Hâur jias so 30/4 thiaz xiaz 1/5 (txix hnuz 30/4 - 4/5), tsôngv Cảnh sát Por hưv tsav yêz nhaz xênhz hur si tỉnh tưz gruô hu tsôngv nênhs, chuôz zênhx cxênhz yuôx, nhav nxiak por hưv tsav yêz thiaz tsav gox nhaz xênhz, tưz cxov tâu 583 lênhx tsav yêz tsik zos chai, bluô yax 1,7 tỷ nhiax, tuôr tsês 7 đaiv ntơưr tsav yêz; thuk 263 luz yêz.

Hmo 28/4, ntơưv Tiax nxa liệt sĩ thành phố Sơn La, Thành đoàn Sơn La tưz muk “Hlơưr shaz ndo txiax njis” têx Anh hùng liệt sĩ ndax jias saiz hloz 50 shông Hnuz Ntâuk zênhx tros kaz têz, têz qơưk thax zênhz (30/4/1975-30/4/2025).

Hnuz 29/4, huyện Phù Yên tưz krizJias cơưv fuô huyện Phù Yên uô tiar côngz xưv paz uô tsêr nhoz shông 2025.

Fuô lês tsưr ziv “Nov hâu uô hâux lưv huv pêx xênhv siaz ”, đros trâu hlôngr pâur số, UBPX xã Mường Hung, huyện Sông Mã, tưz tênhv chai uô hâux lưv txơưx fiv; bax cán bộ, công chức kria pêx xênhv pâuz sir zôngv, xa ntâuz ntơưr trâu têz qơưk kror qơư tu ntâuz ntơưr; paz đhos, kriz cov zôngv tâu tài khoản xênhv bê điện tử...

Uô trơưk hâux lưv cxiv tsa jêx jok yiaz, Đoàn thanh niên xã Púng Bánh, huyện Sốp Cộp, tsik so kriz “Hnuz tiv Sha tưx zênhv muk uô hâux lưv jông”, “Hnuz Chủ nhật chos ntông”…

Đhâu cxênhz yuôx, xã đriv têz Chiềng Khừa, thị xã Mộc Châu, muôx 6 ziv pêx xênhv tsênhv nhoz tsêr khâuz hlaz. Txos nhiv no, xã tưz đros Ủy ban MTTQ Việt Nam thị xã Mộc Châu thiaz têx nênhs siaz đơưz paz uô tâu 5 luz tsêr, kho tâu 1 luz tsêr, zôngv tas 330 triệu nhiax.

Lês Dự án 3 paz pêx xênhv hâur cêr uô kôngz lông trơưk Têz qơưk luôs hâux lưv txo cêr pluôs truôx njês ntu 2021 - 2025, Phòng Kôngz lông thiaz Môi trường huyện Yên Châu tưz đros Công ty cổ phần AHH Tây Bắc zok 112 tus nhux nôngz; phaiz 22 tấn 4 krâur puz tsiax, đros trâu: Yuôx tuô caz, yuôx kho cxuô zav moz, xaz vâuv jâuz, hnaz vâuv jâuz trâu 112 ziv pêx xênhv pluôs ntơưv oz luz xã Lóng Phiêng thiaz Sặp Vạt, xav yax 3 tỷ 200 triệu nhiax.

Hnuz 28/4, Văn phòng hlôngr njêx muôs Báo Nhân dân ntơưv Sơn La tưz puz phụ san đặc biệt saiz hloz 50 shông hnuz ntâuk zênhx tros kaz têz, thôngx têz qơưk thax zênhz (30/4/1975 – 30/4/2025) ntơưv Báo Nhân dân gra txos têx nênhs gruôs nhênhv ntơưr.

Hâur 2 Hnuz (26-27/4), Trung tâm lês hâux lưv hluôk thiaz mê nhuôv zâuk tỉnh tưz đros Viện Njuôk tsov hluôk thiaz pênhr nhiax phax tar zênhz caz ntơưr tưz tso yar “Cêr siz tưr fuô chai mê nhuôv zâuk đros phax tar zênhz caz ntơưr tỉnh Sơn La, shông 2025”. Muôx 12 paz mê nhuôv zâuk nhoz thôngz cxuô huyện, thành phố hâur tỉnh tuôx tưr.

Hnuz 26/4, Liên đoàn Lao động tỉnh tưz kriz hnuz grâuv pax tsa yar “Hli Công nhân thiaz Hli lês hâux lưv por hưv qơư uô hâux lưv hur, nhaz xênhz shông 2025”.

Hnuz 25/4, Huyện ủy Mường La tưz kriz lol sâuv côngz xưv zuôr nênhs mul uô hâux lưv trâu oz chas têz qơưk. Jâus no muôx thơưx car Sở Nội vụ, Công ty cổ phần Xuất khẩu lao động Thương mại thiaz Du lịch; thơưx car têx xã, thị trấn; bí thư, trưởng bản ntơưv thị trấn Ít Ong thiaz xã Pi Toong, hlôngr njêx muôs iz cxia yar cơưv nhoz thax tsav huyện; shuv xênhz cơưv lớp 12 Yar cơưv THPT Mường La thiaz Yar cơưv Phổ thông dân tộc nội trú THCS-THPT Mường La.

Ciaz trơưk chaix mal iz hli kriz 3 jâus, gox đês thâux hax huv thiaz pêx xênhv thax tsav trơưk ntus đêx Đà ho tror pâur muôs hax huv trâu yar gox xã Chiềng Sại, huyện Bắc Yên. Cêr pâur muôs hax huv, zuôr hax huv uô cuz siaz lus.

Tsêr puôr fênhx thiaz Tsêr trâu ntơưr tỉnh Sơn La nhuôv kruôr kriz tơưv qơư tênhz tso zênhx zav “Jax cưr cxiax sâu ntưr uô iz luz têz qơưk” ntơưv yar tiax Tsêr puôr fênhx tỉnh thiaz Tsêr trâu ntơưr, saiz hloz Txos 50 shông Hnuz Ntâuk zênhx tros kaz Têz qơưk, têz qơưk sâu ntưr uô iz luz (30/4/1975 - 30/4/2025).

Hnuz 24/4, Đoàn Thanh niên, Hội sinh viên Yar cơưv Đại học Tây Bắc tưz njia fiax tsôngv hluôs luz luôs hâux lưv “Ntu cêr đai qix Têz qơưk” siaz hloz 50 shông hnuz ntâuk zênhx zênhz nduôz saz kaz têz thôngz têz qơưk thax zênhz (30/4/1975-30/4/2025) thiaz siaz hloz Đại hội Đảng bộ Yar cơưv Đại học Tây Bắc ntu 2025-2030.

Hnuz 23/4, Công ty cổ phần Zuôr nênhs uô nuv Uô luôv thiaz Nuôv zax, thành phố Hà Nội tưz muôx jâus uô hâux lưv đros UBPX huyện Thuận Châu chox nênhs uô nuv muk uô hâux lưv trơưk hnuz nhôngs trâu luôs oz chas têz. Txuv jâus uô hâux lưv muôx Thường trực Huyện ủy, UBPX huyện; bí thư, thơưx jok, thơưx tiểu khu têx xã, thị trấn thax tsav huyện.  

Hnuz 23/4, Yar cơưv THCS Lê Quý Đôn (Thành phố) tưz đros Trung tâm choz kria tsưr ziv uô nênhx PSTC Sơn La (Công ty cổ phần công nghệ choz kria Trí Đức) kriz luôs hâux lưv choz kria lok sâuv pox niav txir nênhx thiaz phax tar hiav txos mê nhuôv zâuk đros trâu cêr côngv têk ntơưv yax 1.200 lênhx shuv xênhz thiaz cưk kria hâur yar cơưv.

Hnuz 24/4, Trung tâm paz Tuz kôngz tỉnh Sơn La tưz zok 13 tấn qir sinh học, qir hữu cơ thiaz yax 10 lít qir blôngx sinh học trâu 10 ziv hội viên Tuz kôngz jok Ka Láp, xã Chiềng Ngần, thành phố Sơn La.

Hnuz 22/4, Phòng Cảnh sát Giao thông, Công an tỉnh tưz kriz lês Jâus cxiz nênhs lês cêr xav sir jos lês nuv chok nxiak tưx zưv, nhaz xênhz tsav yêz tâus cêr ndax jâus so hnuz muôx gri 30/4, 1/5 thiaz yôngv siaz tâu jông tik cêr cxâuv trơưk Nghị định 168 ntơưv Chính phủ.  

Txix hâu shông txos nhiv no, cxuô cấp Hội Chữ thập đỏ hâur tỉnh tưz gruô hu thiaz nhav tâu kror paz max ntơưv Trung ương Hội Chữ thập đỏ Việt Nam thiaz têx đơn vị, tus khênhx siaz đơưz hâur tỉnh thiaz oz chas tỉnh, xav hur si nhiax ntơưr, hax huv thiaz kar nox uz no yax 22,7 tỷ nhiax.

Hnuz 21/4, Công an tỉnh đros Hội LHPN tỉnh kriz Cơưv fuô lês têx njiaz luk côngv lês côngz xưv saiz car, choz kria tuz, nxaik lês têz qơư txox chai lok sâuv tsav yêz tưx zưv, nhaz xênhz tâus cêr, ntu 2025-2030. Txuv jâus cơưv muôx thơưx car Tỉnh đoàn, Sở Choz kria ntơưr.