Paz đại biểu HĐPX têx tỉnh têz qơưk Lok Tsuôk tưz muk shuôk kror qơư chos, tsưx jông cà phê kaz txơưr đuô kror qơư ntơưv HTX cà phê Bích Thao, xã Hua La, thành phố Sơn La; tsưr ziv zus nhux thiaz zus chuô naz trùn quế ntơưv HTX kôngz lông Sơn La, xã Chiềng Mung thiaz tsưr ziv chos txir mo môngk ntơưv zơưs Nguyễn Bá Tuân, jok Nà Cang, xã Hát Lót, huyện Mai Sơn ziv nênhs.

Ntơưv têx qơư, nênhs hlôngr njêx muôs thơưx car Sở Kôngz lông thiaz Huôv tsar jêx jok đros têx HTX, ziv nênhs tưz kria pâuz tsưr ziv uô nox, kror muôx liv ntơưv qơư uô nox; tsưr ziv paz muôs tas kôngz lông; kria huôv tsar têx qơư uô nox muôx kaz hâu, cxênhz yuôx yênhx zav kôngz, tsiax cxu kror fiv huv đêx ar huôz chuô thax tsav.

Thơưx car têx tỉnh têz qơưk Lok Tsuôk tưz kruôk trâu têx qơư fuô lês hâux lưv huôv tsar kôngz lông, txir nox ntơưv Sơn La, lar haik mal kriz đar têz chos ntông nox txir. Đros ntơư, xar cov tỉnh Sơn La tror kria tsưr ziv uô nox sâu nju; paz kria têx qơư uô nox, nôngz kôngz, nôngz tsiax yiaz, chia cxuô kror qơư hâur têz qơưk Lok Tsuôk pâuz xav lês trâu zuk hâux lưv huôv tsar kôngz lông hloz jông, sâu nju thiaz muôx gri.