Côngv jias gruô hu muôx đồng chí Nguyễn Thành Công, Phó Chủ tịch UBPX tỉnh, thơưx car têx sở, ban, ngành ntơưv tỉnh; đros trâu cêr côngv têk ntơưv yar 1.000 lênhx cán bộ công chức, viên chức, tuz lênhv, công an, hluôs nênhs, shuv xênhz, nênhs lâuk, nênhs hlôngr njêx muôs trâu cxuô lênhx ntơưv têx cơ quan, đơn vị, yar cơưv, công ty, tsêr luôv thiaz têx xã, phường thax tsav Thành phố.

Jias zaz zâuv “Hur si pêx xênhv por hưv đas jos trơưk tsov iar zơưv Công Hôx” thiaz “Hnuz đhia Olympic viv pêx xênhv muôx đas jos” shông 2024 zos iz hâur têx hâux lưv muôx txiax njis chia saiz hloz 78 shông Hnuz cênhz cưv Ngành Thể dục - Thể thao Việt Nam (27/3/1946 - 27/3/2024).

“Hnuz đhia Olympic – Viv hur si pêx xênhv muôx đas jos” tâu kriz chia muôx chôngz pêx xênhv côngv shâuv thể dục, thể thao, por hưv đas jos, cxiv tsa luz nênhx muôx txux chi, nhaz xênhz, cxơưz paz cxiv kho hur si pêx xênhv thôngx siaz.

Muôx luk ntơưv jias zaz zâuv “Hur si pêx xênhv por hưv đas jos trơưk tsov iar zơưv Công Hôx” thiaz “Hnuz đhia Olympic viv hur si pêx xênhv muôx đas jos” shông 2024, đồng chí Phó Chủ tịch UBPX tỉnh gruô hu hur si cán bộ, công chức, viên chức, tuz lênhv, công an, nênhs uô hâux lưv, shuv xênhz, hluôs nênhs thiaz pêx xênhv hâur tỉnh tsik tsês cơưv shâuv têx môn thể thao fiv huv hnuz nhôngs, pênhr xưv chia por hưv đas jos tâu jông cov cơưv shâuv, lês côngz xưv, uô hâux lưv tâu jông, cxơưz paz lês tiar hâux lưv huôv tsar nhiax txiax - xã hội ntơưv tỉnh.

Tov kaz jias gruô hu, têx đại biểu thiaz yax 1.000 lênhx hlôngr njêx muôs trâu cán bộ, công chức, viên chức, chiến sĩ, lực lượng vũ trang, nênhs uô hâux lưv, cưk kria, shuv xênhz thiaz pêx xênhv thax tsav Thành phố tưz côngv đhia ndis 6 jâus Yar tiax lox Tây Bắc.