Zơưs Trần Xuân Việt, Phó Giám đốc Sở Txux chi Thể thao thiaz Nuôv zax tỉnh, haik pâuz: Tỉnh moz siaz huôv tsar nuôv zax trơưk faz cxiv tsa ntâu qơư nuôv zax, txix li nuôv zax txux chi, cênhz cưv. Yênhx têx qơư nuôv zax zov chênhr txơưr hlo thiaz nthuôr huôv jông têx hax huv nuôv zax, huôv tsar têx qơư nuôv zax yiaz. Moz siaz huôv tsar nuôv zax sai thiaz truôx njês đros trâu por hưv thiaz nthuôr huôv txux chi hair nênhs, têx txux chi, cênhz cưv thax tsav. Huôv tsar nuôv zax txux chi zos hâux lưv zov chênhr chia cxiv tsa têx qơư nuôv zax txơưr. Đros ntơư, gruô hu kriz đar huôv tsar nuôv zax jêx jok, paz muôx hâux lưv uô paz txo tsơưs cêr yaiz pluôs thiaz huôv tsar jêx jok yiaz.

Nhiv no, hur si tỉnh muôx 12 thax qơư nuôv zax tưz tâu công nhav, muôx: 1 thax qơư nuôv zax têz qơưk, 1 thax qơư nuôv zax cấp tỉnh thiaz 10 kror qơư nuôv cấp tỉnh. Nuôv zax Sơn La tâu cxiv tsa txix li nthuôr huôv jông 5 zav li: Nuôv zax kôngz lông; nuôv zax txux chi, cênhz cưv; nuôv zax jêx jok; nuôv zax so txuôs jos; nuôv zax chuyên đề đros trâu iz thênhv huôv tsar cxix cxuô zav thiaz tâu jông. Hâur 3 shông lok no Sơn La tok tâu yax 12 triệu pưs kruô nuôv zax, sâu tâu 12.600 tỷ đaiv; tsar sai, truôx njês 13%/shông, paz tâu zuôr luôs 6% GRDP. Qơư sơưr saz nuôv zax trâu hâux lưv huôv tsar nhiax txiax - xã hội ntơưv tỉnh zênhv hnuz zênhv tsar siaz.

Qơư nuôv zax Mộc Châu zos iz hâur 8 thax qơư nuôv zax têz qơưk nhiv kruôr tâu côngk nhav; 3 shông siz lơưr lias tâu Tổ chức nuôv zax ntiax têz xair zos “Thax qơư tâu chôngz kruô nuôv zax nhiav tuôx ndis shuôk châu Á” thiaz 2 shông siz lơưr lias “Thax qơư tâu chôngz kruô nhiav tuôx ndis shuôk ntiax têz”. Thax qơư ntơư tâu xair zos 5 zav hax huv txơưr hlo thiaz muôx côngz bê trâu saz Tây Bắc. Nhiv no, têx qơư nuôv zax hâur thax tsav tưz tâu moz siaz muôz nhiax uô yiaz ntâu qơư, paz trâu kruô nuôv zax muôx ntâu txox cêr xair.

Pos Nguyễn Thị Hoa, Phó Chủ tịch UBPX huyện Mộc Châu, kria pâuz: Qơư nuôv zax ndis saiz tox trôngz, hâur pêk, saiz shuôk têx txux chi tưz yênhx têx zav jông ntơưv Mộc Châu, chuôz jos trâu huôv tsar nuôv zax truôx njês thâuv tâu kruô nuôv zax nhiav, xair têx qơư tsênhv tsưx tâu têx txux chi, cênhz cưv thâuv ntêx.

Ntâu qơư nuôv zax tưz muôx yưv, thâuv ntâu thax tsav hâur tỉnh tưz moz siaz huôv tsar hax huv nuôv zax txơưr hlo, cxiv tsa têx hax huv yiaz. Zov chênhr li, huyện tox siaz Bắc Yên đros trâu ntâu thax qơư jông gâux tâu chôngz lênhx kruô pâuz txos, zos “Har huôz Tà Xùa”; “Trôngz chax kâuv naz ka”, kror tsuô oz niav txir A Phủ, liax kriz ntai Xím Vàng. Huyện Mường La cxiv tsa qơư “Pak đêx tênhz điện Sơn La - Công trình lox yax Đông Nam Á”, huôv tsar nuôv zax jêx jok “Traz têz qơưk nto mông” Ngọc Chiến. Hok ntơưv huyện Quỳnh Nhai huôv tsar nuôv zax pak đêx tênhz điện; nuôv zax jêx jok jok Bon; qơư nuôv zax txux chi, đaz kruôk Linh Sơn Thủy Từ thiaz qơư hlơưr shaz ndo txiax njis Nàng Han...

Tỉnh Sơn La tror hlôngr yiaz tsưr ziv huôv tsar nuôv zax, cxaz nzir cêr pâuz thiaz nthuôr huôv jông qơư sơưr ntơưv tsêr luôv thiaz jêx jok trâu huôv tsar nuôv zax truôx njês. Moz siaz lês jông têx hâux lưv fuô kria qơư nuôv zax, kria têx đuôz nuôv zax Sơn La trâu têx kruô. Huôv tsar hax huv nuôv zax txơưr hlo, tâu chôngz lênhx nhiav; iz thênhv jux juk cxiv tsa tỉnh Sơn La yênhx qơư nuôv zax jông ntơưv thax tsav Tây Bắc.