Muôx tox trôngz hâur pêk ntâu tsar zav đros đêx lox, zâu, lax trôngz jông saiz, têx tiax nhov, trôngz yuôx zêx, har jôngr txưx jôngr lâuk, đros faz txux chi cxuô zav, zos cêr txơưv zênhx chia Sơn La huôv tsar nuôv zax thể thao. Yax hlo, Thax tsav nuôv zax Mộc Châu lox đar 206.150 ha, nhoz thax tsav oz huyện Mộc Châu thiaz Vân Hồ, fiv huv cêr khov nuôv zax ntơưv têx kruô nuôv zax nhiav thể thao tuôv ziv, thể thao tox trôngz hâur pêk, ntox ndis.

Tưz yênhx hâux lưv yênhx luz shông, thâuv pax txiv nkhơưz kaz jiz tơưs, yênhx cxênhz tus vận động viên hâur pêz têz qơư thiaz luôs oz chas têz tưz tuôx trâu thị xã Mộc Châu lês muôx Zênhx đhia Marathon tâus cêr Việt Nam.  Shông no,  đhia zênhx tưz muôx yax 3.000 vận động viên tuôx ntơưv  40 luz têz qơư thiaz têx thax tsav luôs têz qơư. Têx vận động viên, xair tsov têx njiaz luk đhia 70 caik cêr, 42 caik cêr, 21 caik cêr, 10 caik cêr, 5 caik cêr đros têx txox cêr har tsuôs, đhâu ntâu qơư muôx tox trôngz hâur pêk jông saiz, jêx jok nhoz njias to, têx thav har nhov, trôngz yuôx  zêx, vuôk har pax txir nkhơưz kaz jiz, txir nkhơưz kâuz tơưs yiaz.

Mộc Châu tâu cxênhz zos iz hâur têx ntu cêr đhia muôx tox trôngz hâur pêk jông yax Việt Nam. Shông 2025, zos jâus tiv 7, Tưr đhia Marathon cêr har tsuôs Việt Nam  tâu kriz trâu  ntơưv thị xã Mộc Châu. Xuz đhia lok txos qơư uô ntêx njiaz luk 42 caik cêr txir nênhx, zos vận động viên Stephen Anthony Brakey tuôx ntơưv  Cộng hòa Ireland, nưk haik tiak: Cur tưz đhia ntâu jâus ntơưv cxuô qơư hâur ntiax têz, taz sik txos Mộc Châu mak pov jông saiz tias. Tox trôngz hâur pêk jông saiz, jôngr txưx jôngr lâuk, tiz nênhs nhiav kruô, luôs nxi, côngz xưv kriz lês cux tâu jông txơưx fiv. Uô chak cur cxux zuôr tror tuôx đuô trâu Mộc Châu đros fôngx zưs, chia saiz shuôk đuô trôngx têz jông no.

Luz 3 hli gris nhuôv kruôr đhâu no, Thax tsav nuôv zax Mộc Châu Island - Qox iar Bạch Long  đros Câu lạc bộ Mô tô muk tox trôngz hâur pêk chor nhov Mộc Châu Enduro, thị xã Mộc Châu kriz Tưr tsav yêz mô tô muk tox trôngz hâur pêk chor nhov Việt Nam shông 2025, đros trâu yax 100 vận động viên tuôx ntơưv yax 20 luz têz qơư thiaz thax tsav têz qơư. Ntơưv no zos jâus tiv 2 tưr kriz trâu ntơưv Mộc Châu Island, muôx yar uô si trâu têx nênhs tưr mô tô muk tox trôngz hâuk pêk chor nhov khar têx pênhr xưv txơưx tsav yêz; đros ntâu jâus tưr, siz châuv jông saiz, gas siaz, gruô hu tâu chôngz tus nênhs, pêx xênhv thiaz kruô nuôv zax hâur zuk thiaz luôs tỉnh tuôx saiz, cxơưz jos.

Đros ntơư, Mộc Châu tsênhv zos qơư jông trâu têx vận động viên, kruô nuôv zax nhiav faz  zux câuk, za luz khinh khí cầu, njuôk luk tênhr trôngz Pha Luông... Pos Nguyễn Thị Hoa, Phó Chủ tịch UBPX thị xã Mộc Châu, thav: Têx cxênhx xưv thể thao gruô hu chôngz tus kruô nuôv zax tuôx trâu qơư kriz lês, muôx cêr cxơưz lox txos nhiax txiax thiaz xã hội. Ntơư tsênhv zos jâus uô tâu muk đêz đar njuz đuôz thax tsav nuôv zax têz qơư Mộc Châu – Qơư tuôx txos tox trôngz thax tsav uô thơưx hlo Châu Á  thiaz ntiax têz tuôx cov jê đuô trâu kruô nuôv zax hâur zuk têz qơư thiaz oz chas  têz qơư.

Huôv nzir têx đêx ar, huôz chuô, txơưv pênhv, huyện Vân Hồ đros kriz lês ntâu jâus tưr zênhx thể thao, li: Tưr zênhx tsav yêz mô tô muk tox trôngz  hâur pêk chor nhov Việt Nam shông  2022, 2023. Tưr zênhx yêz tuôv tơư muk tox trôngz hâur pêk chor nhov VTV Cup shông  2024. Ntơư zos têx tưr zênhx tâu cơưv shâuv, muôx cêr xav lês thôngz têz qơư, gruô hu vận động viên luôs oz chas têz qơư nhoz ntơưv Việt Nam đros lês.

Zơưs Vũ Thanh Hải, Phó Chủ tịch UBPX huyện Vân Hồ, haik tiak: Huyện nriar cêr jông yax paz, chia têx đơn vị, tsov njuôk, kriz lês têx tưr zênhx thể thao thax tsav huyện. Đhâu têx jâus kriz tưr zênhx thể thao, yâu môngz cêr txơưv nuôv zax, txux chi tsôngv nênhs cxix cxuô, ntâu tsar zav thiaz jông yax ntơưv trôngx têz Vân Hồ chiaz têx kruô hâur zuk thiaz luôs têz qơư pâuz txos. Đhâu ntơư, kriz lês, huôv nzir cêr txơưv zênhx, muôx fiv, cxơưz paz huôv tsar thax tsav nuôv zax zuk thax tsav.

Têx shông lok no, têx thax tsav hâur tỉnh  kriz ntâu hâux lưv thể thao đros trâu hâux lưv ndis saiz nuôv zax: Tưr zênhx ndê trôngz  Hài đaz nênhs ntơưv thành phố Sơn La; tênhr trôngz Tà Tao, xã Ngọc Chiến, huyện Mường La; trôngz Phu Sa Phìn, xã Hang Chú, huyện Bắc Yên; tênhr trôngz Khâu Pùm, xã Chiềng Khay, huyện Quỳnh Nhai; za zux câuk, zux txiax sâuv blaiv đêx pak tênhz điện... Têx hâux lưv  tưz muôx chôngz tus pêx xênhv, kruô nuôv zax, siz chos yâu mông têx huv nuôv zax cxuô tsar, jông ntơưv Sơn La.

Zơưs Đỗ Thế Công, Phó Giám đốc Sở Txux chi, Thể thao thiaz Nuôv zax, thav pâuz: Têx thax tsav tưz tsik so côngv ntov đros têx ngành cik txos, yax hlo mak ntơưv saz nuôv zax, ngành thể thao, ban kriz lês cxênhx xưv thể thao, ntơưv đơn vị chox lês pưs kruô nuôv zax thiaz đơn vị kriz lês cxênhx xưv chia tsa yênhx zav siz khov cxuô zav jông, cxix cxuô, gas siaz jông trâu têx kruô nuôv zax hâur zuk têzqơư, ntiax têz thâuv saiz têx huv nuôv zax thể thao.

Huôv nzir nuôv zax thể thao, zos truôv muk khov muôx, siz chos muôx cxuô tsar zav hlôngr cxuô cêr nuôv zax, cxiv tsa tỉnh Sơn La zos kror jông fiv kruô hâur zuk têz qơư thiaz luôs oz chas têz hâur cêr nuôv zax đhâu tos Kâuv Têz hnuz pôngz.