Đề án tâu phaiz uô 2 ntu. Ntu tiv I (txix 2021-2025), côngv choz kria zaz zâuv (VĐV) têx faz thể thao zov chênhr, li: Đas jos, pencak silat, muay, taekwondo, yêz  tuôv tơư, ntâuk ntir, boxing, quần vợt, ndơưk bóng pox niav;  choz kria yiaz têx faz  faz: Kick boxing, gra hnhar (cử tạ); choz trơưr 3- 4 paz sơưv pâuz ntơưv Trung tâm Choz kria thiaz Tưr uô Thể dục thể thao tỉnh. Ntu tiv II (txix 2026 - 2030), tror lês kria VĐV ntơưv 12 faz, đros ntơư, huôv nzir 2 faz siz mok thiaz têk tơư têx lâuk kria tsês; choz kria 4 – 6 paz sơưv pâuz uô cê VĐV tưr tâu jông ntơưv 14  faz thể thao zov chênhr.

Yênhx shông, tỉnh tưz phaiz nhiax chok nxiak fiv huv tsênhz mênhx thiaz côngv trâu têx njiaz luk: Têx cêr xav nox txâuk cuôz, nhiax paz kria shâuv, kruôk tiz nênhs, nhiax nox hâuk, tsôngk hnar siz tưr, bảo hiểm, paz  VĐV thâuv tror lok trâu zuk thax tsav. Iz chas ntơư, cxiv tsa  yar tiax, tsêr cơưv shâuv khênhr zôngv paz choz kria VĐV iz cxia faz, li: Boxing, muay, bóng trôngx, pencak silat.., qar tsêr kho đuô têx zav hâux lưv, uô si;  xa têx vận động viên muk cơưv nzir hâur têz qơư; choz kria nênhs kria cơưv.

Txix shông 2021 txos nhiv no, cêr xair zuôr, choz kria VĐV tưr tâu jông tâu lês cxix cxuô, txơưx fiv. Nhiv no, Trung tâm Choz kria thiaz Tưr uô thể dục, thể thao tỉnh taz tov choz kria 143 VĐV; hâur ntơư, 44 VĐV zos paz tỉnh xair zuôr; 99 VĐV paz hluôs nênhs ntơưv tỉnh. Ntâu VĐV ntơưv Sơn La tưz tâu hu nhoz trâu paz nênhs xair hâur têz qơư thiaz tưr tâu jông hâur qơư tưr ntiax têz, mênhx pêv, li: Bạc Thị Khiêm, Quàng Thị Thu Nghĩa, Lò Thị Hoàng, Tòng Thị Lý, Cà Thị Minh Quàng Thị Nhung, Lường Ánh Tuyết, Cà Thị Quyên... Txos nhiv no, tas nro tỉnh muôx 76 VĐV tâu zos zênhx tas nro cêr tưr (phong đẳng cấp kiện tướng); 161 VĐV cấp I têz qơư.

Vax tsê cxuô zav paz cơưv shâuv, tưr tsik tsês tâu paz max cxiv tsa, paz cxuô zav jông yax trâu VĐV;iz chas choz kria ntơưv qơư, Trung tâm Choz kria -  Tưr thể dục thể thao tỉnh tsênhv ndo njôngr siz khov choz kria đros têx đơn vị, cxuô qơư muôx cêr txơưv zênhx thiaz muôx sênhv cêr hâur hâur têz qơư xa VĐV muk choz kria têx faz zov chênhr chia pâuz tâu tsưr ziv, cơưv shâuv cêr xav siz tưr... Nhiv no, tas nro tỉnh muôx 11 VĐV taz tov cơưv shâuv nhoz paz têz qơư xair ntơưv cxuô faz: Taekwondo, pencak silat; yêz tuôv tơư.

Kror cxiv tsa siz luôs tưz chuôz hâur pâuk tsưs truôx njês trâu cêr huôv tsar truôx njês ntơưv thể thao uô tâu jông. Txix shông 2022 txos nhiv no, têx VĐV ntơưv tỉnh tưz lês 123 kror tưr thax tsav, têz qơư thiaz ntiax têz, tâu yax 444 luz côngz mênhx cxuô zav, li: 130 luz côngz mênhx cuz, 105 luz côngz mênhx nhiax, 209 luz côngz mênhx tôngx. Hâur ntơư, têx VĐV faz taekwondo, pencak silat, gâus hmur tâu 15 luz côngz mênhx cuz thiaz nhiax ntơưv têx jâus tưr thax tsav, ntiax têz, li: Sea Games 31, 32; Asiad; tưr tas nro ntiax têz thiaz zênhx tas nro châu Á. Têx hâux lưv no iz thênhv jux juk haik tsênhz qơư sơưr ntơưv thể thao Sơn La hâur cêr tưr zuk têz qơư thiaz ntiax têz .