Nhiax txiax số zos iz luz luôs hâux lưv tsênhv chênhz 3 luôs hâux lưv hlôngr số, tỉnh Sơn La tưz lês ntâu faz tsưr ziv huôv tsar nhiax txiax số chia cxơưz pênhr xưv huôv tsar nhiax txiax thiaz cxơưz cxiv luz nênhx.

Shông 2025, tỉnh Sơn La tâu zok xav hur si tuôr xav pênhr cxưx nhiax uô têz qơưk hâux lưv yax 6.590 tỷ nhiax. Hâur ntơư, yax 288 tỷ nhiax zos pênhr shông 2024 xa trâu shông 2025, đuô li yax 6.300 tỷ nhiax zos pênhr tuôr xav shông 2025.

Chiv ntux yiaz shông no, xã Huy Hạ, huyện Phù Yên tsêz chos 170 ha blêx liax ntux yiaz, phênhv ntâu zos nôngz blêx J02, Đài tsư ha 8, séng cù... Xã txuôs jông zuôr luôs 50 ha blêx chos trơưk faz hữu cơ. Nhiv no, tuz kôngz taz tov nthuô đrox, trâu qir trâu blêx; tsik so saiz shuôk liax, cxênhz yuôx, zênhx max tir tar caz hmoz.

Lêx gri sir zôngv huv siz bâus 3 luz hli hâu shông thax tsav tỉnh tsar 3,02%, njuôk li chaix no tsaiz no.

Sơn La muôx yax 84.700 ha ntông nox txir cxuô zav zuôr luôs 150.000 ha kôngz zos blêx, poz cưk, cà phê, iz shông nto 1 triệu tấn. Lês trơưk chai muôs hax huv muk oz chas, tỉnh uô jông cxiv tsa mã cxênhz qơư chos cxuô zav kôngz thiaz mã cxênhz qơư tu trơưk chai ntiax têz, uô tơưv têx “ntơưr muôs huv” zov chênhr trâu têx kôngz txênhztâu cêr luôv hâur ntiax têz. HTX chos thiaz tu njuôs hur Tân Xuân tu njuôs shông bát độ.

Lês hâux lưv iz luz xã muôx iz zav huv jông (OCOP), huyện Thuận Châu tưz huôv tsar têx hax huv iz txưv muôx, uô jông yênhx zav huv zov chênhr. Tuôr xav têx huv OCOP jông txơưr têx thax tsav txơưr, muôs tâu gri, muôz ntơưr chứng nhav txâuk châiâhx huv hur...

Hâur 3 luz hli hâu shông, thôngz tỉnh tưz nhav uô tiar 1.295 lưv thov ntơưr uô tsêr luôv, tsar yax 187% njuôk li shông uô ntêx; 100% ntơưr txaik thiaz tu đhâu mạng điện tử; tsa 376 luz tsêr luôv yiaz, đơn vị saiz car; tas nro têx nhiax pênhr nto 901 tỷ đaiv. Têx tsêr luôv, đơn vị saiz car tror chos luk uoo lax luôv đuô muôx 58 luz tsêr luôv, đơn vị saiz car (45 luz tsêr luôv, 13 đơn vị saiz car), yôngv tas nro têx tsêr luôv thôngz tỉnh nto 3.856 đơn vị, yax 79.938 tỷ nhiax.

Hâur 3 luz hli hâu shông, Tuz kôngz thôngz cxuô xã ntơưv huyện Vân Hồ tưz chos tâu 700 ha liax ntux yiaz; 901 ha jâuz cxuô zav thiaz yax 960 ha poz cưk chia txiar vâuv puz nhux.

Txix thâuv hâu shông txos nhiv no, hâux lưv tỉnh Sơn La muôs hx huvc muk oz chas têz tâu lês truôx njês thiaz muôx tsar nzir.

Txix li têx nhiax têz qơưk Luôs hâux lưv, huyện Quỳnh Nhai cxênhz yuôx, paz lês têx dự án uô kôngz lông thiaz zus tsiax đêx fiv huv trâu đêx ar hâur thax tsav.

Kriz tâu jông cêr uô nox fiv huv, muôx liv li đêx ar xênhz txơưv, huyện Sông Mã gruô hu ntâu nhiax txiax đas jos huôv tsar uô kôngz txir, zaz zâuv pêx xênhv hlôngr xav đuô kôngz chos, tsiax zus trơưk faz hax huv. Đhâu ntơư, tsa yênhx thax tsav kôngz txir zênhx chos kôngz txir trơưk qơư, đros ntâu huv txơưr hlo, siz chos paz yôngv siaz cêr uô nênhx trâu pêx xênhv.

Nhoz siaz txos 1.700 thiar njuôk li đêx hiar txưr, xã Háng Đồng, huyện Bắc Yên muôx huôz chuô lax nzias, huôz pư har thơưv shông. Thax qơư nto mông đros trâu yuôx zêx lâuk yênhx puôk shông, tsik ntâu qơư muôx li ntơư.

Ntu đhâu, tỉnh pêz tưz tso tơưv thiaz sir zôngv ntâu cêr chai paz, hlôngr yiaz hâux lưv cxưx nhiax uô lax luôv, txo tsơưs ntâuz ntơưr, gruô hu ntâu tsêr luôv tuôx cxưx nhiax uô nox hâur thax tsav.

Hur si tỉnh muôx yax 740 ha txir plâux, phênhv ntâu chos ntơưv huyện Mai Sơn 577 ha, Mộc Châu 106 ha, Yên Châu 53,5 ha, đê tâu yax 9.360 tấn txir. Phênhv ntâu têx qơư chos txir plâux Sơn La tâu chos trơưk tsưr ziv VietGAP, txâuk chai chia muôs hâur têz qơưk thiaz oz chas têz.

Ntu no, iz chas têx vax txir khơưz kaz jiz taz tov txi, ntâu luz vax txir khơưz kaz jiz ntơưv thị xã Mộc Châu tưz siar. Zos Tuz kôngz zôngv kỹ thuật paz cov txir khơưz tơưs pax, txi txir nzor, luz chaix tưs cux muôx txir khơưz muôs tâu gri.

Hâur luz 2 hli, Ban Chox car 389 tỉnh tsi njênhk chox car têx nênhs muôx vax huôv cxênhz yuôx ntov nti cxuô ntu cêr đriv têz, têx trôngx lôngs, cêr zâu hla đriv, têx qơư tsês hax huv ntâu thax tsav đriv têz, trôngx lôngs, têx ciaz, đrôngs lax luôv, qơư muôs hax huv, cxuô trang mạng xã hội, muôs thiaz zuôr huv trực tuyến… nzor cxênhz pov thiaz bluô ntov nti têx nênhs zuôr, muôs, thâux têx hax huv txưr, huv chuôr, huv tsik pâuz mênhx qơư uô tơưv, têx zav cxâuv chai sở hữu trí tuệ, tsik hur.

Ntu đhâu, tỉnh tưz huôv tsar nuôv zax, trâu siaz piar kria têx cêr luôv nuôv zax. Têx qơư tok kruô, tsêr kruô thiaz cxuô qơư nuôv zax puôr lênhx cxưx nhiax uô jông, uô jông tsơưx kruô.

Hli 2, têx paz pơưs nhiax txiax hâur thax tsav lês hâux lưv truôx njês, hur si têx nhiax ntơưr đhâu tsêr nhiax xav tâu 13.000 tỷ đaiv, tsar 23,95% njuôk li chaix no tsaiz no.

Hâux lưv cxiv tsa, por hưv jêx jok bê lax luôv lok sâuv tâu puz ntơưr ntâuk chiv, por hưv bê lax luôv trâu têx zav huv zos qơư chuôz zov chênhr hlôngr yiaz tsưr ziv siz tưr txơưx uô lax luôv, nhav nxiak zos bê lax luôv thiaz têx huv zov chênhr muôx gri ntơưv tỉnh. Ntu đhâu, Sở Khoa học thiaz Công nghệ tưz saz lax trâu tỉnh fuô lês têx hâux lưv cxiv tsa thiaz huôv tsar bê lax luôv trâu têx huv zov chênhr gra thax tsav hâur tỉnh luz bê.

Cias tov kaz Tsiaz têz qơưk, têx tsêr luôv, tsêr luôv tưz moz siaz lês hâux lưv, paz trâu chỉ số uô công nghiệp hâur hli 2 tsar 6,35% njuôk li hli uô ntêx.