Hnuz 13/1, thành phố Sơn La tưz kriz Cxiax cxênhv puz huv tsiaz siz hluz shông 2025. Jâus no muôx đồng chí Hà Trung Chiến, Ủy viên Ban Thường vụ Tỉnh ủy, Bí thư Thành ủy, Chủ tịch HĐPX Thành phố; têx cơ quan, đơn vị, tsêr luôv, nênhs siaz đơưz hâur thax tsav. 

Hnuz 12/1, Hội Chữ thập đỏ tỉnh đros Công ty cổ phần chuôz zênhx cxiv puôz Sông Đáy, Hà Nội tưz kriz luôs hâux lưv “Ciaz siaz đơưz” Chaix ntux yiaz Naz shông 2025 ntơưv jok Chiềng Đi 2, xã Vân Hồ, huyện Vân Hồ.

Hnuz 12/1, Hội Chữ thập đỏ tỉnh Sơn La tưz đros têx nênhs cxơưz paz kriz jias đhok fiax thiaz muôz lok sir zôngv luz tsêr mor trâu tsêr cơưv Chiềng Đi 2, Yar cơưv mê nhuôv zâuk Vân Hồ, huyện Vân Hồ.

Hâur 2 hnuz xiaz 9-10/1, Huyện đoàn Mộc Châu tưz đros Yar cơưv Đại học Công nghiệp Hà Nội thiaz Công ty VitaDairy siz chos kriz cxênhx cxênhv tưx zênhv uô hâux lưv jông “Chaix ntux no tox siaz sor siaz” trâu 2 xã đriv têz Chiềng Sơn thiaz Chiềng Khừa.

Hnuz xiaz 9/1, Tỉnh đoàn Sơn La tưz đros Huyện đoàn Thuận Châu, UBPX xã Chiềng Ngàm thiaz Tsêr muôs yuôx Long Châu thax tsav Sơn La-Lai Châu kriz hâux lưv puz huv trâu têx mê nhuôv ndax jias Tsiaz têz qơưk Naz shông 2025, ntơưv Yar cơưv Tiểu học Chiềng Ngàm, xã Chiềng Ngàm, huyện Thuận Châu.

Hnuz xiaz 9/1, đồng chí Hà Trung Chiến, Ủy viên Ban Thường vụ Tỉnh ủy, Bí thư Thành ủy, Chủ tịch HĐPX Thành phố thiaz iz cxia tsêr luôv hâur thax tsav tỉnh tưz muk shuôk, phôngv Tsiaz Zênhx Đriv têz Mường Lèo, huyện Sốp Cộp.

Hnuz xiaz 4/1, Zênhx Đriv têz Mường Cai tưz đros Viện Kiểm sát pêx xênhv huyện, huyện Đoàn Sông Mã, UBPX xã Mường Cai siz chos kriz Cxênhx cxênhv “Chaix ntux yiaz đriv têz – Pêx xênhv jêx jok sor siaz”, “Tsiaz đriv têz” shông 2025. 

Hnuz xiaz 4/1, ntơưv jok Nam Niệu, xã Chiềng Đen, Ban Chỉ huy Quân sự thành phố Sơn La tưz đros Công an, Tòa án pêx xênhv, Viện Kiểm sát pêx xênhv thiaz Hạt Kiểm lâm Thành phố siz chos kriz Cxênhx cxênhv “Chaix ntux yiaz thôngx siaz – Tsiaz tuz lênhv pêx xênhv siz hluz” Chaix ntux yiaz Naz shông 2025.  Jâus no muôx yax 200 ziv nênhs jok Nam Niệu thiaz jok Phiêng Nghè, xã Chiềng Đen.

Shông 2024, côngz xưv hlôngr uô ntơưr hành chính ntơưv tỉnh tưz tâu ntâu hâux lưv tsênhv chênhz. Chỉ số hlôngr uô ntơưr hành chính tsik tsês tsar điểm, sơưr tiv 13/63 tỉnh, thành phố, haik tsênhz cêr sir jos, truôx siaz ntơưv cấp ủy, nov hâu hâur cêr kho, hlôngr yiaz.

Hnuz 3/1, Công ty Điện lực Sơn La đros trâu Sở Công Thương kriz hâux lưv uô tsâus txos têx nênhs sir zôngv điện, zok qơư tso điện “Pov cêr jêx jok” thiaz puz huv trâu shuv xênhz njiz ntâu cêr phiv liv ntơưv xã Pi Toong, huyện Mường La.

Hnuz 3/1, Hội Sinh viên Việt Nam tỉnh Sơn La tưz kriz lês Cxiax cxênhv “Txox nuv sinh viên 5 jông”, shuôk, puz huv trâu têx nhuôv zâuk ntơưv Trung tâm Paz huôv tsar choz kria siz côngv tỉnh, ndax trâu Tsiaz Têz qơưk Naz Shông 2025. 

 Hnuz 24/12, ntơưv  Yar cơưv THPT Chuyên Sơn La, Sở Choz kria ntơưr tưz kriz jâus tưr xair tuz cơưv coz têz qơư THPT shông cơưv 2024-2025.

Hnuz 24/12, ntơưv Yar cơưv Mê nhuôv zâuk Sơn Ca, xã Chiềng Phung, huyện Sông Mã, Câu lạc bộ tưx zênhv uô hâux lưv jông Yar cơưv THPT Chuyên Sơn La tưz đros UBPX xã Chiềng Phung kriz jias Uô tiar, muôz lok sir zôngv Tus qox txuôk cêr chia siaz “Tsêz nôngz thâuv ntux sor so- tơưk cêr siz hluz ”.

Txuôk nzir kror yênhx côngz txix têx Luôs hâux lưv “Chaix ntux sor trâu shuv xênhz” 4 luz chaix uô ntêx, hnuz 24/12, Luôs hâux lưv “Chaix ntux sor trâu shuv xênhz 5” tâu fuô lês trâu ntơưv yar cơưv tiểu học Nà Hiên, xã Phiêng Pằn, huyện Mai Sơn. Ntơư zos Luôs hâux lưv nhoz trâu Dự án “Zus shuv xênhz Mộc Châu” zos Ban Thanh niên Công an tỉnh tsa yênhx thiaz chox car.

Hnuz 20/12, Yar cơưv Nhuôv zâuk Mường Sang, huyện Mộc Châu tưz đros Ban Chỉ huy Quân sự huyện kriz lês Cxiax cxênhv “ Ndis saiz iz hnuz uô txir nzơưv tuz lênhv ” ndax trâu saiz hloz 80 shông Hnuz tsa tơưv Tuz lênhv pêx xênhv Việt Nam (22/12/1944 – 22/12/2024) thiaz saiz hloz 35 shông Hnuz pêx xênhv tsưx hưv Têz qơư  (22/12/1989 – 22/12/2024).

Hnuz 16/12, Yar cơưv THCS Tô Hiệu, Thành phố tưz kriz jias “Iz hnuz shâuv uô tuz lênhv” ntơưv Đại đội Trinh sát - Cơ giới (Bộ Chỉ huy Quân sự tỉnh Sơn La) ndax saiz hloz 80 shông Hnuz tsa tâu Tuz lênhv pêx xênhv Việt Nam (22/12/1944-22/12/2024) thiaz saiz hloz 35 shông Hnuz Tas nro pêx xênhv côngv por hưv têz qơưk nhoz njias to (22/12/1989-22/12/2024).

Hâur 2 hnuz (14 thiaz 15/12), Công an thành phố Sơn La tưz chox car Công an têx  xã, phường tiz cxix kriz lês Hnuz gruôv pax fuô kria, ndis saiz, tuô siv tuô hluôr tơưk cuz thiaz chơưv nênhs huôk chuôz tav trâu yênhx cxênhx tux pêx xênhv, cưk kria ntơưr, tuz cơưv, sinh viên zuk thax tsav.

Hnuz 14/12, ntơưv xã Bó Sinh, huyện Sông Mã, Báo Sơn La đros têx đơn vị, tsêr luôv hâur zuk tỉnh thiaz oz chas tỉnh tưz côngv đros xã Bó Sinh kriz Cxiax cxênhv “ Ntux yiaz siz hluz”.

Hnuz 14/12, Báo Sơn La đros têx đơn vị paz thiaz xã Bó Sinh, huyện Sông Mã kriz jias uô tiar, muôz lok sir zôngv tus qox hlâu hla tus đêx Nậm Pát (ntu jok Pát).

Hnuz 12/12, Phòng Choz kria ntơưr huyện Vân Hồ tưz suôx câuv Jias tưr Khoa học kỹ thuật trâu shuv xênhz THCS shông cơưv 2024 - 2025.