Thể thao coz, têx nênhs tưr zuôr tsuv tâu choz kria nzor thiax hax zav huôv tsar. Viv li ntơư, têx cưk kria ntơưv Trung tâm tưz nriar nênhs cơưv ntơưv cxuô yar cơưv, cxuô qơư, xair têx shâuv xênhz txơưx chia kria nzir cov txơưx đuô.

Zơưs Hồ Minh Sơn, Giám đốc Trung tâm Kria thiaz Tưr TDTT tỉnh, haik: Pêz xair têx nênhs tưr phênhv ntâu đhâu têx jias tưr zos pêx xênhv cxuô qơư lok sik muk xair ntơưv têx yar cơưv cias thâuv hâu shông cơưv. Têx mê nhuôv hluôk iz txưv txơưx mak txâuk chai. Têx nênhs tưr hâur paz hluôk ntơưv Trung tâm tâu xair txix 8 shông lok sik lis jos txix 11-13 shông.

Nhiav tưr ntâuk kê bôngr txix thâuv nhiv kruôr muôx 8 shông, Quàng Thị Yến Nhi, phường Chiềng Sinh, Thành phố Sơn La tưz tâu xair muk shâuv trâu paz nênhs tưr hluôk ntơưv Trung tâm. Đhâu cơưv shâuv, Nhi tưz zênhx hlo thâuv tưr iz lênhs nxaik U14 ntơưv jias tưr ntâuk kê bôngr hluôk thôngz têz qơưk - Cup Hanaka 2022. Hok Trần Thị Anh Thơ, xã Chiềng Khương, Sông Mã tâu cưk kria kria Taekwonzos pov txơưx, cov vax tsê chox tuôx chia Trung tâm kria txix 1/2023. Tâu cơưv, shâuv, Thơ tưz tưr tâu côngz mênhx cuz ntơưv jias tưr Taekwonzos cxuô fâuv hluôk thôngz têz qơưk - CJ 2023.

Nhiv no, Trung tâm Kria thiaz Tưr TDTT tỉnh taz tov tu, zus thiaz choz kria têx nênhs tưr trơưk 3 zav, paz tưr hluôk thiaz paz nênhs tưr tỉnh. Hâur ntơư, cxuô paz nênhs tưr hluôk chôngz yax, hur tiz si muôx 95 lênhx. Cxuô paz nênhs tưr tâu uô jông xair chox tuôx cơưv ntơưv Trung tâm choz kria hâur iz ntu chia njuôk tsov đuô pênhr xưv trơưk yênhx zav. Txix ntơư mav uô tưz jông kria nzir trơưk đraiv tuôr xav, tsi njênhk 11 môn zov chênhr: Taekwondo, Pencaksilat, Muay, Kick Boxing, Boxing, ntâuk kê bôngr, pox niav ndơưk bôngr, đhia, tuôv yêz câur, cử tạ.

Tix lâus Trần Huy, Thơưx  phòng Thể thao coz, Trung tâm Kria thiaz Tưr TDTT tỉnh, haik: Cxuô paz nênhs tưr ntơưv Trung tâm kria trơưk đraiv chai shâuv iz tuần 7 hnuz trơưk li têx cưk kria saiz car. Cxuô paz nênhs tưr zos têx nênhs bax chia tưr coz, muk tưr têx jias tưr lox, txix têx nênhs tưr ndê thênhv I têz qơưk, chia choz yênhx cxuô paz nênhs tưr ntơưv tỉnh lok sik tưr têz qơưk.

Têx shông đhâu, cxuô paz nênhs tưr hluôk ntơưv Trung tâm tưz kria tâu ntâu lênhx txơưx thể thao trâu tỉnh thiaz têz qơưk. Shông 2022, Sơn La muôx 50 tus nênhs tưr txơưx bâuv têx nênhs tưr thôngz têz qơưk, 15 lênhx txơưx yax, 35 lênhx coz hov I (hâur ntơư tâu 3 luz côngz mênhx cuz Sea Games 31; 1 luz côngz mênhx cuz, 1 luz côngz mênhx nhiax tưr ntiax têz Pencak Silat; 1 luz côngz mênhx cuz tưr coz yax châu Á....). Têx nênhs txơưx yax no “nto mông” tưz ntâu jias cxơưz côngz bê tỉnh ntơưv têx jias tưr hâur têz qơưk, thax tsav thiaz ntiax têz li: Côngz mênhx cuz Pencaksilat Quàng Thị Thu Nghĩa, côngz mênhx cuz Taekwonzos Bạc Thị Khiêm... 7 luz hli đhâu, têx paz nênhs tưr hluôk tưz tưr 12 jias tas nro têz qơưk, tâu 25 luz côngz mênhx cuz, 13 luz côngz mênhx nhiax, 19 luz côngz mênhx tôngx, 11 tus nênhs coz hov I.

Zơưs Hồ Minh Sơn, Giám đốc Trung tâm Kria thiaz Tưr TDTT tỉnh, haik nzir: Trơưk cxuô paz nênhs tưr hluôk, phênhv chôngz têx nênhs tưr puôr lênhx tsênhv lok six zâuk, li ntơư Trung tâm moz siaz uô jông tu, zus, nox hâuk cov txâuk, njuôk tsov hnuz nhôngs cơưv ntơưr thiaz shâuv cov fiv huv chia têx mê zâu no lox hloz siz luôs. Txơưv tiak vax tsê, chuôz zênhx tsênhv tsik muôx cxix cxuô, taz sik têx cưk kria thiaz nênhs cơưv puôr lênhx sir jos njok đơưk cêr txov nhêv chia cơưv shâuv, bax tưr jông, paz cov têx mê zâu cơưv shâuv huôv tsar.

Trơưk têx zav uôk cxuô paz nênhs tưr hluôk tỉnh tưz tưr tâu lok six zov chênhr chia cưk kria thiaz nênhs tưr ntơưv Trung tâm Kriaz thiaz Tưr TDTT tỉnh tror cơưv shâuv, sir jos cov tưr tâu jông đuô hâur ntu no muk tsar nzir trâu hâur têx côngz mênhx cuz thể thao Sơn La hâur têx shông txuôk nzir./.