Qơư kriz tưr grâuv gox ntơưv pak đêx Chiếu – qơư nuôv zax muôx ntâu tus kruô hâur huyện thiaz oz chas huyện siaz nhiav tuôx shuôk, ndis saiz.

Yar ntux tais cik, pak đêx nyiaz si, laiv txiak, oz saz ntus zos têx jêx jok tâu nhoz pur ntia shơưk têx jôngr njuôz...chuôs đaiv đuôz zênhx zav jông saiz tsik txơưx tas ntơưv trôngx têz Phù Hoa, ntơưv no zos iz hâur têx qơư txâuk siaz trâu têx kruô nuôv zax nhiav saiz, ndis pov.

Tuôx tưr tsar gox huyện Phù Yên muôx 9 paz, jê 100 lênhx nhoz 8 xã ntơưv huyện Phù Yên thiaz 1 paz tưr tuôx ntơưv thành phố Việt Trì, tỉnh Phú Thọ tưr njiaz luk txir nênhx 10 lênhx.

Huyện Phù Yên kriz Tưr tsar gox zos xar cov muôx cêr uô si muôx liv, siz tưr jông siaz lus, paz pêx xênhv muôx kror uô si. Đros ntơư, kria thiaz yâu mông txos pêx xênhv, kruô nuôv zax cxuô qơư pâuz tiz nênhs, txux chi cxuô zav ntơưv huyện Phù Yên, muôx cêr nhiav, gruô hu têx nênhs cxiv tsa lês têx hâux lưv siz khov uô luôv, siz côngv cxơưz cxiv chia huôv tsar saz nuôv zax ntơưv zuk thax tsav hâur ntu zuôr txos.

Jâus tưr, têx paz gruôv gox phường Bạch Hạc, thành phố Việt Trì, tỉnh Phú Thọ zênhx tiv iz; paz tsar gox xã Bắc Phong zênhx tiv oz, yuôr 2 paz tưr tsar gox xã Tường Thượng  thiaz Mường Thải zênhx tiv pêz.

Jâus tưr suôx câuv tưz tsês cêr tưr tsik plox hâur têx nênhs saiz thiaz kruô nuôv zav đruôz siaz lok sâuv têx txux chi pêx xênhv cxuô hair nênhs. Đros ntơư, muôx txiax njis lox hloz lok sâuv hâux lưv tsưx hưv, huôv tsar têx nux gri txux chi cênhz cưv ntơưv pêx xênhv thax tsav muôx đêx lox nhoz ntơưv huyện Phù Yên tsik so thôngx siaz hla đhâu cxuô cêr txov nhêv, sir jos cxiv kho jêx jok nzir ntâu hlôngr yiaz.