Hội khỏe Phù Đổng tưz tâu kriz txix hnuz 28/7 txos xiaz 6/8, ntơưv thành phố Hải Phòng, muôx 10.000 lênhx nênhs tưr, cưk kria, nênhs tu saiz nhoz 63 tỉnh, thành phố.

Jâus Hội khỏe Phù Đổng, Paz tưr Sơn La muôx 125 lênhx, tưr 10 zav, li: Tưr đhia, Taekwondo, ndơưk bóng pox niav, ntâuk ntir, truz hluô, Karate, chuôv bóng câux vak, ntâuk bóng trôngx, ntâuk bóng têk thiaz cờ vua. 

Têx nênhs tưr Sơn La tưz sir tas jos, tsês trâu têx nênhs tuôx saiz đruôz siaz têx đuôz jông, muôx txiax njis lok six zov chênhr. Suôx câuv Hội khỏe, Paz tưr Sơn La tưz tưr tâu 3 Côngz mênhx Cuz; 2 Côngz mênhx Nhiax thiaz 9 Côngz mênhx Tôngx ntơưv têx cxênhx cxênhv: Taekwondo, truz hluô, ntâuk ntir, karate. Paz Sơn La tưr tâu 1.223 điểm, sơưr tiv 27/63 tỉnh, thành phố; lok sâuv tưr tâu côngz mênhx sơưr tiv 17/63 thiaz tâu Ban kriz Hội khỏe Phù Đổng hur si têz qơưk jâus tiv 10 shông 2024 puz Qix đơn vị tưr tâu ntâu côngz mênhx.