Ntơư zos jias tiv 7, Tưr đhia Marathon tâus cêr mê Việt Nam tâu tso yar lês ntơưv huyện Mộc Châu. Jâus tưr shông no muôx yax 3.100 lênhx nhoz 42 luz têz qơưk thiaz thax tsav thôngz ntiax têz. Têx nênhs tưr đhia: 70 caik, 42 caik, 21 caik, 10 caik, 5 caik. Têx ntu cêr tưr muk đhâu ntâu qơư nuôv zax jông gâux, têx trôngz jâuz nhux, trôngz yuôx zêx, har pax txir khơưz..., Têx nênhs tưr thiaz kruô nuôv zax tâu ndis ntus muôs sâuv lax trôngz.

Tok têx nênhs tưr, nov chox car UBPX huyện Mộc Châu tưz piar kria têx zav muôx txơưv, têx zav zôngx ziv huôv tsar nuôv zax Mộc Châu; chia siaz têx nênhs tưr zuôr yax kria têx qơư nuôv zax jông, txux chi, tiz nênhs Mộc Châu-Kror qơư ndis ntux trâus têz xênhz jông yax hâur ntiax têz txos trâu têx fôngx zưs hâur têz qơưk thiaz ntiax têz.

Hnuz 11/1, têx nênhs tưr đhia 70 caik piz sơưr cêr thâuv 5 six; txuôk nzir thâuv 7 six thiaz 8 six têx nênhs tưr đhia 42 caik thiaz 21 caik, piz sơưr cêr ntơưv Tsêr kruô Mường Thanh. Thâuv 9 six têx nênhs tưr đhia 10 caik sơưr cêr ntơưv jok Phiêng Cành thiaz ntu cêr 5 caik sơưr cêr ntơưv har txir khơưz Nà Ka, tiểu khu Pa Khen, thị trấn Nông trường Mộc Châu; cxuô ntu puôr lênhx muk suôx câuv ntơưv Trôngz yuôx zêx plơưr, thị trấn Nông trường Mộc Châu.   

Báo Sơn La zuôr xa trâu sơưr pâuz nzir têx nênhs tưr.