Tỉnh Sơn La nhiv no muôx 399 luz tsêr luôv, HTX chos ntông nox txir; 11 luz tsêr luôv  txơưx fiv chuôz zênhx uô kôngz lông; 100 HTX muôx cêr siz khov muôs 22.000 ziv têx hax huv. Tas shông 2022, hur si tỉnh muôx 24 zav huv tâu muôz ntơưr tsưx hưv, hâur ntơư, 12 zav txir nox. Côngz xưv cxơưz cxiv cêr lax luôv, siz khov, zuôr thiaz muôs hax huv trâu oz chas têz qơưk, yax hlo mak têx txir nox tâu sir jos, txix ntâu cêr xav, li: Kriz têx hâux lưv cxơưz cxiv cêr lax luôv yưv tivi txos cêr luôv hâur zuk têz qơưk thiaz oz chas têz qơưk; Têx hâux lưv livestream, hâux lưv muôs huv online, siz kria đhâu zalo, Facebook...; sir zôngv thiaz huôv tsar cêr luôv điện tử, paz têx tsêr luôv, hợp tác xã muôx têx cêr uô luôv điện tử lox nto côngz hâur zuk têz qơưk thiaz luôs têz qơư li sendo, shopee, lazada, alibaba, voso... Txos nhiv no, têx ntông nox txir ntơưv tỉnh zuôr tâu muôs hâur cêr luôv tỉnh, hâur têz qơưk thiaz muôs trâu oz chas têz qơưk. Shông 2022, têx txir nox tưz muôs muk trâu iz cxia têz qơưk, xav têx txir nox sâu tâu 18.608 tấn, xav muôs trâu oz chas têz qơưk tâu 25,2 triệu nhiax đô la.

Têx đại biểu tưz côngv saz lax lok sâuv côngz xưv chox car fuô kria lês têx cêr xav, nhiax paz lok sâuv sir zôngv uô luôv điện tử hâur cêr siz khov muôs kôngz txir; têx hâux lưv tso tơưv hâur cêr sir zôngv lax luôv điện tử chia siz khov muôs têx txir nox trâu tsêr luôv, HTX zuk thax tsav; cêr xav pênhr xưv saiz car Têz qơưk lok sâuv hâux lưv uô luôv điện tử  hâur cêr muôs têx txir nox…. Sir zôngv chuôz zênhx GIS trâu cêr saiz car thax têz chos thiaz siz khov muôs têx txir nox ntơưv têx tsêr luôv nhoz zuk thax tsav…

Liên hiệp têx Hội Khoa học thiaz Kỹ thuật tỉnh tưz sâu nhav têx ndâux luk ntơưv đại biểu. Txix ntơư, saz lax trâu UBPX tỉnh, têx sở, ngành tâu chai lok têx cêr xav hur si chia iz thênhv jux juk huôv tsar nhiax txiax số, cxơưz paz têx hâux lưv sir zôngv lax luôv điện tử hâur cêr siz khov zuôr muôs têx txir nox thax tsav tỉnh.