Cơư đuôz Cxênhx cxênhv “Sênhr chêr chaix ntux yiaz shông 2024”, muôx 1.300 lênhx nênhs sênhr chêr nhoz têx câu lạc bộ, paz sênhr chêr ntơưv têx xã, phường thax tsav Thành phố, sênhr chêr Tuôr têk Poz Ziz, "Sênhr chêr thôngx siaz", por poz. Iz chas ntơư, tsênhv muôx 100 cán bộ, tuz lênhv Bộ CHQS tỉnh, Công An tỉnh thiaz 700 lênhx zos cov têk tơư nhoz ntơưv Học viện ntiax têz kria têk tơư Việt Nam, Học viện MMA Việt Nam thiaz têx cưk txux nthuôr têx txux chi haik cưr cxiax then ntâuk trax.

Jax sênhr chêr "Sênhr chêr thôngx siaz" zos đồng chí Tòng Thị Phóng uô tus xav tơưv, txix li têx zav jông ntơưv pêx xênhv cxuô hair nênhs nhoz ntơưv Sơn La thiaz têx jax sênhr chêr ntơưv hair nênhs Poz Ziz, zos kror cêr thôngx siaz, paz muôx nzir têx txux chi jông, muôx cêr thôngx siaz hâur cxuô hair nênhs thax tsav Tây Bắc.

Hâux lưv cơư đuôz "Sênhr chêr chaix ntux yiaz shông 2024" ntơưv Yar tiax Tây Bắc zuôr kria tâu têx zav jông lok sâuv thax tsav, tiz nênhs Sơn La nhiav kruô, muôx ntâu zav txux chi cênhz cưv jông txos trâu têx fôngx zưs cxuô qơư hâur Têz qơưk thiaz cxuô thax tsav hâur ntiax têz.

Uô ntêx ntơư, hâux lưv “Sênhr chêr chaix ntux yiaz shông 2024” tưz tâu cơư ntơưv Đêx tsar tsuô Dải Yếm thiaz qox iar Bạch Long, huyện Mộc Châu, đros trâu 300 lênhx nênhs ntơưv huyện Mộc Châu thiaz têx nênhs cov têk tơư nhoz Học viện Ntiax têz kria têk tơư Việt Nam, Học viện MMA Việt Nam hnar tsôngk txaix sênhr chêr jax.

“Sênhr chêr chaix ntux yiaz shông 2024” zos hâux lưv ntơưv Ban Thể thao, Đài xa đuôz Việt Nam tâu tso trâu sâuv ntu xa đuôz VTV1, VTV2, VTV3, VTV4, VTV5, VTV8, VTV9 hâur luz Tsiaz têz qơưk Jax shông 2024. Cxênhx cxênhv ntêr 60 phút, zos têx jax đuôz haik txos têx nênhs sir jos hla đhâu cxuô tsar cêr phiv liv, pêx xênhv moz siaz cơưv shâuv chia cov lês tâu ntâu zav hâux lưv jông trâu têz qơưk. Kria txos têx đuôz jông lok sâuv tiz nênhs, txux chi cênhz cưv, tox trôngz hâur pêk, têx zav muôx txơưv chia huôv tsar nuôv zax cxuô thax tsav ntơưv Việt Nam.