Côngv trâu hnuz grâuv pax hlôngr njêx muôs Liên đoàn Bóng đá Việt Nam; thơưx car Sở Văn hóa, Thể thao thiaz Nuôv zax đros 100 vận động viên pox niav taz tov cơưv shâuv ntơưv Trung tâm Choz kria thiaz tưr TDTT tỉnh.

Hnuz grâuv pax pox niav ndơưk bóng AFC zos cxênhx xưv tâu Liên đoàn Bóng đá châu Á (AFC) tso yar thiaz tâu kriz hâur yênhx shông ntơưv têx têz qơưk thành viên chia kruôk thiaz cxơưz paz huôv tsar pox niav ndơưk hâur hur si châu lục. Cxênhx xưv no tsik zos paz trâu têx pox niav ndơưk bóng nhoz cxuô luz têz qơưk thành viên chia tâu siz chos cơưv shâuv, tưr tsênhv mal tsênhv chia têx hluôs nênhs tâu cơưv shâuv tsưr ziv thiaz cxơưz paz muôx ntâu nênhs nhoz Việt Nam nhiav ndơưk bóng.

Ntơư zos thơưx jâus kriz Hnuz grâuv pax pox niav ndơưk bóng AFC taau kriz trâu ntơưv tỉnh Sơn La. Hnuz grâuv pax, têx vận động viên pox niav tưz côngv cxuô hâux lưv, siz nus tsưr ziv thiaz faz tưr ndơưk, têx hâux lưv paz pơưs, têx zav uô si txix li têx cưk choz kria. Hnuz grâuv paz tưz muôx cêr shir phaz, cuz siaz lus, muôx cxơưz jos chia gruôs cơưv shâuv thiaz tưr ntơưv têx vận động viên pox niav Sơn La.

Ndax jâus no, Liên đoàn Bóng đá Việt Nam tưz puz 20 luz bóng ndơưk, 100 chêr tsôngk hnar thể thao thiaz têx chuôz zênhx cơưv shâuv, xav nhiax tas zuôr luôs 80 triệu đaiv tâu muôz puz têx vận động viên pox niav ntơưv Trung tâm Choz kria thiaz tưr TDTT tỉnh Sơn La.