Hla đhâu 10 shông tsa tơưv, Ban thôngz xor tuz lênhv thiaz chuyên gia paz uô têz qơưk Lok Tsuôk tỉnh Sơn La tưz cxênhz txos cấp xã đros 69 ban thôngz xor cấp xã, phường, jê 4.000 hội viên. Zơưs Hà Văn Đức, Thơưx Ban thôngz xor tuz lênhv thiaz chuyên gia paz têz qơưk Lok Tsuôk nhoz tỉnh Sơn La, thav pâuz: Ban thôngz xor tsik so đros Ủy ban MTTQ Việt Nam tỉnh, Hội hữu nghị Việt Nam-Lok Tsuôk tỉnh Sơn La fuô kria, tsưx trơưr cêr siz trâus jông, yax hlo zos cênhz cưv, thôngx siaz txơưr hlo Việt Nam-Lok Tsuôk. Hâur ntơư, saiz hloz cêr choz kria trâu têx fâuv hluôs, shuv xênhz oz luz têz qơưk, cxơưz cêr siz trâus jông, trơưk cênhz cưv nhiav têz nhiav qơưk ntơưv oz têz qơưk oz hair nênhs.

Thâuv tsa tơưv txos nhiv no, Ban thôngz xor trâu siaz lês têx jâus saz lax txơưx fiv lok sâuv cêr thôngx siaz siz trâus jông Việt Nam-Lok Tsuôk; đros Tỉnh đoàn, Yar cơưv Cao đẳng Sơn La kriz 2 jâus xav txos hâur pâuk nôngz nênhx, chox yax 50 tus shuv xênhz Lok Tsuôk muk shuôk Thax tsav tsưx tsês cêr uô têz qơưk Việt Nam – Lok Tsuôk ntơưv jok Lao Khô, xã Phiêng Khoài, huyện Yên Châu. Shông 2024, Ban thôngz xor tưz txuv Jâus saiz hloz 75 shông hnuz tsa tơưv Tuz lênhv Lok Tsuôk ntơưv tỉnh Sầm Nưa; muôz puz 1 gơưv máy tính, máy niak ntơưr xav txos 20 triệu nhiax trâu Bộ CHQS tỉnh Hủa Phăn; côngv cxơưv tâu 100 triệu nhiax trâu 1 tus tuz lênhv Lok Tsuôk txov nhêv ntơưv tỉnh Hủa Phăn kho tsêr nhoz; puz huv Tsiaz Shông Yiaz (Bun Pi May) ntơưv Lok Tsuôk trâu têx yar cơưv cao đẳng, đại học thax tsav tỉnh Sơn La...

Cưr Đa Li Sai Kho, shuv xênhz Lok Tsuôk taz tov cơưv Khoa Yuôx Njuôz, Yar cơưv Cao đẳng Y tế Sơn La, thav pâuz: Zuôr luôs 3 shông tuôx cơưv trâu Sơn La, cur thiaz têx fôngx zưs tsik tsês tâu têx hloz, têx txir nzơưv hâur Ban thôngz xor tuôx shuôk nus, cxơưz jos thiaz puz huv trâu thâuv luz pax Tsiaz. Cur thiaz têx fôngx zưs zuôr sir jos cơưv shâuv, đros bôngs nzir cêr thôngx siaz, siz trâus jông txơưr hlo zênhv hnuz zênhv huôv tsar.

Cêr siz trâus jông ntơưv oz luz têz qơưk Việt Nam – Lok Tsuôk tâu uô tơưv txix li luz hưk, đas jos thiaz luôx juk trox nyar trâu tsik pâuz pêk tsơưs fâuv nênhs, tâu choz kria đhâu tir ntâuk tros thiaz yênhx iz kro cêr siz khov tsik chia chaik. Hâur ntơư, tuz lênhv thiaz chuyên gia quân sự Việt Nam paz Lok Tsuôk haik hur si, têx chiến sĩ tuz lênhv thiaz chuyên gia quân sự Việt Nam tỉnh Sơn La haik khênhx zos cêr siz khov côngv siaz, jông yax.

Nhiv no, cênhz cưv uô têz uô qơư, lox hloz ntơưv têx fâuv tuz lênhv jông siaz thiaz chuyên gia quân sự Việt Nam uô hâux lưv ntiax têz ntơưv Lok Tsuôk taz tov tâu tsưx tsês, huôv nzir thiaz tsik so txuôk jông kria txos têx fâuv hluôs, côngv cxiv kho, bôngs nzir cêr siz khov siz trâus jông txơưr hlo ntơưv Việt Nam-Lok Tsuôk tsik tsês njuôz, truôx njês cxuô tiav.