Uô ntêx zuôr suôx câuv, têx vận động viên tưz uô tiar tưr puôs tov kaz ntơưv 2 hov nênhs hnhar yax 63 chiaz thiaz yax 79 chiaz, njiaz luk pox niav 15-16 shông, txir nênhx 13-14 thiaz 15-16 shông. Ntơưv no zos njiaz luk muôx cêr jông trơưk cơưv shâuv siaz, muôx ntâu tus hluôs tsơưk tâu los caz hnhar uô yax hlo.

Cxuô jâus tưr tưz suôx câuv hâur cêr tias siaz thiaz siaz nhiav. Tưr zênhx shông no muôx 221 vận động viên muôx niax shông txix 13-16, tuôx ntơưv 26 tỉnh, thành phố hâur têz qơư. Têx vận động viên tưr njiaz luk tsơưk los caz hnhar thiaz nqos tsơưk; đros têx nênhs hov hnhar 56 chiaz, 60 chiaz, 65 chiaz, 71 chiaz, 79 chiaz, yax 79 chiaz xav li txir nênhx thiaz 44 chiaz, 48 chiaz, 53 chiaz, 58 chiaz, 63 chiaz, yax 63 chiaz xav li pox niav.

(Thieu hinh)

  Ban tổ chức choz côngz mênhx trâu têx pox niav VĐV. 

Trơưk Ban tổ chức, tưr zênhx shông no kriz tâu nhaz xênhz, côngz xưv tưr cxix cxuô, tơưk cêr cơưv shâuv, pov njôngr cêr pâuz mênhx lok sâuv tâu cơưv, tsưr ziv thiaz đas jos ntơưv têx nênhs vận động viên hluôs.

Suôx câuv tưr zênhx, Ban tổ chức tưz choz Qix zênhx tiv Iz, Oz, Pêz trâu têx njiaz luk: Paz txir nênhx 13-14 shông, 15-16 shông; paz pox niav 13-14 shông, 15-16 shông thiaz Qix zênhx tiv Iz, Oz, Pêz tas nro paz nênhs trâu têx paz tưr tâu muôx zênhx yax ntơưv jâus tưr.

Paz Hà Nội tưz zênhx tiv Iz tas nro paz nênhs đros 30 luz côngz mênhx cuz, 8 côngz mênhx nhiax, 16 luz côngz mênhx tôngx. Paz tsưr tsêr Sơn La sơưr hov 3 njiaz luk paz pơưs pox niav 13-14 shông.

Zênhx hlo tsơưk los caz hnhar hluôs nênhs ndêv nduô têz qơư shông 2026 tưz suôx câuv đros ntâu cêr txâuk siaz. Ntơư zos jâus chia cxênhz txos côngz xưv choz kria vận động viên hluôs ntơưv têx đơn vị thax tsav têz qơư; sênhv cêr chia têx vận động viên siz njiz, siz cơưv shâuv, siz tưr, yôngv siaz cêr cơưv shâuv. Đros ntơư, pov tâu têx hluôs nênhs muôx cêr khov vav chia choz kria têx nênhs nzir trâu paz hluôs nênhs têz qơư txix têx cêr tưr cov tâu jông yiaz.