Hnuz 5/9/1962, oz luz têz qơưk Việt Nam - Lok Tsuôk tsênhz mênhx cêr siz khov muk lok; hnuz 18/7/1977, Chính phủ Việt Nam thiaz Lok Tsuôk ký ntơưr chos luk siz trâus jông thiaz siz khov. Đros trâu têx tỉnh puôz đriv têz qơưk Lok Tsuôk, tỉnh Sơn La muôx cêr siz trâus jông thiaz chos luk siz khov đros 9 tỉnh têz qơưk Lok Tsuôk, li: Hủa Phăn, Luông Pha Bang, U Đôm Xay, Bò Kẹo, Luông Nậm Thà, Phông Sa Lỳ, Xiêng Khoảng, Xay Nha Bu Ly, Say Xổm Bun.

Đồng chí Nguyễn Văn Chiến, Giám đốc Sở Ngoại vụ, thav pâuz: Tỉnh Sơn La đros têx tỉnh têz qơưk Lok Tsuôk tsik so fuô kria trâu cán bộ, đảng viên, tuz lênhv công an thiaz pêx xênhv lok sâuv cênhz cưv thôngx siaz siz trâus jông, siz khov Việt Nam – Lok Tsuôk. Ndo njôngr siz paz huôv tsar nhiax txiax - xã hội, por hưv, cxiv kho cêr đriv têz thax zênhz, siz trâus jông. Shông 2023, tỉnh Sơn La kriz tok thiaz tso chai taz 30 paz, đros 393 lênhx cán bộ, pêx xênhv nhoz têx tỉnh têz qơưk Lok Tsuôk tuôx shuôk, uô hâux lưv, tuôx njuôk, kho moz trâu thax tsav tỉnh. Tso chai, txiz 34 paz đros 261 lênhx cán bộ muk shuôk, uô hâux lưv đros têx tỉnh têz qơưk Lok Tsuôk; kriz chos luk 6 kror saz lax ntiax têz đros cxuô ngành, cxuô tỉnh nhoz têz qơưk Lok Tsuôk.

Nênhs muôx vax huôv oz saz têz qơưk tsik tsês saiz hloz cêr thôngx siaz, siz trâus jông; chox car têx đơn vị tsik tsês siz nus mông, tu têx hâux lưv muôx yưv cik txos đriv têz.  Têx đơn vị lực lượng vũ trang tỉnh Sơn La thiaz têx tỉnh Hủa Phăn, Luông Pha Bang (têz qơưk Lok Tsuôk) đros côngv cxênhz yuôx tâu 22 jâus. Kriz yênhx côngz siv côngv tir tar ntơưv Bộ Chỉ huy tuz lênhv đriv têz tỉnh Sơn La thiaz Bộ Chỉ huy Quân sự tỉnh Luông Pha Bang lok sâuv têx nênhs tsir têz qơưk zưx nhiak siaz thiaz muk, lok zuôv chai đhâu đriv têz Việt Nam - Lok Tsuôk shông 2023. Cơưv nzir hâux lưv đriv têz trâu cán bộ, chiến sỹ Bộ CHQS tỉnh Luông Pha Bang. Bộ CHQS tỉnh Sơn La muk shuôk thiaz tsov xav, kria tsưr ziv chos kôngz, zus tsiax, kho yêz, kria tu saiz đas jos thiaz phaiz đơưz yuôx nox trâu pêx xênhv kho moz ntơưv Bộ CHQS têx tỉnh U Đôm Xay, Luông Pha Băng, Hủa Phăn...

Hâur cêr huôv tsar nhiax txiax, tỉnh Sơn La tưz txiz paz côngz xưv ntơưv Sở Kôngz lông thiaz Huôv tsar jêx jok txos têx tỉnh Phông Sa Lỳ, Luông Nặm Thà, U Đôm Xay, Luông Pha Bang, Xiêng Khoảng, tsov xav huôz chuô, đêx ar, fuô lês hâux lưv cxiv tsa têx qơư chos ntông nox txir fiv huv yênhx luz tỉnh. Paz têx tsêr luôv ntơưv tỉnh Sơn La pâuz têx mông, uô tơưv thiaz muôz nôngz kôngz, nôngz tsiax zus, tsiax đêx, siz khov hâur cêr uô tơưv thiaz uô luôv đros têx tsêr luôv ntơưv têx tỉnh Lok Tsuôk. Hâur shông 2023, nux gri muôs cxuô zav trâu oz chas têz qơưk ntơưv tỉnh Sơn La đros têx tỉnh Lok Tsuôk tâu yax 882 cxênhz nhiax đô la; hax huv muôs trâu oz chas têz qơưk zos têx zav cxiv puôz; hax huv zuôr luôs têz qơưk lok zos kôngz lông, chuôz zênhx chia uô kôngz, uô luôv.

Lok sâuv txux chi, choz kria ntơưr, tỉnh Sơn La tưz kriz hâux lưv tsov xav cxênhz txos têx huv nuôv zax thiaz cxiv tsa Tour chox kruô nuôv zax Hà Nội - Sơn La - Hủa Phăn, têz qơưk Lok TSuôk. Txiz paz nênhs côngz xưv ntơưv tỉnh lês Tuần Txux chi – Nuôv zax Tây Bắc ntơưv tỉnh Luông Pha Bang, têz qơưk Lok Tsuôk. Nhav 120 lênhx zos cán bộ, chiến sĩ tuz lênhv têz qơưk Lok Tsuôk tuôx cơưv nzir cêr chai hâux lưv ntơưv tỉnh. Nhiv no, têx qơư choz kria ntơưr thax tsav tỉnh muôx 635 lênhx shuv xênhz Lok Tsuôk taz tov cơưv cao đẳng, đại học, liên thông đại học, thạc sĩ... Đuô li, paz trâu têx cán bộ thiaz pêx xênhv têx tỉnh têz qơưk Lok Tsuôk, lar haik mak oz tỉnh Hủa Phăn, Luông Pha Bang tâu tuôx njuôk, kho moz ntơưv Tsêr kho moz đa khoa tỉnh thiaz têx tsêr kho moz.

Hâur cêr lov jêv thôngx siaz, ndax trâu jias saiz hloz 78 shông Hnuz tsa tơưv têz qơưk Lok Tsuôk, hax zav jông siaz đuô lok sâuv têx hâux lưv uô tâu ntơưv cêr siz khov thôngx siaz, siz trâus jông txơưr hlo ntơưv Sơn La đros têx tỉnh têz qơưk Lok Tsuôk haik khênhx thiaz Việt Nam – Lok Tsuôk, Lok Tsuôk - Việt Nam haik tas nro cxuô tiav truôx njês, nyiaz li đêx, njuôz li jôngr./.