Trơưk quyết định, công nhav Qơư nuôv zax Mộc Châu, tỉnh Sơn La zos Qơư nuôv zax têz qơưk. Qơư nhoz, chiav têz thax Qơư nuôv zax têz qơưk Mộc Châu tâu fuô mênhx ntơưv khuz 1 Grê 1 Quyết định số 2050/QĐ-TTg hnuz 12/11/2014 ntơưv Thủ tướng Chính phủ tso chai tuôr xav hur si huôv tsar Qơư nuôv zax têz qơưk Mộc Châu, tỉnh Sơn La txos shông 2020, tsov xav txos shông 2030. Zok trâu Sở Txux chi, Thể thao thiaz Nuôv zax tỉnh Sơn La xa trâu UBPX tỉnh Sơn La chox car đros Cục Nuôv zax têz qơưk Việt Nam, Bộ Txux chi, Thể thao thiaz Nuôv zax kriz fuô Quyết định ntơưv Bộ trưởng Bộ Txux chi, Thể thao thiaz Nuôv zax công nhav Qơư nuôv zax têz qơưk Mộc Châu, tỉnh Sơn La chia fuô kria têx đuôz, gruô hu kruô nuôv zax…

Hâux lưv công nhav zos Qơư nuôv zax têz qơưk zuôr chuôz jos chia tỉnh Sơn La haik tas nro, oz huyện Mộc Châu, Vân Hồ haik khênhx tror sir jos huôv tsar nuôv zax cov zênhv hnuz zênhv huôv tsar, zos kror qơư muôv zax tâu sơưr đơưk nhiav tuôx ndis shuôk uô si, tsiv nhos zos qơư nuôv zax têz qơưk.