Hâur phênhv siz tưr tuôr nduôr, muôx 5 paz nênhs nhoz têx jok: Nậm Nghẹp, Lọng Cang, Chăm Pộng, Giạng Phổng, Huổi Ngùa thiaz Chom Khau ntơưv xã Ngọc Chiến. Iz paz bax 1 chov 5 cxur blâuv tsâu chuz siar thia bax đâux, đaz, gâuz kê, blôngx tsơưz. Iz paz muôx 4 lênhx pox niav, txir nênhx siz hlôngr tuôr thiaz puôz nduôr. Têx luz nduôr tuôr tâu zuôr tsuv lưx mok, đơưz, zôngx thiaz tsư ha, puôz lox siz luôs, jông gâux.

Hok phênhv tưr yuôz kênhx, cxuô paz nhoz thôngz jêx jok hâur xã Ngọc Chiến tưz tuôx siz tưr cê yuôz, cê đhia kênhx. Yuôz thiaz đhia, tơưs kênhx trơưk siaz, lênhx tưs yuôz thiaz tơưs jông, uô têx ruôv chor mak tâu điểm siaz đuô.

Tso yar tưr tuôr nduôr thiaz tưr txux chi kênhx hâur tsôngv Hmôngz, cê tsưx hưv nthuôr huôv têx txiax njis jông, tok kruô nuôv zax tuôx côngv chôngz. 

Đros trâu ntâu zav hâux lưv hnuz grâuv Pax tsar tuôz ziz xã Ngọc Chiến jias tiv III shông 2025, cux muôx phênhv tưr kar hno zos 15 paz nênhs nhoz 15 luz jok ntơưv xã Ngọc Chiến.

15 paz nênhs tưr iz paz uô iz tsuv kar hno zos têx jâuz, graix zos têx zav muôx txơưv. Zôngv phaz nzưr bax cxix cxuô zav uô tơưv têx jâuz, mor, graix kaz trâu jông gâux, zos txux chi nox hâuk hâur cxuô hair nênhs ntơưv xã, li: Njêk đêx, Kaiz đuz graix Hmôngz, graix nak njôngx, caz tâux khâuz ruôz, pax huôv tsar shơư txux lov, graix caz puôz tưv, njêk shơư txux lov cxiaz... zôngv pax txir tuôz ziz uô jông gâux.

Cxuô paz nênh tưr nhiak tưz piar kria txiax njis yênhx zav jâuz, graix uô tâu trâu sâuv tsuv lok sâuv cênhz cưv chax chês tiz nênhs Ngọc Chiến, piarr trâu têx kruô nuôv zax pâuz mênhx txos Ngọc Chiến.