Txơưv ntâu hnuz ntux lok nas siz lơư lias, tix lâus Nguyễn Đình Tuấn, thôn 6, xã Chiềng Mung ziv nênhs vax txir kiar đuz đar 6.000 thiar xưv phaz taz tov hloz jông viv chos hâur tsêr vak thiaz sir zôngv chuôz zênhx tưx zưs đêx uô nas yâur paz saiz car jông đêx ar, txo grêk tsơưs ntux yar ntux nas thiaz caz hmoz hiav. Txix cias ntu tơưs pax, txi txir, nưk ziv nênhs tưz pâuz sir zôngv tsưr ziv tir tar moz trâu txir kiar.

Tix lâus Tuấn kria pâuz: Hâur ntu ntux yar ntux nas zênhv hnuz zênhv txơưr txar, cur ziv nênhs tưz cxưx nhiax uô tsêr vak thiaz đhos chuôz zênhx tưx zưs đêx chia por hưv jông vax txir kiar. Viv li, hâux lưv tso đêx, saiz car ar nôngz tâu fuô lês muôx kaz hâu đuô, lar haik hâur chaix ntux nas thâuv caz hmoz zênhv muôx ntâu, paz grêk tsơưs cêr pôngz pênhr, hlôngr yiaz nôngz kôngz chos thiaz hax huv.

Chia hlôngr yiaz tsưr ziv tir tar đêx ar huôz chuô txơưr txar fiv huv, xã Chiềng Mung tưz tsik tsês sir zôngv tsưr ziv yiaz, kria tuz kôngz pâuz huôv tsar kôngz lông sir zôngv chuôz zênhx jông. Nhiv no hur si xã chos yax 1.200 ha cà phê thiaz zuôr luôs 1.800 ha ntông nox txir; ntâu đaiv têz tưz pâuz sir zôngv chuôz zênhx zưs đêx txuôs sir zôngv, mfông qir hữu cơ thiaz siz chos huôv tsar kôngz trơưk faz muôx gri.

Zơưs Trần Xuân Hiệp, Chủ tịch UBPX xã Chiềng Mung, thav: Xã tror zaz zâuv pêx xênhv tsik tsês sir zôngv tsưr ziv yiaz thiaz hlôngr pâur số trâu hâux lưv huôv tsar kôngz lông, lar haik têx ntông cà phê thiaz cxuô zav ntông nox txir. Đros ntơư, tsik tsês siz chos uô lax luôv, kriz đar tsưr ziv đros tsêr luôv cxiv tsa têx tsưr ziv uô nox truôx njês, paz pêx xênhv sâu nzir nhiax zôngv. 

Ntơưv phường Chiềng Cơi, tix lâus Bùi Việt Hùng ziv nênhs tưz cxưx nhiax zuôr yêz za kôngz lông T70 tsiv nhos yax 400 triệu nhiax chia por hưv zuôr luôs 5 ha ntông nox txir, li: Lê, lưv tsiz thiaz mo môngk. Chuôz zênhx no tưx tsov xav cxiax cxênhv zax, truz lur six hơưv tsuôs yuôx txix 1-2 hnuz yuôr 1 six trâu yênhx héc ta.

Tix lâus Hùng haik tiak: Tsuôk zos cxiv tsa cxiax cxênhv zax, luz yêz za zuôr za trơưk li ntâuz ntơưr tưz cơư tsês, têx yuôx tâu phaiz siz luôs jok, paz tsik tas nhiax ntiar tiz nênhs tsuôs yuôx thiaz grêk tsơưs têx nênhs cor txos yuôx por hưv kôngz lông. Hâux lưv sir zôngv luz yêz za tsik muôx nênhs nhoz hâur tsav mak paz nênhs chos kôngz tưx tsov xav tâu tsưr ziv por hưv kôngz lông, hlôngr yiaz muôx kaz hâu hâux lưv tir tar caz hmoz hiav, paz tsik tas nhiax ntâu thiaz hlôngr yiaz hâux lưv huôv tsar kôngz lông muôx kaz hâu.

Đros pâuz sir zôngv chuôz zênhx jông, ntâu ziv nênhs hâur tỉnh tưz cxưx nhiax uô kror đêx, khơưz kror đêx, đhos chuôz zênhx zưs đêx nas yâur. Têx tsưr ziv no paz tưx bax tâu đêx hâur chaix ntux kruôr, txuôs sir zôngv đêx thiaz txuôs jông ar nôngz fiv huv ntông chos. Nhiv no, hur si tỉnh muôx yax 334.000 ha ntông nox txir, hâur ntơư 31.600 ha kôngz txâuk chai VietGAP thiaz hữu cơ; 9 thax tsav kôngz lông sir zôngv chuô zênhx jông; 218 mã số chiv thax tsav chos; 825 HTX uô hâux lưv huôv tsar kôngz lông. 

Zơưs Vũ Tiến Đĩnh, Phó Giám đốc Sở Kôngz lông thiaz Môi trường tỉnh, kria tiak: Ngành tror hlôngr yiaz côngz xưv saiz car cêr pôngz nhiax tiv ntux hiav, tsik tsês nzor kria pâuz ntux hiav sâuv cxênhx cxênhv số, cxiv tsa thax tsav chos kôngz txâuk chai ntiax têz thiaz tuôr xav tror huôv tsar đuô nôngz kôngz fiv huv yênhx thax tsav đêx ar huôz chuô. Ntơư zos têx tsưr ziv zov chênhr chia hlôngr yiaz  ngành kôngz kông tsưr ziv tir tar fiv huv đêx ar huôz chuô txơưr txar.

Đêx ar huôz chuô txơưr txar tror muôx ntâu cêr nhuôz tuôr thênhv txos hâux lưv huôv tsar kôngz lông. Hâux lưv tsik so sir zôngv cêr txơưx fiv chuôz zênhx jông thiaz hlôngr pâur số tsik zos paz pêx xênhv tưx cxiv tsa tsưr ziv tir tar đêx ar huôz chuô txơưr txar, sir zôngv muôx kaz hâu thax tsav xênhz txơưv xưz mak tsênhv hlôngr yiaz kôngz txir nox hloz jông, sâu nju, sir jos cxiv tsa xưv cxênhx kôngz lông njuôz thiaz huôv tsar truôx njês.