Ngành Khoa học thiaz Công nghệ tỉnh Sơn La taz tov tâu hâux lưv, tu têx hâux lưv viv khov lês ntơưv tỉnh. Ntâu hâux lưv khoa học thiaz công nghệ fuô lês, zênhv hnuz zênhv lês tâu jông thiaz chuôz jos trâu cêr huôv nhiax txiax - xã hội ntơưv zuk thax tsav.

Hnuz  12/1, Tỉnh đoàn, Hội Liên hiệp Thanh niên Việt Nam tỉnh tưz kriz hâux lưv Tsiaz nênhs uô hâux lưv Jax shông 2024 ntơưv Công ty cổ phần xơưk tsôngk hnar Ánh Dương, thị trấn Ít Ong, huyện Mường La. 

Hnuz 12/1, Hiệp hội Tsêr luôv tỉnh tưz muk shuôk thiaz puz huv trâu xã Song Khủa, huyện Vân Hồ ndax trâu luz Tsiaz Têz qơưk Jax shông 2024.

Shông 2023, hur si tỉnh công nhav nzir 33 yar cơưv txâuk chai têz qơưk, muôx 12 yar cơưv mê nhuôv zâuk, 2 yar cơưv tiểu học, 16 yar cơưv THCS, tiểu học thiaz THCS, 3 yar cơưv THPT, cxaz nzir hur si yar cơưv txâuk chai têz qơưk txos 369/597 yar cơưv, tâu 66,33%, yax 4,13% cêr tuôr xav zok shông 2023.

Lês têz qơưk luôs hâux lưv txo tsơưs cêr pluôs truôx njês ntu 2021-2023, huyện Sốp Cộp tưz gruô hu hur si ndêx ntus chính trị, đros trâu pêx xênhv kror sir jos tưz cxơưz paz thax tsav lês tâu jông côngz xưv txo tsơưs cêr pluôs truôx njês.

Shông 2023, xav ar chos jôngr yiaz hâur hur si tỉnh tâu 2.533,5 ha, hâu ntơư: Jôngr chos chia muôs mal 1.835,7 ha; jôngr txưr, jôngr nzôngr hâur đêx 697,8 ha.

Saiz hloz 74 shông Hnuz shuv xênhz thiaz Hội shuv xênhz Việt Nam (9/1/1950 - 9/1/2024), hmo xiaz 7/1, ntơưv Yar cơưv đại học Tây Bắc, Hội shuv xênhz Việt Nam tỉnh Sơn La tưz kriz luôs hâux lưv Shir phaz zos shuv xênhz Sơn La, kruôk “Shuv xênhz tâu côngz 5 coz”cấp tỉnh shông 2023 thiaz nthuôr haik cưr cxiax, sênhr chêr shuv xênhz phôngv côngz Chaix ntux yiaz Jax shông 2024.

Shông 2023, têx kruô nuôv zax tuôx trâu Sơn La tâu 4,5 triệu pưs, tsar yax 36% njuôk li shông 2022. Sâu nhiax txix li kruô nuôv zax tâu 4.700 tỷ nhiax, tsar yax 58% njuôk li shông 2022.

Hâur hli 12/2023, tỉnh Sơn La tưz chox car têx cấp, têx ngành, têx thax tsav thiaz têx tuz luôv zênhx max cxiv puôz, moz siaz đơưk cêr phiv liv trâu têx dự án muôz nhiax lês.

Hnuz xiaz 6/1, Hội Sinh viên Việt Nam Yar cơưv đại học Tây Bắc tưz kriz luôs hâux lưv “Shir phaz tâu sinh viên 5 coz” ndax trâu saiz hloz 74 shông Hnuz cênhz cưv shuv xênhz thiaz Hội Sinh viên Việt Nam (9/1/1950 - 9/1/2024).

Shông 2023, tỉnh pêz tưz kriz 12 jias fuô kria, zaz zâuv pêx xênhv tưx zênhv tso nyar.

Hnuz xiaz 5/1, Liên hiệp têx Hội Khoa học thiaz Kỹ thuật tỉnh tưz siz chos đros Pênhr nhiax Por hưv thiaz huôv tsar har jôngr tỉnh kriz jias cơưv cxênhz dự án “Lês jông hâux lưv saiz car têx har jôngr jêx jok đros trâu tsưx truôx têx txux chi cxuô hair nênhs tsơưs tỉnh Sơn La”.

Hnuz xiaz 5/1, Paz Cảnh sát Saiz car hành chính lok sâuv tsưx hưv cêr nox nhoz njias to. Công an thành phố Sơn La tưz đros UBPX xã Hua La kriz jias fuô kria cêr chai; gruô hu pêx xênhv gra fov trâu têz qơưk tsês, tir tar têx nênhs uô luôv fov, chuôz zênhx, yuôx tơưs thiaz fov ntơưr tsik trơưk chai.

Nhiv no, huyện Thuận Châu muôx 350 lênhx nênhs tâu pêx xênhv njênhs hair nênhs tsơưs. Têx shông đhâu, nênhs tâu pêx xênhv njênhs tưz lês jông côngz xưv fuô kria, zaz zâuv pêx xênhv lês jông Đảng, Têz qơưk têx cêr chai, têx cêr siz tưr uô kôngz lông, cxiv tsa jêx jok yiaz.

Nhiv no, huyện Sông Mã muôx 215 lênhx muôx côngz trâu têz qơưk thiaz tsêr nênhs taz tov tâu paz nhiax nox hâur yênhx hli.

Nhiv kruôr đhâu, huyện Sốp Cộp, Zênhx đriv têz Nậm Lạnh, Tuz lênhv Đriv têz Sơn La tưz đros UBPX xã Mường Và thiaz têx nênhs siaz đơưz ntơưv Hà Nội, tưz kriz luôs hâux lưv “Ntux yiaz đriv têz sor pêx xênhv jêx jok siaz saiz hloz têz qơưk hlôngr yiaz, saiz hloz Đảng, saiz hloz shông yiaz Jax shông 2024”, ntơưv Tsêr cơưv Hin Cáp, Yar cơưv PTDT bán trú, TH-THCS Nà Khoang, xã Mường Và.

Hnuz 28/12, Tsêr kho moz Đa khoa tỉnh Sơn La tưz đros Tsêr mnov Trúc Lâm Hưng Quốc Sơn La, Hội Chữ thập đỏ tỉnh; Têx hluôk, Hội pox niav cơ sở khối An ninh pêx xênhv, Công an tỉnh Sơn La; Hội têx nênhs tsar yêz 26 – Nênhs tsar yêz siz khov; Câu lạc bộ Dược sỹ hluôk tỉnh; Têx hluôk Yar cơưv cao đẳng Y tế thiaz iz cxia nênhs siaz đơưz côngv kriz “Qas thaz nzưr puz huv đơưz – Tok chaix ntux yiaz nhaz xênhz” ntơưv Tsêr kho moz.

Hnuz 26/12, ntơưv huyện Sông Mã tưz kriz jias cơưv saz lax trơưk chaix shông 2023 hâur Ban CHQS huyện Sông Mã thiaz Ban CHQS huyện Mường Ét, tỉnh Hủa Phăn (Têz qơưk Lok Tsuôk).

Shông 2023, Chi cục Kiểm lâm tỉnh Sơn La tưz cxênhz tas nro têx har jôngr thiaz cxiz nênhs yuôx tsik tsês cxuô ntus jôngr, saiz car, por hưv har jôngr ntov nti, tuôr xav mênhx têx har jôngr chos chia saz lax trâu tỉnh chox car fuô lês côngz xưv saiz car, por hưv thiaz phax tar hluôr tơưk cuz jôngr.

Shông 2023, txix nhiax têz qơưk Hâux lưv cxuz cêr yaiz pluôs truôx njês, Hâux lưv huôv tsar nhiax txiax- xã hội thax tsav hair nênhs tsơưs thiaz tox siaz ntu 2021-2025, têx huyện hâur tỉnh tưz uô tiar yax 98 caik cêr muk lok txix đrôngs xã txos 36 luz jok, cxaz hur si txos 1.672 luz jok muôx cêr muk lok txix đrôngs xã txos jok tâu uô jông, tâu 74,41%.