Zơưs Quàng Văn Pọm, Thơưx phòng Dân tộc huyện, haik pâuz: Yênhx shông, huyện puôr lênhx kriz txix 3-4 jias cơưv chia fuô kria xor mông; tso nênhs tâu pêx xênhv njênhs muk shuôk, cơưv shâuv têx tsưr ziv huôv tsar nhiax txiax, paz lơưr cxaz nzir tsưr ziv chia zaz zâuv, gruô hu pêx xênhv hâur qơư nhoz lês trơưk. Đros ntơư, tsênhv zaz zâuv têx nênhs tâu pêx xênhv njênhs muk paz têx nênhs txov nhêv hla đhâu cêr phiv liv, fuô lês jông thax tsav têx cêr sik tưr, uô tiar hâux lưv zos nênhs chox pêx xênhv ndâux luk khov txos têx cấp ủy, nov hâu, MTTQ paz tu cov tiar tâu sai. Iz chas ntơư, tsênhv uô jông kria têx nênhs tâu pêx xênhv njênhs muôx ndâux luk trâu têx hâux lưv, tsưr ziv huôv tsar nhiax txiax, xã hội, tsưx truôx thax tsav nhoz njias to; têx nênhs tâu pêx xênhv njênhs huôv tsar kôngz lông, cxiv tsa luz nênhx hlôngr yiaz chia lơưr muôx qơư sơưr hâur jêx jok. Tsik tas li, Ủy ban MTTQ Việt Nam huyện, têx phòng, ban, đoàn thể hâur huyện cux tsênhv tsik so muk shuôk, krưr huv ndax trâu têx hnuz grâuv pax, muôx liv hâur têz qơưk hâur shông thiaz nox tsiaz; ntuôk têx nênhs muôx moz, kho moz ntêr hâur tsêr kho moz cov hla đhâu cêr txov nhêv.

 Nênhs tâu pêx xênhv njênhs zos nênhs đros pêx xênhv côngv nhoz uô cê thiaz têx jok nhoz puôz. Lơưr tưz moz siaz zaz zâuv, gruô hu zuk tsêr nênhs, sơưr đơưk côngv cxiv tsa jêx jok yiaz; jav yênhx puô thiar xưv phaz ar, yaik qơư nhoz yiaz chia kriz đar têx txox cêr muk lok hâur jêx jok, uô tsêr txux chi uz no. Gruô hu têx tuz nxaik tsik siz zuôr nzor, siz zuôr côngv trox nya, tsik mnôngs luk têx nênhs fêv hâuz nziak, tso tsês têx chai kuz tsik fiv huv ntux nênhx yiaz nhiv no, tsik hla đriv têz tsik zos chai, tsik lav tâuk lav njênhs têx kror tsik zos chai. Côngv cxiv kho iz cxia grâuv pax muôx puôs thâuv ntêr lok; zok nriar, khơưs tsês, kria têx jax cưr cxiax, sênhr chêr, têx ntơưr lâuk, têx cêr uô si pêx xênhv tênhx tus, tsưr ziv ntok ntâuz, hiaz tơưz, hav hlâu…paz txuôs jông pêx xênhv cxuô hair nênhs têx kuz chas txux.

Mul txos jok Nà Dìa, xã Sốp Cộp, pêz tưz tâu njiz zơưs Tòng Văn Dượng, iz hâur 10 lênhx nênhs tâu pêx xênhv njênhs uô ntêx lông hâur xã. Nưk tưz tsik tsês đros têx tổ chức đoàn thể nhoz hâur jok mul gruô hu pêx xênhv pâuz sir zôngv chuôz zênhx jông lok huôv tsar kôngz lông. Zơưs Dượng kria pâuz: Trơưk li cur xar chia tâu pêx xênhv njênhs, cơưv shâuv thiaz uô trơưk mak zuk tsuv uô ntêx lông haik tâu, uô tiar. Nhiv no, cur ziv nênhs tưz moz siaz huôv tsar tsiax cxu, chos kôngz lông, yênhx shông sâu tâu yax 200 triệu nhiax. Txix li cxuô faz tsưr ziv uô tâu muôx kaz hâu, cur tưz gruô hu pêx xênhv hâur jok uô trơưk thiaz kria têx tsưr ziv por hưv, tir tar caz hmoz trâu kôngz lông, moz ơưk cik trâu tsiax cxu, viv li muôx ntâu ziv nênhs tưz hla đhâu cêr pluôs.

Pos Lò Thị Bun Chăn, nênhs tâu pêx xênhv njênhs hâur jok Mường Và, xã Mường Và, tưz moz siaz gruô hu pêx xênhv cxiv tsa luz nênhx muôx txux chi, txuôs jông thiaz huôv tsar zuk hair nênhs kuz chas txux. Pos zos nênhs txuôs jông, kria tsưr ziv ntok ntâuz hair nênhs Lok Tsuôk tsôngk hnar thiaz têx cưr cxiax, sênhr chêr Lok Tsuôk. Pos Chăn thav kria: Cur tưz gruô hu chor nênhs txơưx chia kria tsưr ziv ntok ntâuz trâu tsôngk hnar trâu pêx xênhv cơưv shâuv. Đros ntơư, cur tsênhv ntuôk, zaz zâuv mê nhuôv, tuz las tuz lis nhoz hâur paz haik cưr cxiax, côngv cơưv shâuv thiaz kria hair nênhs Lok Tsuôk têx jax cưr cxiax, sênhr chêr jông muôx puôs thâuv ntêx lok trâu fâuv hluôs pâuz.

Moz siaz zaz zâuv, gruô hu pêx xênhv uô nênhx tsiv txiax zos li Đảng, têz qơưk cêr chai tso tơưv; pâuz mênhx chia xa pêx xênhz hâur qơư nhoz siaz xar, cêr chia siaz txos trâu nov hâu, têx nênhs tâu pêx xênhv njênhs hâur thax tsav huyện Sốp Cộp taz tov zos “chor nênhs chox pêx xênhv têx cêr khov vav” piar trâu cấp ủy, nov hâu cxuô cấp paz tu cov tiar tâu sai.