Siz khov têx zis chos ntông nox txir chia muôs, shông 2016, tix lâus Thắng tưz zaz zâuv pêx xênhv hâur jok tsa HTX Nuôv zax Pha Đin, muôx 7 thành viên, zos tix lâus Thắng uô giám đốc. Nhiv no, HTX chos 35 ha txir hồng, lưk pax, txir nkhơưz, txir đuôx, chuôz thox... chia cov têx txir jông, muôs tâu gri, cxuô thành viên HTX tưz sir zôngv njêk, tâuv, mnôngs vi sinh chia uô qir hữu cơ tso trâu ntông, đros ntơư, muôz pênhr uô car zưs đêx nyiaz, txâuk chai VietGap. Cxuô shông, HTX muôs trâu cêr luôv yax 60 tấn txir, tsik xav nhiax pênhr, cxuô shông têx thành viên HTX sâu tâu fênhx đraz 150 triệu nhiax/shông; paz trâu 15 lênhx nênhs muôx nuv uô tsik tsês thiaz 30 lênhx nênhs muôx nuv uô trơưk chaix.

Tưz tsik zos sâu nju nhiax txix li chos ntông nox txir xưz, tix lâus Thắng tsênhv zos nênhs uô ntêx lông huôv tsar nuôv zax trâu trôngz Phạ Đin cênhz cưv. Tix lâus Thắng haik pâuz: Trôngz Phạ Đin nhoz siaz yax 1.000 thiar njuôk li blaiv đêx hiar txưr, nto mông zos iz hâur têx "Trôngz siaz" thax tsav Tây Bắc. Phạ Đin tưz tsik zos muôx nux gri lok sâuv cênhz cưv xưz mak tsênhv zos thax tsav jông, viv li pêz tưz tso siaz huôv tsar nuôv zax.

Qơư nuôv zax Pha Đin Top đar 30 ha, muôx har jôngr, vax pax, thax qơư uô đaz kruôk... iz thax tsav tâu cxiv puôz txơưr chia cov fiv huv trâu têx kruô nuôv zax siaz nhiav. Piz tok kruô txix luz hli 8/2018, txos nhiv no Pha Đin Top tưz yênhx qơư trâu kruô nuôv zax, yax hlo zos têx hnuz kaz tuần, têx hnuz muôx liv hâur têz qơưk. Fênhx đraz iz hnuz, qơư nuôv zax tok tâu 100 – 200 pưs kruôk, hnuz kaz tuần yax 500 pưs kruô. 

Muôv Hoàng Thúy Nga, huyện Mai Sơn, haik pâuz: Cur tuôx trâu Pha Đin Top, cur pov tâu thax qơư no huôz chuô lax. Tâu saiz têx tox trôngz hâur pêk, saiz pax lok six jông gâux. Cur zuôr tror đros têx fôngx zưs tuôx nzir ntâu jâus trâu ntơưv no thiaz.

Muôx hmông tâu kruôk zos iz hâur 100 lênhx tuz kôngz Việt Nam lês hâux lưv coz shông 2023, tix lâus Bùi Ngọc Thắng tsênhv tâu kruôk zos iz hâur 55 lênhx lês tâu hâux lưv jông shông 2023 ntơưv tỉnh.