Xã Chiềng Sại nhiv no, muôx 10 luz jok, yax 6.400 tus pêx xênhv, hâur ntơư, cưr tix Hmôngz txênhz yax 32%, phênhv chôngz zos Hmôngz Đuz, muôx ntâu txux chi jông.

Tsiaz Hmôngz xã Chiềng Sại zos iz jias chia têx xênhz lênhx xênhz nzưr tror ndo txos zuk cênhz cưv chax chês, pox zơưv txir côngz, thor cov shông yiaz tâu ntux paz uô kôngz lông lok puk cxaz, zus tsiax cxu pur guôx. Tsiaz, cxuô zav hâux lưv puôr lênhx tâu cxuô ziv nênhs tso tsês, têx lâuk, mê nhuôv zâuk tâu côngv nthuôr txux chi, hnar tsôngk yo yiaz, siz chos nox têx kar hno trơưk cênhz cưv shông yiaz.

Shông 2026, zos thơưx shông nthuôr cêr lov jêv Tsiaz Hmôngz lês ntâu zav hâux lưv zos cênhz cưv txux chi jông, li: Txi xênhz đêx xênhz ar, tưr qar tsêr txux chi jômg gâux, nthuôr muôs têx hax huv zos kôngz lông pêx xênhv uô tâu; tưr tơưv pax ntâuz lâus, tưr thể thao thiaz têx cêr lov jêv iz txưv muôx.

Têx cêr lov jêv jias no, muôx 5 jax cưr cxiax, sênhr chêr, trax, tưr tsôngk yo txux chi Hmôngz. Têx cưr cxiax, sênhr chêr muôx txiax njis kruôk Đảng, Zơưv Côngz Hôx, nhiav têz nhiav qơư thiaz kruôk têx txux chi cênhz cưv jông ntâu tiav nênhx hâur tsôngv Hmôngz xã Chiềng Sại.

Cxuô zav hâux lưv ntơưv jias nthuôr cêr lov jêv uô trâu sơưr đơưk muôx cêr shir phaz, siz chos bôngs cêr thôngx siaz, piar kria têx txux chi Hmôngz jông txos têx kruô cxuô qơư.