Hâux lưv “Muk tơư viv sơưr đơưk đas jos” tâu Trung ương Hội Liên hiệp Thanh niên Việt Nam đros Tsêr nhiax Sacombank tso yar txix shông 2020 hâur hur si têz qơưk, chia gruô hu sơưr đơưk muk tơư, đhia hâur cxuô hnuz, moz siaz lês cêr siz tưr, shâuv thể dục, thể thao, por hưv đas jos. Jias 15 tâu tso yar txix hnuz 25/2/2024 thiaz zuôr xâuk trâu hnuz 17/3/2024, muk tơư tsơưs lênhx thiaz ntu cêr đhia ntêr bâuv tưs cux tâu.

Côngv jias no, muôx yax 100 lênhx zos hluôs nênhs têx cơ sở Đoàn zos Đoàn Khối saiz car côngv muk tơư, đhia ndis yar tiax lox Tây Bắc. Iz caik cêr muk tơưk, đhia ntơưv hluôs nênhs, mak Tsêr nhiax Sacombank zuôr paz 1.000 đaiv chia cxiv tsar tsêr txux chi trâu pêx xênhv hair nênhs tsơưs.

Ntơư zos hâux lưv muôx txiax njis chia lês cêr siz tưr “10.000 ruôv tơư hâur iz hnuz”, zaz zâuv hội viên, hluôs nênhs thiaz pêx xênhv đhia hâur cxuô hnuz, chia por hưv đas jos, nthuôr huôv jông hâux lưv uô ntêx lông lês cxuô zav nuv viv pêx xênhv sơưr đơưk ntơưv têx hluôs nênhs, chia cov muôx nhiax cxiv puôz tsêr txux chi jêx jok thax tsav pêx xênhv hair nêngs tsơưs hâur têz qơưk Việt Nam.