Tưz yênhx txux chi txơưr hlo thâuv txos chaix ntux lax, kriz cêr gruôv pax “Nox mor blêx yiaz” ntơưv tiz nênhs Poz Ziz đơưz nhoz xã Ngọc Chiến, zos jâus ndo txos pox côngz zơưv txưr, xênhz têz xênhz qơư paz cov uô tâu kôngz lông nju vok, đros ntơư vav njôngr zuôr muôx luz nênhx nox kaz, hnar jông, shir phaz. Iz chas phênhv uô đaz kruôk tsiv txiax los trơưk cênhz cưv, phênhv lov jêv cux đrông ntưk đros ntâu zav thể thao thiaz cêr uô si pêx xênhv tênhx tus cênhz cưv, li: Tưr muk tơư nênhk; ntâuk ntir; ndơưk bóng txir nênhx, pox niav. Ntơư cux zos phênhv pêx xênhv thiaz kruô nuôv zax puôr lênhx tok njôngr; suôz kư, cxơưz jos đrông ntưk uô trâu cêr lov jêv cxaz nzir, thôngx siaz thiaz pov njôngr cêr jông siaz.

Pos Lò Thị Hiền, Thơưx phòng Văn hóa, UBPX xã Ngọc Chiến, thav pâuz: Ntơưv Ngọc Chiến, xưk li têx cêr gruôv pax, hnuz gruôv pax puôr lênhx kriz cêr siz tưr têx môn thể thao cênhz cưv. Pêz muôz têx faz muk pak tơư nênhk, truz hluô, ntâuk txir toz... trâu têx cêr gruôv pax “Pax txir tuôz ziz tơưs” thiaz “Nox mor blêx yiaz”, tsik zos muôx cêr lov jêv xưz, tsênhv chia fâuv hluôs tâu saiz thiaz pâuz txos têx nux gri txux chi cênhz cưv. Cêr lês trơưr têx zav thể thao pêx xênhv tus pâuz lol sâuv cêr nox nhoz txux chi, cêr chia siaz, tsik tsês muôx đas jos trâu pêx xênhv, cê chia tsưx tsês têx nux gri txux chi cênhz cưv ntơưv pêx xênhv cxuô hair nênhs xã Ngọc Chiến.

Ntơưv xã Co Mạ, thax qơư muôx pêx xênhv Hmôngz nhoz, iz jâus txos chuôx hli xiaz oz, pêx xênhv têx xã puôs ndis tưz tuôx trâu ntơưv đrôngs xã Co Mạ đros côngv Ciaz tênhv chaix tox siaz Co Mạ. Hâur ciaz tênhv chaix, tsênhv muôx têx zav thể thao: Ntâuk vêx vôngs, truz hluôs... siz chos tsưx tsês thiaz huôv nzir txux chi ntơưv pêx xênhv. Lar haik, ntâuk vêx vôngs tsênhv zos zav thể thao khar thênhz lol sâuv đas jos, txơưx ntâuk ntơưv têx txir nênhx trâu têx hluôs gâux saiz, đros chôngz tus kruô nuôv zax thiaz pêx xênhv cxơưz jos.

Zơưs Bạc Cầm Cảm, Phó Chủ tịch UBPX xã, thav pâuz: Ciaz tênhv chaix tox siaz Co Mạ zos têx txux chi jông ntơưv pêx xênhv Hmôngz, đuô li cxiax cxênhv txux chi, cưr cxiax, xã tsênhv kriz tưr têx zav thể thao pêx xênhv tênhx tus. Txix têx hâux lưv thể thao tsik zos paz pêx xênhv muôx cêr cax siaz tov kaz têx hnuz khưr txov nhêv njuôr xưz, mak tsênhv zos jâus chia têx fâuv hluôs kria têx txux chi trâu têx xênhz lênhx xênhz nzưr pâuz txos.

Ntâu shông đhâu, têx zav thể thao pêx xênhv tênhx tus, li: Truz hluô, njuôk jos, por poz, ntâuk vêx vôngs, tuô hnênhr... tưz tâu têx ngành, thax tsav kriz yênhx têx zav tưr txix xã jok txos trâu tỉnh. Shông 2025, Sở Txux chi, Thể thao thiaz Nuôv zax tưz kriz tưr muôx Zênhx têx faz thể thao pêx xênhv, saiz hloz Đảng, saiz hloz Shông yiaz Naz shông, muôx yax 200 tus lênhx niax shông tsik siz thôngx tuôx tưr njuôk jos, truz hluô, por poz, muk tơư nênhk, ntâuk vêx vôngs, ntâuk txir toz...

Zơưs Đỗ Thế Công, Phó Giám đốc Sở Txux chi, Thể thao thiaz Nuôv zax, thav pâuz: Kror hur si ntơưv têx zav thể thao pêx xênhv tus mak zôngx ziv lês, zôngx ziv shâuv, tsik taix khov ntov nti lok sâuv yar tiax, fiv huv cxuô fâuv nênhs, li ntơư muôx chôngz tus nênhs đros lês. Ntơư zos jâus xair tsov tâu têx vận động viên coz muk txuv Đại hội thể thao thôngz têz qơưk jâus tiv 10, shông 2026.

Đros trâu têx faz thể thao fiv huv, thể thao cênhz cưv ntơưv Sơn La taz tov huôv tsar ntâu muk đêz đar, yênhx iz hâur têx zav muôx tưz tâu moz siaz tsưx tsês thiaz huôv nzir. Ntơư tsik zos hâux lưv cov siz cov muôx đas jos, yôngv siaz cêr nox nhoz chia siaz, mak tsênhv zos faz tsưx tsês, uô tâu muk đêz đar txux chi jông cxix cxuô ntơưv pêx xênhv cxuô hair nênhs Sơn La.