Luz chaix txir lưv tsiz siar nzor ntơưv Chiềng Khương

Têx hnuz hâu hli 6, têx vax txir lưv tsiz siar nzor ntơưv xã đriv têz Chiềng Khương tưz piz đê muôs. Tus gri siaz đuô njuôk li têx txir siar trơưk chaix, txix ntơư paz trâu têx tuz kôngz sâu nju nhiax txiax sir zôngv.

Hâur luz chaix muôs tâu gri, tuz kôngz xã Chiềng Khương tưz moz siaz đê têx txir lưv tsiz siar nzor chia muôs. Cias thâuv sơưr nzor, ntơưv têx tox trôngz tưz đê txir lov jêv ntưk, chia cov muôx txâuk txir muôs trâu têx nênhs sir zôngv hâur tỉnh thiaz oz chas tỉnh.

 

Thax qơư chos txir lưv tsiz siar nzir ntơưv HTX Kôngz lông Hưng Lộc, jok Tân lập, xã Chiềng Khương.

 

HTX Kôngz lông Hưng Lộc, jok Tân Lập, muôx qơư chos txir lưv tsiz siar nzor ntâu yax ntơưv Chiềng Khương đros trâu 30 ha, txênhz 65% hur si têx qơư chos ntơưv 23 thành viên. Têx thành viên HTX tưz sir zôngv tsưr ziv tu trơưk VietGAP. Zơưs Trần Văn Lộc, Giám đốc HTX Kôngz lông Hưng Lộc, thav pâuz: Txix hâu hli 5 txos nhiv no, têx thành viên HTX tưz đê tas zuôr luôs 40% têx txir siar nzor. Têx txir shông no xav đê tâu 7 tấn/ha, tsơưs đuô njuôk li shông uô ntêx, taz sik shông no txir lox thiaz kaz đuô, viv li muôs cux tâu gri đuô. Nhiv no, têx tuz luôv tuôx zuôr cias ntơưv qơư, mal tus gri txix 30.000 - 50.000 đaiv/chiaz.
Tuz kôngz jok Tân Lập, xã Chiềng Khương đê txir lưv tsiz siar nzor.
Cux chos 2 ha txir lưv tsiz siar nzor, pos Bùi Thị Dung, jok Quyết Thắng, thav pâuz: Txix li chos txir lưv tsiz siar nzor thiaz trơưk chaix, mak tưz tsik ndo cxơưx tsav muôs tsik tas thiaz tsik tâu gri li thâuv ntêx. Txơưv shông no tsik tâu jông ntux, taz sik txir cux đê tâu 6 - 7 tấn/ha. Tâu tuz luôv tuôx zuôr cias ntơưv vax txir đros trâu muôs txix 30.000 đaiv/chiaz, paz sâu nju nhiax txiax trâu zis nênhs.
 
Txix li hlôngr tsưr ziv lês hâux lưv, tuz kôngz xã Chiềng Khương tưz pâuz sir zôngv têx tsưr ziv yiaz chia yiz chês, tso qir thiaz đhok car đêx tsuôs tsik xuôv đêx. Li ntơư, tưz uô trâu lưv tsiz tơưs pax, txi txir li tuz kôngz siaz nhiav, txix ntơư muôs tâu gri đuô.
 
Zơưs Trần Thanh Tuấn, tuz luôv zuôr txir lưv tsiz ntơưv xã Chiềng Khương, thav pâuz: Txơưr đuô li cxia shông, thâuv txir tiz cxix siar mak zuôr tsik tas, mak shông no têx txir siar tsik uô cê, li ntơư cux tsik yuô phiv liv. Hâux lưv tuz kôngz hâur thax tsav hlôngr yiaz tsưr ziv tu, cux paz trâu têx txir muôs tas hur si thiaz muôx txir muôs tsik tu nduô trâu têx nênhs sir zôngv. Tsik tas li, pêz zôngx ziv sâu zuôr têx txir tâu jông đuô.
Tuz kôngz xã Chiềng Khương đê txir lưv tsiz siar nzor.
Nhiv no, hur si xã muôx hur si yax 1.000 ha txir lưv tsiz thiaz xav đê tâu yax 7.000 tấn, hâu ntơư lưv tsiz siar nzor txênhz 2.350 tấn. Tuz kôngz taz tov trâu siaz đê têx txir, siz khov đros tuz luôv thiaz moz siaz fuô kria muôs hax huv sâuv mạng.
Zơưs Tòng Văn An, Phó Chủ tịch UBPX xã Chiềng Khương, haik pâuz: UBPX xã tưz chox car Trung tâm Dịch vụ tổng hợp kria pêx xênhv tsưr ziv txix li đê txor txos trâu tu têx ntông tov kaz đê tas. Moz siaz fuô kria trơưk đraiv tsưr ziv “4 zos”, tsik sir zôngv yuôx tuô caz, tuô đrox ntâu. Đros ntơư, xã tưz moz siaz siz khov txix li têx HTX chia muôs hax huv sâuv mạng, kria nzir tsưr ziv chia cov tuz kôngz yênhx têx nênhs lês hâux lưv coz, muôs tâu jông têx hax huv.
 
Txix li têx faz tsưr ziv yiaz no tưz paz trâu tuz kôngz muôs tas hur si têx txir, paz sâu nju nhiax txiax sir zôngv, chuôz jos zov chênhr chia thax tsav cxiv tsa côngz bê lưv tsiz truôx njês thiaz muôs tâu trâu têx nênhs sir zôngv.
Phênhz, saz lax

Cox yuôr 500/500 tus bê ntơưr

Bạn vui lòng nhập từ 5 ký tự trở lên !!!

Têx jâuv cox moz siaz txos

Mông yiaz

Xem thêm