Têx HTX thax tsav uô nuv ntâu faz li cxiv puôz, uô tơưv zav cxiv puôz, lax luôv, nuv uô, hâur ntơư kôngz lông txênhz tiv tsôngv ntâu. Iz cxia HTX tưz ndo njôngr hlôngr yiaz cêr khưr, kriz đar qơư uô thiaz tsik so siz khov, iz truôv jux juk fiv huv cêr pâur muôs.

Nto mông zos HTX Kôngz lông Hoàng Sơn, muôx 24 thành viên, đros 75 ha têz chos cxuô zav ntông nox txir, li hồng gis, mo môngk, lưv tsiz, bơ, txir nkhơưz kaz jiz, txir thênhx caz, lưk jôngr. HTX xav trâu têx ziv thành viên uô kôngz trơưk VietGAP, paz ntâu ziv sâu tâu txix 200 triệu txos 500 triệu nhiax/ha/shông. Zơưs Đỗ Hữu Mạnh, Giám đốc HTX, thav pâuz: HTX cxiz têx thành viên tu saiz ntông nox txir zos lưv ciz tsưr ziv, chok nxiak kar nox hur; txuôk chuôs  tsêr luôv, đơn vị uô tơưv qir, nôngz kôngz chia kria tsưr ziv thiaz zuôr têx huv uô tơưv. Viv uô trơưk đraiv lưv ciz uô tơưv, zôngv tsơưs yuôx por hưv đrox tsuôs muôx hóa học, huv ntơưv  HTX zênhv hnuz zênhv tâu kruô njênhs, xair zuôr.

Ntơưv HTX Kôngz lông thiaz Yuôz txir kruôr Cường Hoa, iz shông, HTX zuôr li 200 tấn txir nkhơưz kaz jiz, mo môngk ntơưv pêx xênhv hâur thax tsav chia yuôz huv kruôr jôngr. Nhuôv kruôr đhâu, HTX tâu paz nhiax fuô lês Đề án “Paz zôngv máy, chuôz zênhx jông, tsuôv jov cuô txir shông 2026”, xav hur si nhiax phí yax 617 triệu nhiax, cxiv tsa têx qơư đhok máy yuôz txiak đas jos muôx 3.000 chiaz txir/hnuz. Muôv Hoàng Thị Hoa, Giám đốc HTX, thav pâuz: Muôz chuôz zênhx yiaz uô tơưv paz HTX uô tiar têx zav uô nuv, nju, jông huv thiaz muôx cêr tưr muôs huv; đros ntơư, txo tsơưs kror lax muôs txir, paz tsưx truôx qơư muôs muk thiaz nriar cêr nox nhoz truôx njês trâu ziv chos ntông nox txir.

Taz sik, nuv uô ntơưv têx HTX thax tsav cux tsênhv njiz ntâu cêr chor nhov. Iz cxia HTX muôx qơư uô zâu, nhiax chox car kil, tsik txâuk chuôz zênhx thiaz nhiax txiax uô tơưv. Pênhr xưv saiz car ntơưv paz cán bộ HTX tsil tâu txơưx tas; chuôs cêr chai nhiax paz nhiax ntơưv Têz qơưk njiz cêr chor tiv tsik tâu cxiv tsa tâu faz uô kôngz txir, lax luôv tâu jông. Siz khov uô kôngz txir, zuôr muôs huv tsik tâu ntov chai, pâur muôs tsik truôx njês.

Chia đơưk cêr chor nhov, xã Chiềng Sơn xav sir jos siz khov têx muôx gri ntơưv pêx xênhv, HTX thiaz tsêr luôv. Xã côngv cxiv tsa thax tsav muôx kôngz txir truôx njês, huôv tsar têx hax huv zov chênhr li yuôx zêx thiaz kôngz lông kaz; choz kria, cxaz nzir pênhr xưv saiz car trâu cán bộ HTX; cxơưz paz nênhs uô nuv hluôs, cơưv ntơưr siaz thax tsav nhiax txiax sơưr đơưk uô tơưv. Sir jos zôngv txơưx fiv tsưr ziv, kho nzir têx HTX nhiv no muôx thiaz cxơưz paz tsa tơưv HTX yiaz fiv huv cêr khov huôv tsar uô kôngz txir.

Zơưs Vũ Thanh Hải, Chủ tịch UBPX xã Chiềng Sơn, thav pâuz: UBPX xã tsik so yuôx, chia pâuz nuv uô cov zênhx max tso tơưv chai, nhiax txiax paz; fuô kria, zaz zâuv pêx xênhv siz khov tsa tơưv HTX. Xã cux paz chia têx HTX chuôs pênhr nhiax, máy, zôngv txơưx fiv tsưr ziv, cxiv tsa chuôz zênhx, yôngv siaz pênhr xưv saiz car, lês zos lưv ciz uô tơưv thiaz cxiv kho côngz bê lax luôv.

Txix cêr đros đraiv ntơưv cấp ủy, nov hâu thiaz sir jos ntơưv têx thành viên, nhiax txiax sơưr đơưk uô tơưv ntơưv Chiềng Sơn taz tov iz truôv huôv tsar. Cêr kho đơưk chor nhov txos pênhr, tiz nênhs thiaz pâur muôs zuôr paz chia têx HTX yôngv siaz txiax njis uô nuv, siz chos cxiv kho jêx jok yiaz thiaz kho nzir cêr nox nhoz trâu pêx xênhv.