Jias tưr muôx 1.000 lênhx huấn luyện viên, VĐV nhoz trâu 56 CLB hâur hur si têz qơưk tưr têx njiaz luk ntâuk têk tơư trơưk 4 zav hnuz nhôngs, li: Têx nênhs tsik tâu muôx 12 shông (12 njiaz luk tir thair, 10 njiaz luk ntâuk têk tơư); txix 12 txos trâu 14 shông (22 njiaz luk tir thair, 10 njiaz luk ntâu têk tơư); txix 15 txos 17 shông (23 njiaz luk tir thair, 10 njiaz luk ntâuk têk tơư); muôx yax 17 shông (21 njiaz luk tir thair, 10 njiaz luk ntâuk têk tơư).

Ntơưv jias tưr no, tỉnh Sơn La muôx 28 VĐV côngv tưr ntơưv 4 paz pơưs hnuz nhôngs, txix li 3 njiaz luk: Tus khênhx tưx tir thair, hur si paz pơưs tir thair thiaz ntâuk têk tơư. Hur si jias tưr, paz nhoz Sơn La tưr tâu 3 luz Côngz mênhx Cuz, 1 luz Côngz mênhx Nhiax thiaz 8 Côngz mênhx Tôngx.

Jias tưr Taekwondo têx CLB Têz qơưk - Cúp Đại sứ Hàn Quốc 2024 zos iz hâur têx jias tưr nhoz hâur têx njiaz luk kriz tưr têz qơưk cxuô shông. Jias tưr zos jias chia xair têx vận động viên muôx pênhr xưv trâu têx paz tưr têz qơưk.