Shông 2013, HTX Kôngz lông thiaz uô luôv puôk tsar zav Bình Thuận cxiv tsa muôx 25 thành viên. Tsưr ziv sir jos uô cov tâu xuz thơưx ntơưv HTX mak tror cxiv kho thiaz huôv tsar thax tsav chos yuôx zêx cênhz cưv, đros ntơư tsênhv paz pêx xênhv muôs tas yuôx zêx truôx njês. Hâur têx hnuz uô hâux lưv, cán bộ HTX tưz muk trâu yênhx ziv nênhs gruô hu txuôs jông têz yuôx zêx, chos luk sâu zuôr tas hur si yuôx zêx nhôngk đros trâu gri nhiax fiv huv.

Txix yênhx châuv ziv nênhs xuz thơưx, txos nhiv no HTX tưz đros 500 ziv nênhs hâur xã thiaz têx thax tsav nhoz jê, cxiv tsa kror qơư chos ntâu yuôx zêx xav hur si đar 800 ha. Shông 2019, bê lax luôv "Yuôx zêx Trọng Nguyên - Phổng Lái Thuận Châu" tâu cxiv tsa thiaz công nhav huv OCOP 4 hnuz kuz cấp tỉnh.

Pos Nguyễn Thị Bình, Phó Giám đốc HTX Kôngz lông thiaz uô luôv puôk tsar zav Bình Thuận, xã Bình Thuận, haik kria: Yênhx shông, HTX sâu zuôr 2.500 tấn njik yuôx zêx nhôngk, ciz kruôr txix 400 - 500 tấn njik yuôx zêx muôs hâur têz qơưk thiaz muôs trâu Đài Loan, Hàn Quốc. Xav iz ha sâu tâu yax 100 triệu nhiax/shông. HTX tưz paz 10 lênhx muôx hâux lưv uô tsik tsês thiaz 35 lênhx muôx hâux lưv uô trơưk chaix (9-10 hli/shông), xav fênhx đraz sâu tâu txix 8-10 triệu nhiax/hli, HTX tsênhv paz yênhx puô ziv nênhs siz chos uô nox sâu nju nhiax txiax truôx njês txix uô luôv yuôx zêx, xav fênhx đraz iz ziv nênhs sâu tâu txix 60 - 80 triệu nhiax/shông.

HTX Tây Bắc, xã Yên Châu cxiv tsa shông 2016 muôx 8 thành viên, HTX Tây Bắc tưz xair tsưr ziv uô nox txơưr đuô cxuô kror qơư cias hâu têx hnuz uô hâux lưv, ntơư zos moz siaz tu jông thax tsav chos têx huv kôngz txir nox jông txơưr hlo trâu muôs kôngz txir nox nhôngk. Txix têx kror taz tov muôx li kix, yuôx zêx shan tuyết, txir tsơưz, mo môngk, txir khơưz..., HTX tưz tsov xav, cxưx nhiax zuôr chuôz zênhx jông lok sir zôngv chia xav tơưv ntâu hax huv muôx gri siaz, paz tâu zênhx max tiz nênhs siaz nhiav nhiv no.

Đros ntơư, HTX tsênhv huôv tsar ntâu hax huv jông txơưr hlo li yuôx zêx shan tuyết Ôn Ốc, pax mâuv cuôz txir kra kruôr, hmôngr txir tsơưz njuôz, txir tsơưz kra kruôr, mo môngk kra kruôr, hlưz txir lưv tsiz... Tov kaz zuôr luôs 10 shông cxiv tsa thiaz huôv tsar, HTX muôx 12 huv OCOP, hâur ntơư 2 hax huv tâu công nhav OCOP 4 hnuz kuz. Xav sâu tâu txix 4 - 5 tỷ nhiax yênhx shông, paz pêx xênhv thax tsav muôx hâux lưv uô truôx njês, yênhx puô ziv nênhs côngv chos kôngz txir nox sâu nzir nhiax zôngv. 

Zơưs Nguyễn Anh Đức, Phó giám đốc HTX Tây Bắc, xã Yên Châu, thav pâuz: HTX tưz truôx siaz xair tsov tsưr ziv kra kruôr trâu uô luôv kôngz txir nox nhôngk. Xav iz chiaz kix nhôngk ntơưv Yên Châu tâu muôs txix 25.000 - 30.000 nhiax, taz sik tov kaz kra kruôr tưz yênhx kix đuz, xav iz chiaz muôs tâu txix 400.000 - 600.000 nhiax, gri nhiax tsar txix 15 - 20 bâus.

Txos nhiv no, hur si tỉnh muôx 824 HTX, 42.000 thành viên; 99 HTX côngv cxiv tsa 125 huv OCOP. Xav hur si pênhr uô hâux lưv ntơưv têx HTX nto 700 tỷ nhiax; xav fênhx đraz iz HTX sâu tâu 3,6 tỷ nhiax/shông; iz thành viên sâu tâu txix 6 - 7 triệu nhiax/ hli.

Zơưs Mùi Anh Tiến, Chủ tịch Liên minh HTX tỉnh, haik: Liên minh HTX tỉnh Sơn La tsov xav tror cxơưz vax huôv zov chênhr hâur huôv tsar nhiax txiax paz pơưs, nhoz uô cê, tsik so fuô kria, pâuz mênhx HTX vax huôv thiaz phênhv shuôv. Đros ntơư, tsik tsês hlôngr njêx muôs, por hưv têx HTX vax huôv thiaz cêr muôx liv zos chai; hlôngr yiaz têx hâux lưv choz kria, cxơưz cêr lax luôv thiaz tâu txaik nhiax pênhr. Tsik tsês hlôngr pâur số, sir zôngv khoa học công nghệ, huôv tsar têx tsưr ziv HTX sir zôngv chuôz zênhx jông thiaz kôngz lông hữu cơ. Đros ntơư, tsênhv trâu siaz siz chos huôv tsar kôngz txir nox muôx gri, kriz đar tsưr ziv đros luôs oz chas têz qơưk siz khov cêr lax luôv, tik bê lax luôv, huôv tsar huv OCOP thiaz kriz đar têx tsưr ziv HTX xuz lês uô ntêx chia sơưr đơưk cơưv shâuv, cxơưz huôv tsar nhiax txiax - xã hội thax tsav trơưk faz truôx njês, hlôngr yiaz thiaz đros cxuô luz têz qơưk hâur ntiax ntêz siz khov cêr lax luôv.

Txix têx hâux lưv uô tâu hâur ntu đhâu, têx HTX taz tov yênhx kror qơư lok six zov chênhr paz pêx xênhv muôs tas kôngz txir nox trâu cêr lax luôv, cxơưz kôngz txir nox zênhv hnuz zênhv muôx gri, pêx xênhv muôx hâux lưv uô tsik tsês thiaz sâu nzir nhiax zôngv. Đhâu no, tror nhav nxias nhiax txiax paz pơưs qơư lol sâuv huôv tsar nhiax txiax- xã hội thax tsav./.