Jias siv shâuv tuô hluôr tơưk tâu phaiz uô 2 phênhv: Zôngv chai chox car thiaz siv shâuv tuô hluôr tơưk. Phênhv shâuv tuô hluôr tơưk, pir txưr: hluôr tơưk cuz 1 qar tsêr muôs huv thiaz txaik cuz tas ntâu qar tsêr hâur ciaz, cuz sai txaik trâu iz ndis. Nov hâu hâur thax tsav thiaz cxuô paz nênhs tưz zênhx max tuô hluôr tơưk cuz thiaz chơưv nênhs, huôk chuôz tav. Thâuv cxuô paz nênhs taz tov siz chos tuô hluôr tơưk cuz, nriar chơưv tiz nênhs huôk chuôz tav, hluôr tơưk tưz cuz muk trâu têx ziv pêx xênhv nhoz iz ndis, uô trâu iz cxia qơư tơưs puôk tsuôx; iz cxia nênhs hâur têx paz nênhs phax tar tuô hluôr tơưk cuz ntơưv qơư hluôr tơưk cuz uô trâu ntâu lênhx mas saz hnhiaz. Muôx iz cxia nênhs car shênhv thâuv cxuô paz nênhs taz tov tuô hluôr tơưk, chơưv nênhs, huôk chuôz tav chia nhias chuôz tav. Ban Chox car siv shâuv tuô hluôr tơưk, Ban saiz car siv shâuv tuô hluôr tơưk tưz gruô hu tiz nênhs, chuôz zênhx ntơưv cxuô sở, ngành, têx tuz lênhv thiaz cxuô đơn vị cik txos côngv đros tuô hluôr tơưk, nriar chơưv tiz nênhs; cxov têx nênhs uô tuz saz nhias chuôz tav.

Hâux lưv gruô hu tâu zênhx max cxuô paz nênhs thiaz fuô lês ntov ntiv cxuô faz tsưr ziv, fiv huv. Đhâu zuôr luôs 1 six hơưv txix thâuv pov hluôr tơưk cuz, tưz tuô tâu hluôr tơưk tuôs. Têx công an tưz đros têx nênhs txơưr lês hâux lưv tsưx hưv cêr nhaz xênhz, por hưv thax tsav mas hluôr tơưk cuz, zênhx max cxênhz yuôx luz cênhz tiv li chak hluôr tơưk cuz thiaz cxênhz têx zav mas hiav puôk bâuv li chak. 

Jias shâuv tuô hluôr tơưk, zos iz jias paz trâu cxuô sở, ban, ngành, têx qơư zôngx ziv cuz tơưs thiaz têx thax tsav pêx xênhv nhoz chôngz nziv cuz hnhiaz cxuô qơư hâur tỉnh muôx tsưr ziv tir tar thâuv hluôr tơưk cuz, tơưs.

Ndax jias no, UBPX tỉnh tưz puz ntơưr kruôk trâu 4 paz nênhs, 8 tus khênhx; Giám đốc Công an tỉnh puz ntơưr kruôk trâu 10 paz nênhs, 30 tus khênhx; Chủ tịch UBPX Thành phố tưz puz ntơưr kruôk trâu 10 paz nênhs, 30 tus khênhx lês jông hâux lưv hâur jias shâuv tuô hluôr tơưk.