Sâuv thax tsav huyện Mường La muôx 85 hợp tác xã (HTX) uô hâux lưv trâu têx saz kôngz txir, shôngz ntông, tsiax đêx, công nghiệp, tiểu thủ công nghiệp, lax luôv, nox hâuk, đros trâu 548 thành viên. Zơưs Nguyễn Văn Tâm, Phó Chủ tịch UBPX huyện, thav pâuz: Huyện tưz fuô lês jông cêr chai nhiax txiax paz, nriar cêr paz trâu têx HTX kriz đar cêr khưr, uô luôv. Chox car têx cơ quan chuyên môn sir jos kria nzir, choz tsưr ziv uô kôngz trâu HTX hlôngr ntơưv chos kôngz trơưk kuz tsưr ziv hla trâu uô jông fiv,uô tơưv têx hax huv kôngz lông hur, kaz. Sir jos cxơưz paz cêr lax luôv, nriar  cêr trâu têx HTX muk txuv têx jâus kriz ciaz, kriz đar siz khov têx nux gri ntơưv têx HTX đros tsêr luôv.

Txix shông 2020 txos nhiv no, huyện tưz paz yax 1,5 tỷ nhiax paz têx HTX zuôr hnaz ntiv têx hax huv; paz fuô kria, yâu mông, zuôr muôs têx hax huv đhâu têx luk fuô đhâu xor tôngx;paz niak ntơưr lo kria têx qơư uô tơưv huv, muôz ntơưr chênhr nhav VietGAP. Ntâu hợp tác xã uô hâux lưv kôngz lông, lax luôv muôx liv, trâu siaz lês kria têx huv kôngz txir zuk thax tsav. Đuô li, tsênhv paz sir tsưr ziv txơưx fiv trâu cêr uô tơưv, paz pêx xênhv hlôngr cêr xar chos kôngz txir, chuôs tâu cêr pâur muôs.

Tsa tơưv luz 8/2019, HTX Kôngz lông Mường Bú, tiểu khu 2, xã Mường Bú, tưz trâu siaz zaz zâuv têx thành viên paz cxiv tsa, sir zôngv tsưr ziv txơưx fiv, xav cov sâu nju thiaz uô cov huv jông. HTX muôx 28 ha mo môngk, 12 ha lưv tsiz thiaz 12 ha ntông nox txir uô txâux. Zơưs Vũ Đăng Kế, Giám đốc HTX, haik tiak: Txix hâu shông txos nhiv no, HTX tưz muôs tas yax 80 tấn txir cxuô zav, muôx hâux lưv uô truôx njês, sâu nju siz bâus tâu 140 triệu đaiv nhiax/thành viên thiaz muôx hâux lưv uô trơưk chaix trâu 20 tus jos zuk thax tsav.

Shông 2020, tix lâus Lường Văn Xiên, xã Ngọc Chiến, tưz zaz zâuv siz khov tsa yênhx HTX nuôv zax tsôngv nênhs Ngọc Chiến, kho đuô, uô jông tsêr nhoz, tsêr uô mor thiaz têx công trình tơưv trôngx chia paz max tok kruô nuôv zax. Tix lâus Lường Văn Xiên, Giám đốc HTX, thav pâuz: Tâu huyện paz 280 triệu đaiv nhiax uô tâu far ntơưr điện tử, website, fanpage chia yâu mông thiaz nus txos nênhs sir zôngv. Pêz tưz uô tâu jông zos têx huv thiaz uô tiar têx tiêu chí faz nuôv zax ntơưv cxiax cxênhv OCOP thiaz tâu côngk nhav OCOP 4 hnuz kuz, kruô nuôv zax pâuz txos HTX ntâu đuô. Txix shông 2022 txos nhiv no, HTX tưz tok thiaz taz kruô nto li 50.000 pưs, sâu tâu yax 12 tiv đaiv nhiax, muôx hâux lưv uô trâu 100 thành viên thiaz nênhs uô  nuv zuk thax tsav.

Têx HTX uô hâux lưv muôx liv, paz yôngv jông têx hax huv kôngz txir hur, nhaz xênhztrơưk cêr xav jông. Đros ntơư, ndê gri hax huv, paz chok nxiak muôs tâu muk truôx njês, cxơưz cxiv huôv tsar cêr uô tơưv kôngz txir ntơưv jêx jok, yôngv siaz cêr nox nhoz ntơưv tsôngv pêx xênhv trâu cêr cxiv kho jêx jok yiaz.