Mul shuôk HTX pax txir Thành Đạt - iz hâur têx đơn vị uô ntêx hlo zôngv chuôz zênhx jông lol uô kôngz lông ntơưv phường Mộc Châu, hur si 60 ha ntông nox txir tâu chos tu txâuk chai VietGAP, muôx ntơưr sâu sox yênhx ntu tu zưs đêx; zôngv têx zuz tâu txuôk poz câuk pâuz mênhx qơư uô tơưv; zôngv têx qir hữu cơ tso trâu jâuz txir nox trơưk yênhx ntu hloz huôv; lês trơưk tsưr ziv lol sâuv tso qir, tu, txiar yiz, phax tar caz nox; zôngv hnaz ntiv txir, sâu thiaz tsưx tsês thâuv sâu tas. Iz shông, HTX muôs trâu cêr luôv yax 800 tấn txir nox cxuô zav; xav siz bâus 1 ha ar chos txir nox sâu tâu zuôr luôs 450 triệu nhiax. Tix lâus Bùi Văn Tuyến, thành viên HTX pax txir nox Thành Đạt, thav kria: Côngv trâu HTX, cur tâu cơưv tsưr ziv tu txir nox trơưk khoa học, fiv huv muôx liv trâu cêr nyiaz hur, zis nênhs tưz muôz zuôr luôs 2 tỷ nhiax uô tsêr vak, tsêr vor thair yar cuz thiaz car zưs đêx đros tênhr chia chos zuôr luôs 1 ha txir kiar hạ đen thiaz txir lưv suôr. Hâux lưv zôngv cxuô faz tsưr ziv chos tu thiaz sox nyis caz nox hiav, zôngv têx tsêr vak jông chia cov txo tsơưs caz nox hiav, txo tsơưs zôngv yuôx por hưv kôngz tsik muôx liv, nhav nxias tâu jông nhaz xênhz thiaz sâu tâu nju đuô. Xav siz bâus iz zis nênhs sâu tâu 3 tỷ nhiax/ha/shông.

Hok HTX Nông nghiệp hữu cơ Mộc Vân Trang chos 18 ha jâuz. Đros trâu tuôr xav huôv tsar kôngz lông truôx njês, HTX tưz muôz 8 tỷ đaiv cxiv tsa tsêr vak thiaz zôngv tsưr ziv khoa học - kỹ thuật lol tu, paz trâu hâux lưv chos jâuz txir trơưk li cêr luôv siaz nhiav, txo tsơưs têx zav huôz chuô txơưr txar. Tix lâus Anh Hà Văn Tiến, Giám đốc HTX, haik pâuz: Txos nhiv no, HTX muôx 4 ha tsêr vak; chaz car zưs đêx cov nông, kho pa hâur tsêr cov sor fiv huv trâu têx zav, li: Lưk suôr, cuô txoz, jâuz cần tây, txir plâux, điz njuôz trâu đrênhs thiaz iz cxia jâuz txơưr. HTX tưz tu jâuz trơưk tsưr ziv VietGAP, hur trơưk hữu cơ; huôv tsar thax tsav chos jâuz hur, chia muôx jâuz hur muôs trâu sơưr đơưk zuôr zôngv. Đros ntơư, muôx cêr siz khov muôs đros têx tsêr thaz nzưr uô nox hâuk, siêu thị lox nhoz Hà Nội thiaz iz cxia tỉnh, thành phố chia muôs têx jâuz, txir. Xav iz shông, HTX muôs trâu cêr luôv yax 500 tấn jâuz, txir, kok cxuô zav; xav đruôz đraz 1 ha ar zuôr sâu tâu 900 triệu đaiv.

Muôx cêr cxơưz, paz trâu têx tsêr luôv, HTX, zis pêx xênhv zôngv têx tsưr ziv công nghệ, hlôngr pâur số lol sâuv chos jâuz kok cxuô zav, phường Mộc Châu tưz đros têx đơn vị moz siaz fuô kria, zaz zâuv têx paz pơưs, tus khênhx muôz nhiax zuôr têx chuôz zênhx jông lol chos, tu têx jâuz, txir nox cov sâu nju truôx njês. Đros ntơư, paz têx tsêr luôv, HTX, pêx xênhv fuô lês jông hâux lưv sâu cxix cxuô trâu đruôz mair điện tử; saiz car hâux lưv uô kôngz txix li xor tôngx zav jông; đhok qơư tưx tso đêx zưs; muôx ntơưr lo kria pâuz qơư uô tơưv txix QR code...Đros têx đơn vị cik txos kriz kria nzir tsưr ziv uô luôv điện tử; paz kriz qar muôs huv trực tuyến trâu tsêr luôv, HTX thiaz zis uô lax luôv hâur thax tsav; moz siaz cxơưz paz chia muôs hax huv kôngz txir nox Mộc Châu.

Zơưs Lò Minh Hiệp, Phó Chủ tịch UBPX phường Mộc Châu, haik pâuz: Tưz moz siaz fuô lês jông têx cêr chai lol sâuv cxơưz paz huôv tsar uô kôngz lông đros trâu zôngv têx tsưr ziv jông, hlôngr pâur số lol sâuv tsêz chos jâuz txir nox tưz iz thênhv jux juk uô tâu jông muôs tâu gri. Txos nhiv no, hur si phường muôx zuôr luôs 400 ha chos jâuz, pax cxuô zav, xav sâu tâu yax 10.000 tấn; yax 2.700 ha ntông nox txir, xav sâu tâu yax 16.000 tấn; 170 kror qơư chos jâuz kok txir nox thiaz zis nênhs zôngv car zưs txuôs đêx chia nông trâu yax 242 ha têz; zuôr luôs 13 ha tsêr vor vak; yax 93 ha chos jâuz, kok, txir nox, txir plâux tưz tâu muôz ntơưr chứng nhav tu kôngz txâuk chai VietGAP, GlobalGAP thiaz tu tâu bâuv iz zav.

Đros trâu têx tsưr ziv fuô lês cxix cxuô ntơưv cấp ủy, nov hâu thax tsav, têx HTX, zis pêx xênhv tưz truôx siaz muôz nhiax zuôr chuôz zênhx, uô tsêr chia chos jâuz, kok txir nox; moz siaz zôngv chuôz zênhx txix cias thâuv chos txos trâu thâuv sâu, tsưx tsês, tsuôv cuô... paz iz phênhv tưs sâu nju, uô tâu jông thiaz muôs tâu gri, tuôr xav cxiv tsa kôngz lông jông, truôx njês.