Nzaz nzơưv thax tsav muôx jông đêx ar huôz chuô jông, huyện Mộc Châu tưz gruô hu tuz kôngz kriz đar têz chos txir plâux. Txos nhiv no, huyện muôx 130 ha txir plâux, phênhv ntâu chos trâu têx xã Đông Sang, Mường Sang, thị trấn Mộc Châu thiaz thị trấn Nông trường Mộc Châu.

Nhiv no, Công ty cổ phần tập đoàn Minh Tiến taz tov đros 470 ziv nênhs nhoz 4 luz jok hâur 3 xã Chiềng Mai, Chiềng Ban, Nà Ớt siz chos huôv tsar, uô luôv cà phê trơưk faz hữu cơ ntơưv xã Chiềng Mai, huyện Mai Sơn đar 543,7 ha.

Ủy ban pêx xênhv tỉnh Sơn La nhiv kruôr tso chai lês 10 zav hâux lưv khoa học thiaz công nghệ cấp tỉnh hâur shông 2024; hâur ntơư, muôx 9 zav hâux lưv thiaz 1 dự án.

Nhiv no, huyện Bắc Yên muôx zuôr luôs 563 ha hơưk, sâu tâu zuôr luôs 550 tấn/shông; xav fênhx đraz 1 ha hơưk chos hâur har jôngr sâu 40 triệu nhiax nju.

Txos nhiv no, tas nro tỉnh muôx 864 hợp tác xã kôngz lông; 6 liên hiệp hợp tác xã kôngz lông đros trâu 30 hợp tác xã thành viên.

.

Txix li cêr xav cxiv tsa têx hax huv kôngz, txir nox sâu nju nhiax, zos zav txơưr hlo ntâu thax tsav, tỉnh Sơn La tưz huôv tsar cxuô zav huv OCOP fiv cêr uô kôngz lông, paz max sâu nju kôngz, txir, yôngv siaz nux gri têx hax huv thiaz por hưv cêr nyiaz hur.

Hnuz 24/1, UBPX huyện Mộc Châu tưz kriz Jias cxênhz hâux lưv chos poz cưk mok shông 2023; fuô lês cêr tuôr xav cxiv tsa qơư siz khov chos, zuôr poz cưk mok shông 2024. 

Shông 2023, phênhv ntâu hax huv saz tsêr mair uô tơưv thax tsav tỉnh Sơn La tsar njuôk li tsaiz no. Uô ntêx hlo mal zos hmôngr kok ntông tsar 28,48% viv sâu kol ntông nzor, tsêr luôv zuôr thiaz nzor jov, têx tsêr luôv uô tơưv hmôngr kol ntông zuôr ntơưv têx tỉnh Lai Châu, Điện Biên chia jov, li ntơư uô tâu tsar ntâu.

Chiv kôngz 2023-2024, Tsêr mair hmôngr kok ntông Sơn La tưz muôz nhiax zuôr iz cxia chuôz zênhx tưx tis chia cov lês tâu hâux lưv jông, tas tsơưs nhiax uô thiaz muôs hax huv tâu gri. Đros ntơư, hlôngr uô hâux lưv trơưk chai ISO-22000.

Shông 2023, Trung tâm kria tsưr ziv uô luôv Kôngz lông huyện Thuận Châu tưz đros têx cơ quan chuyên môn kriz 12 jias kria nzir tsưr ziv chos cà phê truôx njês fiv huv đêx ar huôz chuô txơưr txar, tsưr ziv zus kaiz hur trơưk cxênhx cxênhv VietGAP, tir tar moz ơưk trâu nhux, tưv thiaz tsiax đêx trâu 1.700 tuz kôngz nhoz cxuô xã cơưv shâuv.

Nhiv no, tỉnh Sơn La muôx yax 5.850 ha yuôx zêx, tâu chos ntâu trâu têx huyện Mộc Châu, Vân Hồ, Yên Châu, Bắc Yên, Thuận Châu.

Chiv shông 2023-2024, Công ty cổ phần suôz thax caz tsiz Sơn La tror huôv tsar truôx njês têz chos 9.144 ha caz tsiz, shông no xav txiar tâu 650.000 tấn. Txix hâu hli 12/2023 txos nhiv no, ntơưv têx têz chos caz tsiz thax tsav têx huyện Yên Châu, Mai Sơn, Bắc Yên thiaz Thành phố, yênhx cxênhz zis tuz kôngz tưz piz txiar caz tsiz. Txơưv ntux yar, ntux nas muôx ntâu zav txơưr txar, taz sik txix li têx cêr chai paz thiaz tus gri ndê yax 1.000 nhiax/chiaz, tsik xav têx pênhr nhiax, têx tuz kôngz sâu tâu txix 50-60 triệu nhiax/ha.

Hnuz xiaz 10/1, UBPX xã Mường Bú, huyện Mường La tưz kriz hnuz grâuv pax đê txir xã Mường Bú jias tiv iz, shông 2024, trơưk njiaz luk “Txir tuôz ziz lox Mường La”. 

Trơưk Cục Thống kê tỉnh, xav hur si tsiax đêx shông 2023 hâur tỉnh zus thiaz suô tâu 9.437 tấn, tsar 3,44% njuôk li tsaiz no, hâur ntơư: Cxov tâu 1.316 tấn, tsar 0,27%, muôx 949 tấn njêk, 246 tấn chưk, 121 tấn tsiax đêx txơưr; xav hur si suô tâu 8.121 tấn tsiax đêx zus, tsar 3,97% njuôk li chaix no tsaiz no, hâur ntơư suô tâu 8.009 tấn njêk, 3 tấn chưk, 110 tấn tsiax đêx txơưr.

Shông 2023, tuz kôngz huyện Vân Hồ chos yiaz 73 ha ntông nox txir, yôngv hur si têz chos ntông nox txir hâur huyện ndêx yax  4.300 ha, hâur ntơư: Thênhx caz 352 ha; txir khơưz kaz jiz 652 ha; lưv tsiz 797 ha; mo môngk  970 ha; lưk pax 467 ha; txir tsơưz 170 ha...

Shông 2023, Chi nhánh  Tsêr nhiax Têz qơư  Việt Nam tỉnh tưz uô jông côngz xưv saiz car têz qơư lok sâuv nhiax txiax, tsêr nhiax; chox car têx paz pơưs nhiax tín dụng thax tsav tỉnh lês ntov têx chai xav nhiax nju, chok nxiak nhaz xênhz nhiax txiax.

Hâux lưv thâux kruô, thâux hax huv shông 2023 tsar siaz viv têx nênhs muk lok, kruô nuôv zax tsar ntâu. Iz chas ntơư, têx hax huv tâu thâux muk lok tsar viv thâux hax huv trâu têx qơư cxiv puôz, uô kôngz lông, lax luôv tsar.

Muôs têx xiv, hax huv zir zôngv hâur hur si tỉnh shông 2023 sâu tâu zuôr luôs 31.334 tiv nhiax, tsar 15,34% njuôk li chaix no tsaiz no.

Shông hlôngr số tỉnh Sơn La 2023, muôx ntâu hlôngr yiaz lok sâuv cxuô zav hâux lưv. Lar haik mak nhiax txiax số taz tov huôv tsar. Txos nhiv no, thôngz tỉnh muôx yax 117.000 tài khoản zuôr luôs 2.500 zav hax huv tâu muôs đhâu cêr luôv điện tử, yax 50.000 jias muôs huv trực tuyến yênhx côngz hâur shông. Muôx 5 luz tsêr luôv, hợp tác xã uô tâu 75 zav huv txâuk chai muôs trâu oz chas têz qơưk đhâu cêr luôv điện tử ntiax têz.