Nthuôr zênhx zav nuôv zax Quỳnh Nhai jông, kria pâuz 32 đaiv zênhx zav jông tưr tâu hov hâur Jias tưr Zênhx zav jông đros trâu njiaz luk "Quỳnh Nhai - Sơn La nhav nxiak muôx ntâu kror muôx liv, huôv tsar nuôv zax”. Têx đaiv zênhx zav tưz cxaik tâu đêx ar, txux chi, tiz nênhs, ntu nênhx hlôngr yiaz ntơưv huyện Quỳnh Nhai.

Qar tsêr nthuôr muôs huv kôngz, txir nox jông, huv OCOP muôx 70 qar, hâur ntơư muôx 43 qar tsêr kôngz, txir nox jông, huv OCOP ntơưv huyện, li: Thênhx caz, lưk pax, graix njêk jov, hnhur ntiv graix njêk, jiz mur, đrox kaz jiz, trox tâux đuz, njuôs kruôr, nôngz txir mắc ca, njêk mê jiaz kruôr, njêk đêx Đà txiak, njêk ngão nro poz cxa, blêx blâuv Chiềng Khoang…

Ciaz njêk đêx Đà muôx ntâu lênhx tuôx ndis shuôk thiaz zok zuôr. Ciaz njêk shông no muôx yax 10 qar tsêr huv nthuôr muôs, kria pâuz têx huv njêk đêx Đà txơưr đuô kror qơư tâu zus hâur pak đêx Quỳnh Nhai, đros trâu têx hov njêk, li: Njêk lăng, nheo, njêk nox jâuz, njêk pak naiz... Tsik tas li, tsênhv muôx têx qar tsêr huv txơưr, paz tâu zênhx max têx kruô nuôv zax siaz nhiav thâuv tuôx ndis shuôk thiaz zuôr huv trâu ntơưv no.