Tuôx shuôk Thax tsav nuôv zax Mocha Hill, đros ndis shuôk trôngz yuôx zêx njuôz xiaz, hloz mok nhôngk, pêz tsênhv tâu pâuz cxênhx cxênhv đê, ciz njik yuôx zêx. Tix lâus Ngô Huy Việt, Giám đốc Thax tsav nuôv zax Mocha Hill, kria pâuz: Đơn vị taz tov por hưv jông 3 ha yuôx zêx; tuôx txos no, kruô nuôv zax zuôr tâu uô têx tuz kôngz. Hâux lưv ndis shuôk piz êv cơưv, ntông câuk mov, tưx xuôk têk đêx têx njik yuôx zêx, txos txơưx pâuz cxênhx cxênhv ciz njik yuôx zêx cênhz cưv đros trâu ciz njik yuôx zêx trơưk chuôz zênhx jông thiaz suôx câuv zos jâuv hâuk yuôx zêx kaz hâur đruôz đraz trôngz yuôx zêx đêx ar huôz chuô nyiaz hur, lax chuô nziak. Tsưr ziv no cê xav tơưv hax huv jông, cê huôv tsar nuôv zax muôx kaz hâu, paz kria kruô nuôv zax hâur têz qơưk thiaz oz chas têz côngv pâuz Mộc Châu huv yuôx zêx kaz. Nhiv no đơn vị taz tov tik bê lax luôv yuôx zêx hữu cơ Mocha Tea, xav hur si sâu tâu 5 tạ njik yuôx zêx kruôr/shông.

Đros trâu kror uô tâu muôx phaz nzưr, txix đraz shông 2025, Mocha Hill tror xav tơưv hax huv yiaz suôz thax lâuv huôz xênhz matcha. Kror nox kaz jiz tsư ha ntơưv lâuv huôz xênhz thiaz yuôx zêx tưz xav tơưv iz zav huv jông yax hlo. Nhoz đruôz đraz trôngz yuôx zêx lax chuô nziak, tâu jâuv nox suôz thax thiaz hâuk yuôx zêx mak lok six txâuk siaz cơưs. Têx taik suôz thax lâuv huôz xênhz matcha tưz tâu kruô nuôv zax zuôr lok tsêr chia uô huv krưr trâu têx nênhs cxênhz jê nhoz tiax đrak.

Nhiv kruôr ciz tas luz vaz njik yuôx zêx thiaz ntiv suôz thax lâuv huôz xênhz hâur hnaz, niav lâuk Nguyễn Thị Thu Hà, kruô nuôv zax tuôx ntơưv Hà Nội, kria pâuz: Cur ziv nênhs tưz tuôx trâu lax trôngz Mộc Châu ntâu jâus, taz sik ndis shuôk ntơưv Mocha Hill lok six txơưr đuô kror qơư. Tâu tưx xuôk têk đêx njik yuôx zêx, hnia tsuv yuôx zêx taz tov ciz kror tsư ha thiaz puôz tơưv têx luz suôz thax lâuv huôz xênhz matcha uô trâu pêz têx mê nhuôv lok six nhiav cơưs. Yuôx zêx kror tsưx ha thiaz suôz thax siz shơư nox lok six kaz jiz thiaz tsư ha. Ntơư zos jias ndis shuôk txux chi kôngz lông zuôr ndo njôngr tsik plox trâu đruôz siaz.

Ntơưv HTX Tsưr ziv huôv tsar kôngz lông 19/5 tâu cxiv tsa txix shông 2000, chos 20 ha txir khơưz kaz jiz, khơưz kâuz, tưz cxưx nhiax uô tsêr tu jông sir zôngv chuôz zênhx jông xav tu jông txix 300- 500 tấn txir/shông. Txix têx luz txir khơưz kaz jiz, khơưz kâuz sâuv cxuô luz trôngz, đhâu tu jông tưz xav tơưv ntâu huv jông tâu tik bê HTX 19/5 li: Chơưr txir khơưz kaz jiz, chơưr txir khơưz kâuz, txir khơưz tsâu shơư suôz thax kra kruôr.

Zơưs Mai Đức Thịnh, Giám đốc HTX Tsưr ziv huôv tsar kôngz lông 19/5, kria pâuz: Tsuôk zos tu jông lok six jông thiax tâu gri thiaz paz tuz kôngz tso siaz huôv tsar zuk thax tsav têx kôngz txir nox jông. Shông 2025, HTX tâu paz 288 triệu nhiax txix pênhr nhiax khuyến công ntơưv tỉnh chia cxưx nhiax zuôr nzir oz luz máy tu jông kôngz txir nox yiaz lok sir zôngv, xav hur si tu jông 3 puô/jâus, paz hlôngr yiaz hax huv, zuôr tas têx hov txir nhôngk. Hâux lưv uô tiar cxênhx cxênhv tu jông paz HTX tưx tsov xav tsưr ziv huôv tsar kôngz lông, tu kôngz nhoz thax tsav chos kôngz txir nox muôx hâux lưv uô tsik tsês.

Têx đuôz kôngz lông phường Vân Sơn zênhv hnuz zênhv muôx ntâu xiv, đros trâu muôx yax 155 ha ntông nox txir, xav sâu tâu 2.700 tấn txir; 840 ha yuôx zêx, xav đê tâu 7.595 tấn njik yuôx zêx. Têx tsêr luôv, HTX, ziv nênhs moz siaz huôv tsar kôngz lông sir zôngv chuôz zênhx jông li: 29 HTX thiaz ziv nênhs sir zôngv tsưr ziv zưs đêx txuôs sir zôngv đêx; 28 HTX thiaz ziv nênhs uô tsêr iar, tsêr vak; txuôs jông 5 luz far txiak por hưv jông kôngz txir nox thiaz 1 luz yêz txiak paz max hâux lưv por hưv, thâux kôngz txir nox muk lok. Xav yax 1 ha têz sâu tâu 66 triệu nhiax.

Zơưs Trần Quang Hoàng, Phó Chủ tịch UBPX phường Vân Sơn, thav pâuz: Cấp ủy, nov hâu thax tsav phường tror paz uô tiar ntâuz ntơưr tâu sai chia gruô hu tsêr luôv, HTX tuôx tso pênhr tu jông kôngz txir nox. Đros ntơư, zaz zâuv kriz đar têx tsưr ziv huôv tsar kôngz txir nox sir zôngv chuôz zênhx jông, cê huôv tsar đros fuô lês Cxiax cxênhv OCOP chia yôngv siaz bê hax huv thax tsav. Tâu kror đrơưv đrôngk ntơưv têx HTX thiaz kror muôx pênhr xưv ntơưv pêx xênhv, Vân Sơn zuôr muôx nzir ntâu hax huv kôngz txir nox jông, muôx gri, sâu nju nhiax txiax truôx njês.

Tâu kror jông siaz côngv đros uô ntơưv cấp ủy, nov hâu thiaz kror sir jos hlôngr yiaz tsưr ziv huôv tsar kôngz txir nox ntơưv têx HTX, tuz kôngz phường Vân Sơn tưz xav tơưv têx hax huv kôngz txir nox jông, đros trâu cxưx nhiax zuôr chuôz zênhx xuôk máy uô lok tu jông kôngz txir nox, paz sik tưr uô nox tsiv txiax, muôx kaz hâu, muôx gri, sâu nju nhiax txiax, cxơưz huôv tsar nhiax txiax- xã hội ntơưv thax tsav./.