Ntơưv tsêr txux chi tổ 5, phường Tô Hiệu, thành phố Sơn La, hnuz tưs cux li, 17 six, cxuô lênhx hâur câu lạc bộ ntâuk bôngr cux tuôx shâuv ntâuk bôngr. Txơưv ntâu lênhx tưz lâuk lơưv, ntâu fâuv nênhs, muôx luôx juk têx mê nuôv zâuk thiaz têx lâuk, taz sik thâuv tưs sơưr đơưk cux cuz siaz lus.
Hâur thax tsav thành phố, thâuvf hnuz kaix cxuô hnuz, iz ndis Yar tiax lox Tây Bắc thiaz têx tsêr txux chi tổ, jok, thax tsav pêx xênhv nhoz, yar tiax thể thao cxuô cơ quan, đơn vị, puôr lênhx muôx txưv cxuô fâuv nênhs shâuv thể thao, li: Đhia tâus cêr, ntâuk bôngr, pickle ball, gym, ndơưk bôngr, yoga, sênhr chêr thể thao…

Hok ntơưv huyện Mường La, thể dục, thể thao tưz tâu shâuv tsik so, yênhx iz phênhv tsik thâuv tưs cux muôx đros trơưr pêx xênhv luz nênhx. Tâu têz qơưk moz siaz paz thiaz sơưr đơưk siz chos côngv paz, têx yar tiax, tsêr tưr thể thao tưz tâu cxưx nhiax uô jông, paz pêx xênhv zôngx ziv cơưv ntâu môn thể thao. Zơưs Lò Văn Cường, Bí thư Chi bộ, Hâu jok Tạ Búng, xã Tạ Bú, haik: Cxuô hnuz txos thâuv hnuz kaix, luôx juk têx lâuk, hluôk hâur jok puôr lênhx tuôx shâuv thể thao, têx hluôk mak ndơưk bôngr, têx iz đraz nênhs thiaz lâuk mak ntâuk bôngr pa lok sik muk tơư tâus cêr. Thâuv xã muôx cêr lov jêv tso yar nthuôr txux chi puôr lênhx muôx thể thao trâu pêx xênhv hâur jok côngv.

Cêr siz tưr thể dục thể thao hâur tsôngv pêx xênhv thôngz tỉnh zênhv hnuz zênhv huôv tsar chôngz thiaz jông. Zơưs Đỗ Thế Công, Phó Giám đốc Sở Txux chi, Thể Thao thiaz Nuôv zax, haik: Sở tưz lês trơưk têx chỉ thị, nghị quyết Trung ương thiaz tỉnh chox car chia tso yar huôv tsar thể dục, thể thao; fuô chai, gruô hu, fuô lês trơưk cêr gruô hu "Tas nro tsôngv px cơưv shâuv trơưk Zơưv Côngz Hôx kria" hâur thax tsav, cán bộ, công chức, viên chức, chiến sĩ tuz lênhv, công an thiaz pêx xênhv.

Shông 2024, thôngz tỉnh muôx yax 28% px sâuv thể dục thể thao tsik so; yax 23% ziv tâu kruôk zos ziv nênhs gruôs shâuv thể thao; 500 câu lạc bộ thể dục thể thao shâuv tsik so; 95% qơư choz kria ntơưr phổ thông tâu tso yar lês hâux lưv thể dục thể thao hâur têx six hơưv cơưv yar puôv, têx hâux lưv thâuv cơưv ntơưr tas; 55% cán bộ, viên chức, nênhs uô hâux lưv shâuv thể thao tsik so... 

Chia cov shâuv tâu txơưs thể thao cxuô zav, tỉnh Sơn La tưz fuô chai, puôz tiz têx tsêr luôv, paz pơưs, tus khênhx paz nhiax cxiv tsa  vax tsê, yar puôv shâuv thể thao; paz tsa têx câu lạc bộ, qơư cơưv thể thao txơưx. Txos nhiv no, thôngz tỉnh muôx 37 luz tsêr tưr thiaz shâuv thể dục thể thao; 18 luz pak luôv đêx; 750 luz yar tiax shâuv thiaz tưr thể thao yar puôv.

Cêr siz tưr thể dục thể thao hâur tsôngv pêx xênhv tưz cxơưz pêx xênhv uô nênhx muôx cêr shir phaz, cxơưz trâu tsôngv pêx xênhv thôngx siaz. Iz chas ntơư, pov têx nênhs muôx pênhr xưv txơưx thể thao cxuô qơư chia kria nzir, tưr thể thao hâur tỉnh thiaz têz qơưk.