Suôx câuv thiaz choz zênhx muôx cêr côngv ntơưv thơưx car xã Huổi Một, thơưx car iz cxia xã puôs ndis; nênhs hlôngr njêx muôs têx cơ quan, tsêr luôv nhoz thax tsav, đros  yênhx cxênhz pêx xênhv thiaz kruô nuôv zax hâur zuk xã thiaz luôs xã.

Hnuz gruôv pax Txux chi - Thể thao cxuô hair nênhs xã Huổi Một shông 2026 kriz lov jêv ntưk đros ntâu zav txux, muôx chôngz tus pêx xênhv thiaz kruô nuôv zax tuôx côngv lês, li haik cưr cxiax, khar hnar tsôngk jông, tưr tuôr nduôr blêx blâuv, truz hluô, njuôk jos, têx cêr uô si cênhz cưv thiaz haik cưr cxiax zưx siaz.

Tuôx côngv hnuz gruôv pax muôx jê 1.000 tus cưk txux, nênhs nthuôr txux, vận động viên zos pêx xênhv cxuô zav nênhs tuôx ntơưv 27 jok thax tsav. Ban tổ chức tưz kriz tưr haik cưr cxiax sênhr chêr thiaz xair tsov têx jax nto mông chia muk nthuôr trâu hnuz 17/1;đros ntơư, côngv tưr hnar tsôngk cênhz cưv jông ntơưv 4 hair nênhs Hmôngz, Poz Ziz, Maz, Poz Thơưx, cxaz cêr lov jêv cax siaz, zos tsênhv têx txux chi.

Đuô li, Ban tổ chức tưz chia qơư tênhz tso qar hax huv kôngz txir kaz, nto mông ntơưv xã; têx qar tsêr tsêr nox hâuk tsik zuôr nhiax thiaz qar huv tsôngk yo "tsik zuôr nhiax" zos cán bộ, công chức, viên chức thiaz nênhs uô nuv xã Huổi Một côngv cxơưv kriz.

Hnuz gruôv zos nuv tsênhz mênhx ntơưv xã Huổi Một, siz chos muôx cêr siz tưr lov jêv ntưk hơưv tok Đại hội đại biểu têz qơư jâus 14 ntơưv Đảng thiaz jâus bầu cử đại biểu Quốc hội khóa 16, HĐPX têx cấp ntu 2026 - 2031; đhâu ntơư, muôx cêr cax siaz, thôngx siaz hâur tsôngv pêx xênhv cxuô hair nênhs, saiz hloz txux chi cênhz cưv thiaz yôngv siaz cêr pâuz tsưx tsês txux chi tiz nênhs.

Đhâu lês, Ban tổ chức tưz choz zênhx tiv iz, oz, pêz, cxơưz jos trâu têx paz tuôx tưr, vận động viên tưr tâu ntơưv têx njiaz luk./.