Ntơưv SEA Games 33, lok six shir phaz, tưr trơưk đraiv siaz, pênhr xưv, đas jos tus nxaik Puôz Ziz Sơn La Bạc Thị Khiêm tưz zênhx Delo Laila (Philippines) hâur lưv tưr suôx câuv Taekwondo hov cir hnhar 7 chov 3 pox niav. Zênhx 2-0, tâu luz côngz mênhx cuz tiv 17 trâu Paz nenhs tưr thể thao Việt Nam thiaz tâu côngz mênhx cuz SEA Games tiv 3 ntơưv Khiêm tus khênhx.

Thâuv tưr tâu, Khiêm tưz shir phaz lus haik: Txix shông muôx 12 shông, cur tưz cơưv Taekwondo. Qir thơưx lok six ndo vax tsê, sir tá jos cơưv shâuv tâu côngz mênhx cuz jias no tsênhv muôx ntâu txiax njis yax, paz cur tror tưr zênhx hlo đhâu jias SEA Games 32 tsik tâu tưr.

Hok lok sâuv tưr đhia cux muôx ntâu lênhx tưr tâu jông. Ntơưv jias tưr đhia tsôngv hluôk Đông Nam Á 2025 fâuv U18 - U20, ntơưv Indonesia, Lường Thị Hồng Diễm tưz tưr tâu côngz mênhx cuz. Đros ntơư, Đèo Thị Mỵ cux tưr tâu côngz mênhx nhiax đhia 2.000m hla đhâu ntâu thênhv chor nhov.

Ntơư, zos 3 lênhx hâur ntâu lênhx nênhs tưr zos hair nênhs tsơưs ntơưv Sơn La tưz sir tas jos tưr gra côngz bê lok trâu zuk trôngx têz qơưk, ntơưv cxuô jias tưr hâur têz qơưk cux li ntiax têz, uô trâu thể thao têz qơưk thiaz thể thao Sơn La nto mông.

Zơưs Trần Huy, Thơưx phòng Thể dục - thể thao, Trung tâm Txux chi, thể thao tỉnh, haik: Shông 2025, têx nênhs tưr ntơưv tỉnh tưz tưr 53 jias cấp têz qơưk thiaz ntiax têz, tâu 66 luz côngz mênhx cuz, 61 luz côngz mênhx nhiax, 67 luz côngz mênhx tôngx, hâur ntơư tưr tâu 15 luz côngz mênhx ntiax têz; 22 lưv lênhx nênhs tưr tâu côngz Kiện tướng têz qơưk, 42 lưv lênhx nênhs tưr tâu côngz Cấp I ntiax têz. Tưr tâu ntâu luz côngz mênhx đuô trơưk li tuôr xav.

Chia cov lês tâu têx hâux lưv jông, đơn vị tưz uô jông xair têx nênhs muôx jos, txơưx; tsi njênhk kria jông trơưk 3 zav: Txơưx, hluôk thiaz xair tưr tỉnh, txix ntơư, iz hnuz kria tưr siaz jux juk cov txơưx muk tưr thôngz têz qơưk, ntiax têz.

Nhiv no, Phòng Thể dục - thể thao, Trung tâm Txux chi, thể thao tỉnh muôx 179 lênhx taz tov cơưv shâuv 12 zav thể thao Sơn La iz txưv tưr tâu siaz, li: Muay, Pencak Silat, Taekwondo, pox niav ndơưk Bóng, quần vợt, Boxing, Kick Boxing, ntâuk ntir kaiz, đhia, tuôv yêz câur, ntâuk têk tơưk; tsơưk los hlâu hnar puôr lênhx muôx chai zus, nox nhoz tso siaz lus cơưv shâuv thiaz tâu cơưv ntơưr cxix cxuô. Muôx qơư jông chia cơưv shâuv, cxuô jias tưr tâu paz max.

Shông yiaz, muôx ntâu cêr shir phaz, thể thao Sơn La zuôr sir jos cov tsik zos tâu ntâu côngz mênhx xưz, mak trơưk chuôs cêr hlôngr yiaz, txơưx cxuô tsar zav. Đhâu uô tưz jông choz kria tas siaz njưk, đros trâu têx nênhs tưr sir jos njok cơưv shâuv thể thao Sơn La taz tov hlôngr yiaz iz thênhv jux juk hâur ntu yiaz, chia cxơưz thể thao Sơn La huôv tsar đuô.