Jias tưr đhia muôx thơưx car huyện Mường La thiaz zuôr luôs 700 tus nênhs nhoz ntơưv 32 đơn vị hâur huyện thiaz oz chas huyện. Têx nênhs tuôx tưr sơưr cêr ntơưv qox Vạn Bú, xâuk trâu hâu trôngz Pom Luông, jok Thẳm Hon, xã Tạ Bú. 

Ban tso yar tưr tưz cxiz nênhs tok ntâu ntu chia cxơưz đas jos, bax đêx, txir hmaz txir ntông tok thiaz têx cưk kho moz paz têx nênhs đhia cov nhaz xênhz, cxuô lênhx muôx đas jos tưr trâu cxuô txox cêr. Chôngz pêx xênhv cxơưz jos trâu têx nênhs tưr đhia tax xâuk.

Chôngz nênhs tưr đhia ndê trôngz Pom Luông đêz 7 caik cêr, đhia đhâu ntâu ntu têx cêr ntar tox nkhâuk ndis trôngz thiaz lok six nxaz đhâu jok Thẳm Hon, xã Tạ Bú, oz saz ntus cêr zos jok Hmôngz jông gâux, nhaz xênhz lus; pêx xênhv shir phaz, nhiav kruô. Kror lar, ndê txos sâuv hâu trôngz Pom Luông, cxuô lênhx nuôv puôv tas nro tsêr mair tênhz điện đêx Sơn La, luz tsêr máy tso điện lox yax ntơưv Đông Nam Á.