Tuôx cơưv, muôx 132 tus cán bộ, hội viên, hlôngr njêx muôs trâu iz cxia HTX thôngz tỉnh tưz tâu báo cáo viên ntơưv VNPT Sơn La thiaz Bưu điện tỉnh  kria lok sâuv hlôngr số, txiax njis, kror zov chinhr lol sâuv hlôngr số hâur cơ quan têz qơưk, cxuô paz pơưs, tsêr luôv, HTX thiaz pêx xênhv; Đảng, Têz qơưk têx cêr chai hlôngr số; hlôngr số chia cxơưz paz trâu nhiax txiax têz qơưk thiaz pêx xênhv muôx cêr hlôngr yiaz; kria kriz tài khoản chia muôs têx kôngz lông sâuv cêr luôv điện tử. Têx nênhs cơưv tsênhv tâu cán bộ, nênhs uô hâux lưv BIDV Sơn La kria kriz tài khoản, kriz tài khoản gruôv nhiax paz trâu hâux lưv uô luôv điện tử, tsik ro nhiax.  

Jias no, zuôr paz trâu hâux lưv sir zôngv lax luôv điện tử hâur tsêr luôv, HTX thiaz têx ziv nênhs uô nox uô hâuk, uô lax luôv kôngz lông. Paz max hâux lưv muôs kôngz lông ntơưv tỉnh; muôz pêx xênhv, tsêr luôv, HTX, tổ hợp tác têx kôngz lông muôs đhâu cêr luôv điện tử postmart.vn chia piar muôs têx kôngz lông ntơưv Sơn La txos cxuô kror qơư hâur têz qơưk thiaz têx têz qơưk hâur ntiax têz...