Grâuv pax muôx phênhv đaz kruô txi xênhz têz, xênhz qơư thax tsav đêx ar thiaz phênhv nthuôr cêr lov jêv đros trâu têx zav tưr gruôv gox, njuôk jos; đros têx hâux lưv tưr ntâuk vix vôngs, haik cưr cxiax siz lưr, sênhr chêr tưz muôx chôngz pêx xênhv thax tsav thiaz oz chas, têx kruô đêz jê tuôx ndis shuôk uô si lov jêv ntưk.

Phênhv tưr gruôv gox muôx 11 paz tưr, yax 100 lênhx nhoz têx xã: Song Pe, Tạ Khoa, Mường Khoa, Pắc Ngà, Chim Vàn, Chiềng Sại, Phiêng Côn thiaz xã Đá Đỏ, huyện Phù Yên; xav iz paz tưr muôx 7 lênhx txir nênhx. Gox tưr zos gox hlâu zôngv suô njêk, têx paz tưr tsuv gruôv gox đêz txos 1.000 thiar, muôx 4 paz tâu tưr đuô chia txênhz hov 1, hov 2.

Phênhv tưr njuôk zos muôx 12 lênhx tưr trâu 2 hov txix 55 chiaz txos 60 chiaz thiaz 61 chiaz txos 65 chiaz. Jias tưr chia txuôs jông thiaz huôv tsar pêx xênhv nhoz oz saz ntus đêx Đas cênhz cưv txux chi; đros ntơư, tsênhv kria cxuô kror qơư pâuz pêx xênhv cxuô hair nênhs cêr uô nênhx thiaz txux chi, zos qơư chuôz zov chênhr chia cxơưz xã Song Pe tsik tsês huôv tsar nuôv zax trâu têx shông zuôr txos.

Suôx câuv jâus grâuv pax, Ban kriz tưr puz hov iz trâu njiaz tưr gruôv gox trâu paz tưr xã Tạ Khoa, puz 1 hov oz, 1 hov pêz thiaz 8 hov tưr tâu tov thơưx trâu têx paz tưr; puz 2 hov iz, 2 hov oz, 2 hov pêz trâu têx nênhs tưr tâu zav njuôk jos.