Zênhx tas nro Truz hluô têz qơưk jâus tiv 12 shông 2024 zos Sở Txux chi, Thể thao thiaz Nuôv zax tỉnh Đắk Lắk đros Cục Thể dục Thể thao (Bộ Txux chi, Thể thao thiaz Nuôv zax)  kriz trâu ntơưv thành phố Buôn Ma Thuột. Tuôx đros tưr, muôx 320 tus vận động viên nhoz 17 paz , tuôx ntơưv têx tỉnh, thành phố hâur têz qơưk, muôx: Điện Biên, Sơn La, Lai Châu, Hòa Bình, Lào Cai, Bắc Giang, Bắc Kạn, Thái Nguyên, Ninh Bình, Hải Phòng, Nghệ An, Bình Phước, Kon Tum, Gia Lai, Hà Nội, thành phố Hồ Chí Minh thiaz tsưr tsêr Đắk Lắk. Zênhx muôx ntâu njiaz luk tưr, hâur ntơư, vận động viên siz tưr ntơưv  36 hov hnhar tsik siz thôngx, muôx 18  hov hnhar hâur tsêr thiaz 18 hov tưr yar puôv đrâuv jôngr.

Paz thể thao Sơn La muôx 1 tus choz kria thiaz 20 tus vận động viên txuv Jias tưr. Tưr suôx câuv, têx vận động viên Sơn La tưz zênhx tas nro tâu 3 Côngz mênhx Cuz, 1 Côngz mênhx Nhiax thiaz  7 Côngz mênhx Tôngx.