Côngv jias tưr, muôx 38 lênhx shuv xênhz nhoz hâur 25 đơn vị yar cơưv khối tiểu học thiaz THCS, THPT hâur thax tsav Thành phố. Têx shuv xênhz tưz tưr đhâu 2 phênhv tưr li nthuôr pênhr xưv, nus thiaz têz.

Txix li uô tiz jông bax, ntơưv phênhv tưr nthuôr pênhr xưv, têx shuv xênhz tưz sir zôngv luk Anh kria txos zuk tus khênhx, luz yar cơưv zuk taz tov cơưv, tsưr ziv cơưv coz luk Anh; đros ntơư, nthuôr pênhr xưv haik luk Anh đhâu têx jax cưr cxiax, thav đaz nênhs, nhênhv pax huôv. Phênhv tưr nus thiaz têz, têx shuv xênhz tưz sir zôngv luk Anh chia kria pâuz, đros trâu njiaz luk lok sâuv zuk txox cêr nyơư, têx hâux lưv yiaz hâur ntu zuôr txos, por hưv đêx ar, huôz chuô nyiaz hur, txux chi hair nênhs, công nghệ AI…

Trơưk cxênhz ntơưv Ban tổ chức, têx shuv xênhz côngv jias tưr tưz moz siaz, sir tas nro đas jos. Nhênhv mênhx, zos, kria pâuz têx tsưr ziv chia por hưv zuk faz tsưr ziv, sơưr đơưk puôr lênhx muôx pênhr xưv, sir zôngv têx lok luk nus zos chai, fiv huv. Iz cxia njiaz luk nus thiaz têz muôx txiax njis zov chênhr, paz đênhr tâu têx ban giám khảo thiaz têx nênhs cxơưz jos siaz nhiav.

Suôx câuv jias tưr, Ban tổ chức tưz muôz 3 giải iz, 5 giải oz, 6 giải pêz, 11 giải cxơưz jos thiaz 3 giải trâu têx nênhs tưr tâu jông.