zuk vax huôv chia saiz tsov, tu zênhx max.